انا مجرد عابر سبيل فى الدنيا

[طارق طروق]

احيانا كتير بتكون ماشى فى طريق
لا عارف تكمل فيه ولا عارف ترجع عنه
وكأنك مستنى اى اشاره تقولك ايه الصح وايه الغلط
ومش بس كدا مستنى كمان اللى يشدك من ايدك ويقولك تروح فين
بتحس فعلاً ان اى حاجه جواك واقفه مش بتتحرك
او بمعنى اصح البوصله بتاعتك معطله
وكل ما حد يسألك مالك ؟ او مثلا انت نفسك فى ايه ؟ طيب عايز ايه يحصل
تلاقى نفسك تسرح كدا وتقول بجد مش عارف
بيحصل ولا مش بيحصل
يا متعلمين يا بتوع البطاطا انتم

[طارق طروق]

ناس كتير اوى بتفكر فى بكره
وبيبقى عندهم قلق ويقولوا ياترى هيحصل
ايه بكره اما انا دايما احساسى يقولى ليه تفكر
فى بكره خلينا فى النهارده وبكره يحلها المولى
واللى يعييييييييييييييييش

[طارق طروق]

رساله الى سهر
بمناسبه انك كنتى جعانه ومش لاقيه تاكلى
اممممممممم
لا لا لا قاصدى مش كنتى عارفه تاكلى ايه
بعتلك بيتزا وبطاطس مقليه واشترتهم من مكان تانى
عشان سيبت الكافتريا ومعاهم خمس ساندوتشات شاورمه لحمه
وخمس ساندوتشات شاورمه فراخ على خمسه سجق على خمسه كبده
على خمسه كرانشى على خمسه بانيه على خمسه استريبس
على خمسه سوسيس على خمسه شيش طاووك على خمسه فاهيتا
على خمسه همبورجر تصبرى بيهم نفسك عقبال ما تفكرى هتاكلى ايه
لكن للاسف لم يستدل على عنوانك بتاع الدليفرى معرفش عنوانك
يلا بقى ملكيش نصيب فيهم

[طارق طروق]

جمله غلط اكيد كلنا بنسمعها
وهى جمله(انا مقدرش اعيش من غيرك)
بمعنى لو حصلك شىء راح اموت
طيب هاتلى او هاتيلى كدا شخص مات بسبب ان حد خرج من حياته
او سابه او بلاش كل ده مات بعد موت حد مثلا
لانه مش قادر يكمل من غيره
محدش حياته بتقف
ممكن نزعل نتضايق بس الحياه مستمره فعلا
مش كدا ولا ايه؟

[طارق طروق]

مش معنى انك بتفكر كتير قبل اى تصرف
او انك بتلجم كل افكارك المجنونه ومشاعرك
وان مش كل ال بيجى على بالك بتعلمو
ومش كل كلمه نفسك تقولها بتقولها

مش معنى كل ده انك مش بتحس
بس معناه احيانا انك حذر او خايف
او مش عايز تظلم او مليووووووووون الف حاجه

بس بقى لما تعمل واحده من ال فوق دول وتلاقى رد فعل غبى

سعتها بتكون عارف انك ماشى صح

[طارق طروق]

رساله الى فجر
عايز اقولك حاجه
انا لما بدخل اكتب كل ما يدور بخاطرى
مش بحس انا كتبت قد ايه طالما الافكار شغاله
سعات بدخل اكتب مش بلاقى حاجه اكتبها
معلش بقى اتعبى شويه وامرك لله

[طارق طروق]

فى حاجات بنسجلها ساعة فرحه
لما نرجع نقراها بترجعنا تانى لنفس دقيقه اللحظه دى
نعيش معاها اوى وتخلينا نرجع نضحك تانى

زى ما دى موجوده الحاجات اللى بنسجلها ساعة حزن بردو موجوده
بتوجعنا اووى وتخلينا نفتكر حاجات كتير عدت منعرفش ازاى وليه بس الحمد لله انها عدت

تفتكرو نبطل نسجل اللى بيوجعنا علشان منفتكرهوش تانى ونتوجع تانى؟

[طارق طروق]

الذين يشاهدون محتوى الموضوع الآن : 2 ( الأعضاء 1 والزوار 1)
يا مرحب يا مرحب

[طارق طروق]

فى ناس مجرد ما بتفكر انك ممكن تشوفهم
بتحس انك بقيت مبسوط وبتبتسم لوحدك
وتفضل تحلم انك شوفتهم وتستناهم
مع انك عارف كويس اوى ان ده مش هيحصل
بس مجرد الحلم بيخليك فرحان

تخيل لو اتحقق بقى وااااااااااااااااااااااااااو

[طارق طروق]

احيانا كتير بتيجى فى دماغى حاجات مجنونه
او يمكن هى مش مجنونه بس انا اللى مكبر الموضوع حبتين
بيكون نفسى اقول لحد حاجه من غير ما اشيل هم كلامى
بيكون نفسى اروح اصالح كل الناس على كل الناس
سعات كتير بحس انى مقيد حتى فى تفكيرى