انا مجرد عابر سبيل فى الدنيا

[طارق طروق]

وبقول لكل بنت
لما تتعرفى كدا على شاب ويحاول يتفشخر عليكى
ويقولك دا انا كنت مقطع السمكه وديلها
دا انا كنت مدوخ البنات بس خلاص توبت على ايدك
قوليله اكيد انت كنت شغال بتاع مراجيح عشان كنت بدوخ البنات

[طارق طروق]

البنات اللى بينتحروا لما بتظهر نتائج الامتحانات
وخصوصا الثانويه العامه او الكليه
او اللى مش بينتحروا ويفضلوا يعيطوا ليل ونهار
على ايه يا موكوسه انتى وهى كل ده
كدا ولا كدا البنت مصيرها بيت جوزها
هتقوليلى الشهاده سلاح فى ايد البنت
هقولك البنت النهارده ببتجوز سباك وهى معاها شهاده عليا
اهم شىء عندها الفلوس مش العريس معاه شهاده ايه
انا اعرف دكتوره اتجوزت تاجر كبير ومش معاه شهاده

[طارق طروق]

اللهم انزع الشيطان من بيوتنا
واطرد القلق من نفوسنا
وابعد عنا الهموم والاحزان
امييييييييييييييييين

[طارق طروق]

فيه ناس كدا بتهرب من التفكير بحياتها
ويكون عندهم مشاكل لا حصر لها
وتشغل نفسها بناس تانيه
دا مرض بجد

[طارق طروق]

وقابلت ناس كتير اوى
على الطبيعه طبعا مش على النت
عاملين نفسهم ولاد اصول
والغريب انى اعرف اصلهم وفصلهم
وتلاقيهم بيتكبروا على الناس الغلابه
مع انهم من الناس الغلابه اصلا

[طارق طروق]

وخالتى ام اسماعيين قالتلى
اياك تعاتب حد يا طارق مش بيسأل عليك
لكن عاتب نفسك انت عشان بتفكر فيه

[طارق طروق]

وفيه ناس اول ما تشوفهم كدا تحس انهم حد جميل
واول ما تعاشرهم تحس كدا انهم جزم تفصيل

[طارق طروق]

والواحد محتاج مفاجأت جميله
محتاج كلام حلو
محتاج ناس جميله وحشوه
محتاج اى حاجه تغير الروتين ده

[طارق طروق]

ومتصدقش حد يقولك اتعب دلوقتى
عشان ترتاح بعدين
انا لسه جاى من عند بعدين مافيش حد
مرتاح هناك

[طارق طروق]

وعلى رأى خالتى ام اسماعيين
ادى التنك على قفاه
يحترمك مدى الحياه