انا مجرد عابر سبيل فى الدنيا

[طارق طروق]

وخالتى ام اسماعين قالتلى
ياطارق يا ابن اختى اللى يعبرك عبره
واللى يراعيك قيراط راعيه فدان
والفدان فيه 24 قيراط
قولتلها شكلك مثقفه يابت يا خالتى

[طارق طروق]

سعات كدا بنشتاق لأماكن مش عشان جمالها
لكن عشان بتفكرنا بناس بنحبهم وغاليين علينا

[طارق طروق]

وعمر المسافات سواء كانت بعيده او قريبه
بتقرب حد او تبعد حد
اممممممممممممممم
افتكر القلوب هى اللى بتعمل كدا

[طارق طروق]

على فكره فيه ناس ممكن تغير حياتنا
وتلاقيهم بعد كدا هما اللى يتغيروا
ازاى بقى معرفش
بيحصل ولا مش بيحصل
يا متعلمين يا بتوع الفريكيكو

[طارق طروق]

صعب اوى لما تلاقى اقرب الناس بيكدب عليك
طب ازاى بقى هتصدق باقى الناس؟
هو لغز بس عايز تفكير شويه

[طارق طروق]

صعب اوى اوى اوى لما ناس يكون الماضى
بتاعك معاهم جميل جدا جدا ويمحوا الماضى الجميل ده
فى ثانيه بمجرد ما يحصل بينك وبينهم اخر موقف حتى لو بسيط
بجد ناس عجيبه وغريبه يلا بقى مبقتش استغرب من حاجه

[طارق طروق]

جسمى متسلخ من البحر
هخادلى كام يوم كدا لحد ما يرجع لطبيعته
بس بجد كانت رحله جميله ولازم اتحمل بقى
اهو غيرت جو عشان بعد كدا استعد للشغل الجديد
فى الشركه ان شاء الله

[طارق طروق]

بقولكم ايه متغيروا اسم المنتدى
وسموه منتدى الاشباح احسن
ولا اقولكم سموه منتدى الصحراء القاحله
دا المنتدى كل يوم والتانى بيرجع للوراء
دا انا كان نفسى اكتب قصص زى الاول
واكتب فكهات وغيره وغيره لكن المنتدى
ميشجعش بصراحه

[طارق طروق]

فيه ناس بتبقى نايمه
تصحى من النوم تبص بصه على المنتدى
وتنام تانى تخدلها كدا غفله كمان وتقوم صاحيه تانى
تبص على المنتدى او ترد مثلا ردايه صغنونه
وتنام تانى وهكذا وهكذا الناس دى هاجى دلوقتى حالا
ارش عليهم ميه وهما نايمين وارجع تانى هنا

[طارق طروق]

فيه كافيه هنا فى القاهره بالتحديد بمنطقه الكربه
بصراحه اخر مسخره فى رمضان بعد الافطار
تلاقى الكافيه ده زحمه جدا جدا داخل وخارج الكافيه
كل بنت معها الواد بتاعها او تلاقى شله بنات وشباب مع بعض
قاعدين يشربوا الشيشه والبنت من دول ماسكه الشيشه
وعماله تشرب اكتر من الشباب اللى معظمهم بيشربوا سجاير
مافيش بنت فيهم الا وبتشرب شيشه وهى بتتباهى بكدا
دا الكلام ده فى رمضان بعد الفطار تعالوا بقى شوفوا بعد رمضان
نهار وليل قاعدين يشربوا الشيشه ولسه احنا شوفنا حاجه
بكره البنات تقعد على الكافيهات بالمايوه وعادى جدا