انا مجرد عابر سبيل فى الدنيا

[طارق طروق]

ياميش رمضان السنه دى
بقى عامل زى اسعار الدهب
يعنى لو حد طلب ايد بنت للزواج
اهلها هيقولوا للعريس احنا مش عايزين شبكه للعروسه
عايزين ياميش بدل الدهب والذى منه
وياريت المهر والمؤخر كمان يكون ياميش
وينكتب فى القايمه

[طارق طروق]

وفى رمضان ناس كتير بيعملوا مائده افطار فى البيت
تكفى ل100 واحد وهما تلاقيهم تلاته اربعه او خمسه
من الاسره وتلاقيهم يفطروا حاجات بسيطه ويرموا باقى
الاكل فى صناديق القمامه وناس تانيه غلابه مش لاقين ياكلوا

[طارق طروق]

وتلاقى الرقاصه من دول ال ايه تعمل مائده الرحمن فى رمضان
يا سلام على التقوى
وقبل رمضان وبعد رمضان ترقص عادى فى الكباريه
بس اللى بيعجبنى فى اى رقاصه انها بتكون شريفه وعفيفه
يا عين امها ولا بتروح هنا ولا هنا
من البيت للكباريه ومن الكباريه للبيت
وفى الاخر تبقى هى الام المثاليه زى فيفى عبده كدا
وهتقدم برنامج دينى فى رمضان زى سما المصرى كدا
وااااااااااااااااااااااااااااااااه يا بلد الهلس

[طارق طروق]

انا بحب الملوخيه جدا جدا
ومش باكلها الا من ايد امى
من شويه كدا لقيت امى بتجهز الملوخيه عشان تخرطها
قولتلها عنك انتى انا اللى هخرطها بالمخرطه قالتلى مش هتعرف
قولتلها متقوليش كدا عشان مزعلش منك انا هعلمك ازاى تخرطى الملوخيه صح
واول ما مسكت مخرطه الملوخيه وبخرطها قالتلى قوم يا وله حد يخرط الملوخيه كدا
تقريبا خافت انى اخرطها احسن منها تقريبا كدا

[طارق طروق]

باى بقى وخليكم نايمين كدا على طول
نامت عليكم حيطه

[طارق طروق]

وبدأ العد التنازلى لحلول الشهر الكريم
خليكم نايمين فى العسل دا انا تقريبا دخلت
فى كل الاوقات بردو الاقيكم نايمين
هو انتم مش بتشبعوا نووووووووووووووووووووووووووووووووووووووووووووووووو ووووم
ربنا يهدكم يا غلسييييين

[طارق طروق]

الف الف مبروك عليكم
انا فرحتلكم خالص مالص بالص
كل مشاكل مصر اتحلت ومصر مبقاش فيها اى مشكله
الا مشكله عويصه جدا جدا بس الدوله لقت حل للمشكله
عارفين ايه المشكله؟
فى رمضان صلاه التراويح صوت المكرفونات الخارجيه بتعمل ازعاج
للبعض وخصوصا اخوانا النصارى وعشان كدا الدوله عملت قرار
ممنوع منعا باتا لأى مسجد يذيع صلوات التراويح بالمكروفونات الخارجيه
فى رمضان شكلهم كدا مبقوش يخافوا من ربنا بقوا بيخافوا من ترامب

[طارق طروق]

ممكن العصفور يعشق سمكه
امممممممممم
لكن المشكله هيعيشوا فين بقى؟
هنلاقى العصفور هيطير
والسمكه بقى هتعيش وتسبح فى بحر من الاحزان
وده اللى ممكن يحصل فى الحب من طرف واحد

[طارق طروق]

انا عايز قلبا يشبه قلبى واكيد هعتنى بيه كتير
لكن اين هو هذا القلب
انا مش ضد الحب ولكن لازم يكون حب حقيقى
مش حب بتاع الافلام الهندى اللى شغال على النت
والعجيب فى كدا انهم بيصدقوا بعض

[طارق طروق]

الحياه غريبه جدا فيها كتير من التناقضات
احيانا اشعر باني شخصا طيب
واحيانا اشعر باني شخصا مغرور
واحيانا اشعر بأنى شخصا محظوظ
واحيانا اشعر بأنى شخصا هادى
واحيانا اشعر بأنى شخصا على نياتى
لكن الاكيد والاكيد انى شخصا عنيد جدا جدا جدا
الى متى وانا اعيش في تناقض بداخلي ومن حولي.