انا مجرد عابر سبيل فى الدنيا

[طارق طروق]

صباح الخير لعيونك حبيبتى
صباح الورد ياراحة فؤادي
صباح الحب ولحن الطير شادي
صباح الخير من بدري
احبك وانتى ما تدري
وكيف اصبر على حبك
وحبك نار في صدرى

مع تحيات حبيبك طارق الهندى

ومعنى طارق الهندى
انها كلمات من فيلم هندى

[طارق طروق]

سعات كدا تلاقى ناس غريبه
وبقت بالصدفه اصدقاء لينا
وفى نفس الوقت تلاقى اصدقائنا بقت ناس
غريبه عننا دا كدا بقت العمليه بزراميط خالص
صح هو بزراميط يعنى ايه؟

[طارق طروق]

ومن كوارث البشر
لما تيجى تحط حد فى عيونك
تلاقيه عماك وخلاك اعمى
وعشان كدا بلاش ونبى حد يقول لحد انت فى عيونى الاتنين
بلا اتنين بلا تلات بلا اربع بلاخميس بلا جمعه بقى

[طارق طروق]

قبل ما بننام بنفكر في كلام

ممكن يكون حقيقة واوقات يكون اوهام

بنعاتب روحنا ونندم على حاجات بالكوم

وف وسط الندم بنروح ف النوم

تأليف والقاء واخراج وتمثيل
الواد اللى اسمه طارق

[طارق طروق]

بطاقتى الجديده


اسمي: وافى بزمن غدر بعض الاصدقاء

عمري : ضاع وانا اطارد صداقه كانت سراب

مؤهلاتى: القدره ع التحمل والضحك رغم غدر الاصدقاء

قدراتي : بكل انكسار ارجع اقوى

وظيفتي : طالب بمدرسه الحياه

[طارق طروق]

وعشان تتغير امورنا
المفروض نغير نفسنا مش نغير غيرنا
مش كدا ولا ايه يا متعلمين يا بتوع الحضانه

[طارق طروق]

على فكره
الثقه يا اصحابى واحبابى غير الغرور
وعشان كدا انا مغرور من باب الثقه
لا لا وربنا انا مش مغرور

[طارق طروق]

وعلى رأى خالتى ام اسماعين لما قالت
يعجبنى الناس اللى سلاحهم العقل
مش اللسان وضربتهم القاضيه
مش كتر الكلام
الله عليكى يا خالتى بجد
مع انى مش عارف تقصدى ايه بكدا
ما علينا

[طارق طروق]

بالتأكيد البعض منكم يعرف انى بحب الشاى بالنعناع

وبما انى بشرب شاى بالنعناع دلوقتى
نشوف فايده الشاى بالنعناع



خالى من الكافيين

غنى بمضادات الاكسده التى تقى الجسم من الاورام السرطانيه

يساعدعلى امتصاص الجسم للحديد بسرعه

مضاد للبكتريا والفطريات

مفيد للمعده والجهاز الهضمى

بنصحكوا تشربوا شاى بالنعناع

[طارق طروق]

و فى دهاليز الحياه
ومحدش فيكم يسألنى يعنى ايه دهاليز انا بسمعها كدا بقى
فى دهاليز الحياه
كنت ببحث عن احلى الاوقات
لقيت ان الحياه عباره عن لونين
مره اللون الابيض ومره اللون الاسود
ولازم نكيف نفسنا على اللونين دول
ومنهربش ونقاوم ونعافر لحد ما نلاقى نفسنا
عايشين فى اللون الابيض