انا مجرد عابر سبيل فى الدنيا

[طارق طروق]

هو ده صندوق الابداعات ولا صندوق الدنيا؟
انتم خدتم بالمثل اللى بيقول اعور احسن من اعمى
بصراحه انا عندى الاعمى احسن

[طارق طروق]

الى العزيزه جبل عالى
بشكرك جدا على شعورك
وبقولك حمدالله على السلامه
وحاضر هحاول زى ما قولت مش يجينى احباط

[طارق طروق]

مع انى مرتاح فى شغلى الجديد بالشركه
والحمدلله واخد وضعى كويس جدا
امممممممممم
بس مش عارف ليه حاسس انى مش مرتاح نفسيا
بسبب وضع البلد واللى بيحصل فيها
وعلى فين يا بلد رايحه مش عارف بصراحه
ربنا يسترها بقى

[طارق طروق]

ولما تكون بتحكى مع حد سواء على النت
او خارج النت وتلاقيه بيختصر فى كلامه
معاك تعرف على طول انه اما مشغول
او خلاص مل منك ومن كلامك
فى الحاله دى بقى انا شخصيا
كأن شىء لم يكن

[طارق طروق]

الروتين اليومى بيكون ملل قاتل
وعشان نكسر الروتين ده نحاول
نغير من حياتنا شويه منفضلش نقول
اوففففففففف ايه الملل ده واحنا حاطين نفسنا فى بوتقه
وقافلين على نفسنا او بنكرر نفس الروتين

[طارق طروق]

ونصيحه بقولها للجميع وخصوصا للى
لسه متخرجش من الكليه اتك على الانجلش
بمعنى حاول تاخد كذا قرص فى الانجلش
لحد ما تبقى تمام فى الانجلش لو عايز تتعين فى اى وظيفه
وخصوصا لو شركه ساعتها مش هتحتاج واسطه عشان تتعين
اللغه الانجليزيه هى اللغه السائده زى الدولار كدا
بحمدالله انا اتعينت فى الشركه بسبب اتقانى للأنجلش بطلاقه

[طارق طروق]

الذين يشاهدون محتوى الموضوع الآن : 2 ( الأعضاء 1 والزوار 1)
صباح الفل والورد والياسمين

[طارق طروق]

ادينى اهو يا جبل عالى كسرت الاحباط
وعملت بنصيحتك اتمنى تكونى واسرتك بخير
واتمنى لا تغيبى عن المنتدى كتير
انتى والبعض

[طارق طروق]

بسمع ناس كتير تقول الواحد زهق من حياته بقى
ياريت الواحد يموت عشان يرتاح
تفتكر انت او هى لو حد فيكم مات هيرتاح فعلا؟
دا على اساس مثلا مثلا اللى بيموت بيروح الملاهى مثلا؟
يعنى مثلا اللى بيتمنى الموت مستعد لحساب القبر؟
اللى اعرفه انه حرام حد يتمنى الموت وربنا يسترها علينا
ويخفف علينا عذاب القبر

[طارق طروق]

والمال مش كل حاجه فى الدنيا
اى نعم هو مجرد وسيله مش اكتر
بس اللى اعرفه انه مش بيشترى قلوب ولا بيشترى
سعاده حقيقيه
ولو اشترى قلوب هتلاقيها قلوب بايظه اصلا
او قلوب مريضه ولو اشترى سعاده هتلاقيها
سعاده مزيفه او زائفه