انا مجرد عابر سبيل فى الدنيا

[طارق طروق]

كل سنه وانتى طيبه يا هاجر بمناسبه عيد ميلادك اليوم
وعقبال كدا 151 سنه
هتقولى اشمعنى 151 سنه هقولك مش عارف
المهم خليلى حته تورته قبل ما هبه تاكلها كلها
باى بقى

[طارق طروق]

كنت بتفرج على بنات وشباب بيرقصوا باليه
وانا من هواه الباليه
لا ارجوكم محدش يفهمنى غلط
انا مش بعرف ارقص باليه
انا بتفرج وبس
دخلت عليا خالتى ام اسماعين
وقالتلى ايه الرشاقه دى بتاعت البنات والشباب
دول تلاقيهم عمرهم ما اكلوا محشى
يدوب خلصت الكلمه ولقيت الشباب والبنات
وهما بيرقصوا باليه وقعوا على الارض
قولتلها بركاتك يا خالتى عنيكى زى العسل
قالتلى تقصد ايه يا مجرم يعنى انا حسدتهم؟
قولتلها كلا وملا وفلا يا خالتى

[طارق طروق]

انا دلوقتى بشرب شاى بحليب
مع اول رشفه خدتها
حسيت كدا بالرضا وان الدنيا لسه بخير
اممممممممممممممم
مش عارف ايه علاقه الكلام ده بالشاى بالحليب
يكونش الشاى بالحليب فيه حاجه بتخلينى اخرف؟

[طارق طروق]

gold rose
منوره مدونتى
وصباحك زى العسل
تشبى شاى بالحليب؟

[طارق طروق]

gold rose
مش عارف بقى خالتى ام اسماعين عرفاكى ولا لأ
لو عرفاكى يبقى حظك زى العسل
حكم خالتى ام اسماعين فضاحه بعيد عنك
عموما انتى بقى وحظك

[طارق طروق]

سعات كدا النفسيه
بتبقى محتاجه كرسين على البحر
واحد ليا والتانى احط رجلى عليه

[طارق طروق]

مره هبه وهى قاعده مع خالتى ام اسماعين
خالتى عزمتها على قهوه بعد ما هبه شربت القهوه
قالت لخالتى اقريلى الفنجان يا خالتو
حكم خالتى ام اسماعين ضليعه فى قراءه الفنجان
مسكت الفنجان وبصت فيه وقالت لهبه
هتعيشى فى فقر لمده خمس سنين
هبه عيطت وقالت لخالتى طب وبعد خمس سنين هيحصل ايه
خالتى ام اسماعين قالتلها بعد خمس سنين هتتعودى على كدا
خالتى دى فقر بصراحه احبطت هبه

[طارق طروق]

وكفايه كدا النهارده
مع السلامه بقى

[طارق طروق]

وميت قال ان الحق مبيزعلش حد
بالعكس دا الناس مبتزعلش غير من الحق

[طارق طروق]

قصه محزنه
غاب عنها حبيبها سنين
ولما قابلته بعد الغياب دا كله
ضمها الى صدره فماتت
والسبب حاجه محدش يتوقعها ابدا ابدا
ماتت يا عينى امها لما ضمها الى صدره وشمت ريحه العرق بتاعه
هيييييييييييييييييييييييييح الله يرحمها بقى