انا مجرد عابر سبيل فى الدنيا

[طارق طروق]

نظرا لأرتفاع وزياده اسعار كل السلع عندنا
وصل تمن طبق البيض الى 45 جنيه
وطبق البيض فيه 30 بيضه يعنى تمن البيضه وصل جنيه ونص
بعد ان كان تمن البيضه 50 قرش
ومن وجهه نظرى السبب حاجه من الاتنين
يا اما الدجاجه اللى بتبيض البيضه باضتها فى مستشفى خاص
او الديك زوجها متخرج من مدرسه اللغات

[طارق طروق]

كل شىء سيتغير فى الحياه حتى انا سأتغير


تقريبا كدا لسه متعلمتش من الحياه شىء


لأننى مازلت اثق فى البعض حتى لو هم مش منبع ثقه

[طارق طروق]

اتمنى اموت موته طبيعيه على سريرى
مش بحادثه كبيره بالعربيه بتاعتى

[طارق طروق]

وبالنهاية انا إنسان وليا مشاعر واحاسيس
تفوق الخيال وده اللى بيتعبنى من غش البشر وخداعهم
مهما كانت مبرراتهم

[طارق طروق]

انا عندى شله اصدقاء اللى دايما بخرج معهم

للاسف بعضهم مسافر وبعضهم مشغول
عشان كدا كلنا مش دايما بنجتمع مع بعض
لكن اللى موجودين فقط هما اللى بجتمع معهم
عارفين لو كل الشله اجتمعت مع بعض
وفى وقت واحد متهيألى اننا هنحرر فلسطين
ونحتل اميريكا وهنخطف ترامب اللى بيضحك
على الزعماء العرب وبيضربهم على قفاهم
وبياخد منهم مليارات زى ما عمل كدا
فى المؤتمر اللى اتعمل فى السعوديه

[طارق طروق]

ببقى كدا لما اكون على سريرى وبحاول انام وفى نفس
الوقت بفكر فى شىء وانا نعسان
هو ده طارق

[طارق طروق]

من المناظر الجميله اللى محتفظ بيها على جهازى
ولو لاحظتوا هتلاقوا الصوره كل شويه بتقرب بتقرب بتقرب
لحظوا كدا

[طارق طروق]

الذين يشاهدون محتوى الموضوع الآن : 4 ( الأعضاء 1 والزوار 3)
اهلا منورين وحيات خالتى ام اسماعين

[طارق طروق]

احيانا وانا قاعد على النت ابقى عامل كدا
من كتر الارهاق والسهر وقله النوم اما بقاوم
او اقوم احاول انام وتلاقى النوم يروح منى اقوم راجع تانى
مشكله بجد

[طارق طروق]

على فكره ده مش اعلان سجاير
عشان انا ولا بشرب سجاير ولا بطيق ريحتها
ولكن ساعات بحس بشعور غريب
بحس انى لا اشعر لا احس
لا انام لا اندم ولا افعل شيئا
حتى ريحه دخان السجائر
اللى كنت لا اطيقها ممكن اشمها بسهوله