انا مجرد عابر سبيل فى الدنيا

[طارق طروق]

عارفين واحنا بنلعب لعبه زى الكوتشينه مثلا او اى لعبه على الجهاز
بنفضل نعافر نعااافر وطول مهو مكتبش " end game "
بنعرف ان لسه فى خطوات ممكن تتعمل ونكسب
بس احنا اللى مش عارفين ايه هى واخر ما بنتعب
بنطلب مساعده الجهاز ويقولك تتحرك ازاى
ويفتح قدامك سكه تانيه
اهو طول ما احنا لسه عايشين لسه فى فرصه
نغلط ونصحح ونتعلم ونفيد ونستفيد
لسه فى حاجات كويسه احنا بس اللى لسه مش
عارفينها او مش عارفين نوصل ليها ازاى

ربنا ياخدكم وجعتم دماغى

[طارق طروق]

جميل جدا ان غيرك يقول فيك صفات حلوه
طيوب وبرىء وقلبك طيب ( كلمه برىء لا تنطبق على انا طبعا)
بس مش جميل انك انت تتغر بالصفات دى او تعتمد عليها اعتماد كلى
يعنى مش تتصرف باستهتار وبدون عقل وترجع تقول اصل انا قلبى طيب ومحدش مقدر
ولا انك تروح مبربش برموشك كدا وتقول اصل انا برىء وطيوب وقلبى طيب
لا ده كدا بقى دخلنا فى مرحله الهبل والعبط
والقانون لا يحمى المغفلين
صح الكلااااااااااااااااااااااااااااااااااااااااام؟

[طارق طروق]

مفيش حد مر بحياتى متعلمتش منه حاجه
حتى لو كان اسوأ خلق الله بتعلم منه
اهو هيعلمنى طريقه تفكير شريره اكشف بيها غيره بعد كدا
صح الكلااااااااااااااااااااااااااااااااااام؟

[طارق طروق]

تخااااااااااااااااااااريف عشان جعان ومش عارف اكل ايه

واهم حاجه انك تكون بتحترم هبلى وجنونى
واى حركات ملهاش مبرر منطقى او لا منطقى
هو مين ده اساسا ؟
والله مش عارف

[طارق طروق]

الذين يشاهدون محتوى الموضوع الآن : 3 ( الأعضاء 1 والزوار 2)
يا مراحب بالزوار
اتفضلوا معايا بقى
كنت جعان وباكل دلوقتى
خوخ وكنتالوب وموز
غيرى يا عينى جعان ولسه مش عارف ياكل ايه

[طارق طروق]

هنا بقى

عايز اشكر كل اللى متابعين المدونه حتى الزوار
وبيشغلوا نفسهم بكلامى
وكمان اللى بيبعتوا ليا تقيمات
واللى معجبين بمدونتى
وده شرف ووسام لى
بجد بكون مبسوط بمتابعتكم وكلامكم

وصباحكم كله سعاده وورووووود

[طارق طروق]

ياختى كميله عسل

بالذمه احساسكم يبقى عامل ازاى
لما تشوفوا الاموره دى وخصوصا لو لسه هتناموا
او صاحيين من النوم؟

[طارق طروق]

هو احنا لما نحلم حلم حلو كدا
وحد يصحينا من النووم فجأه

ليه بنفكر اننا لو عملنا نفسنا نايمين تانى هنكمل الحلم

بس انا جربتها

بنكملو على مزاجنا بقى

ًصبااااح الروقان الغير مبرر

[طارق طروق]

وهنا بقى يكمن التأمل

[طارق طروق]

من ساعه ما ابتديت اخرج مع اصحابى
عشان طبعا سيبت الكافتريا استعدادا
للوظيفه الجديده فى شركه كبيره
بعد العيد ان شاء الله
بقيت مرتاح نفسيا الحمدلله بعد ما كنت مضايق
لدرجه دلوقتى عايز اكتب واكتب بدون توقف