انا مجرد عابر سبيل فى الدنيا

[طارق طروق]

انا ممكن اعلم الناس كل شىء يخطر على البال
كل شىء كل شىء مهما كان جرأته
لكن انى اعلمهم الاحساس بيتهيألى انه صعب بجد
عشان الاحساس ده بيبقى شعور نابع من المزيوفرينا كاباكى توفوتو
ومحدش يسألنى يعنى ايه المزيوفرينا كاباكى توفوتو؟
عشان وربنا ما اعرف يعنى ايه مع انى انا اللى مخترع الكلمه دى دلوقتى حالا

[طارق طروق]

على فكره بقى
اتضحلى ان كل البنات اللى فى الدنيا
بيعرفوا يرقصوا داخل مناسبات الافراح
وخارجها
البنت فى اى مناسبه زواج يقولولها قومى ارقصى
تعمل مكسوفه فى الاول وتقول معرفش ارقص
ولا عمرى رقصت ومع الحاح تقوم ترقص
اللى يشوفها وهى بترقص الرقص ده
يقول عليها دى نازله من بطن امها بترقص
طبعا انا وبصفتى ببقى مكسوف وهى بترقص
وعندى خجل كبير بضطر ابص عليها وهى بترقص
لحد ما تخلص فقره الرقص بتاعتها
ال مكسوف ال

[طارق طروق]

الدنيا مبتوقفش عند حد
بكره الجملة دى اوى بصراحه
عشان الدنيا بتوقف فعلآ عند حد
بس دنيتك انت اللى جواك و الدنيا اللى بره
بتفضل ماشيه زى ما هى و انت ماشى معاها
بس جواك حته واقفه جوا روحك ميحسش بيها غيرك
الكلام ده مفهوم ولا صعب عليكم؟

[طارق طروق]

النهارده وانا جاى من عند واحد صاحبى
وانا واقف فى اشاره المرور
كانت واقفه بجوارى بنت جميله جدا بالسياره بتاعتها
واشاره المرور طولت شويه اتعمدت انى ابص عليها
واستعبط فيها قالتلى بتبص على ايه يا كابتن؟
قولتلها كابتن؟ شيفانى لابس شورت وفانله ونازل العب كوره؟ طريقك اخضر
لقيتها مقدرتش تمسك نفسها من الضحك

[طارق طروق]

اكتر شىء بندم عليه
لما بعاتب حد لا يستحق ولا يعرف معنى العتاب

[طارق طروق]

عــزيـــزتي البنت

اذا كنتى ماشية في الشارع وشفتي شاب متعرفهوش

وهو ضحك مع صاحبه وفجأة جت عينك فعينه
ما فيش داعي تروحي تكتبي عالفيس بوك

إنــي أتدفــق عشقـا

اللهى تتدفق عليكى قرود اندونيسيا والهند يابعيده هو جه جنبك؟

[طارق طروق]

اول ما اتعلمت انجليزى قالولى الطماطم توميتو
والبطاطس بوتيتو
افتكرت ان الخس خوسيسو
والخيار خوريرو
وهكذا قمه العبقريه انا

[طارق طروق]

البنات زمان لما كانت تحب تزبط نفسها علشان تطلع :
تحط كحل وتسرح شعرها
اما كل بنات اليوم
تحط

كريم شعر
كريم وجه
كريم يد
كريم رجول
كريم عبد العزيز
ايه دخل كريم عبد العزيز
ماعلينا نرجع لمحور حديثنا
ماسكارا
رموش صناعيه
بودره سائله
كريم اساس
سمكره
صنفره
روج و ملمع
و مثبت
و مقوي
ومكبر شفايف
اسمنت
حديد
رمل
خرسانه
مواسر سباكه
فايبر كلاس
عازل جونسون
وفى الاخر تقولك انا جمال ربانى
يلا يا كذابه انتى كدا بقيتى صناعه يابانى

[طارق طروق]

شايفة نفسك وحشة ؟
مافيش فيكى أمل ؟
شوفى شيرين فى فيلم"ميدو مشاكل" اللى كنت بشوفه من شويه
هااااااااااا !!

بقيتى احسن دلوقتى؟

[طارق طروق]

ياللى انتى كاشفه بطنك ولابسه (بادي)
ولابسه بنطلون محزق مفسر كل جسمك
روحى الله يهدك
نفسى اقولها لكل بنت بشوفها كدا
وارجع اقول وانا مالى تولع بجاز