انا مجرد عابر سبيل فى الدنيا

[طارق طروق]

والدراسات اثبتت ان الزوجه النكديه اكثر صحه
من الزوجه الصامته اللى بتتحمل وتكتم فى نفسها
وعشان كدا من موقعى هذا وانا بكامل قواى العقليه
بقول لكل زوجه نكدى دايما على جوزك
صحتك بالدنيا يا عسل

[طارق طروق]

وعلى رأى خالتى ام اسماعين
لما قالت
قالت ايه يا واد يا طارق قالت ايه
ايوه ايوه افتكرت قالت
القلب الجميل احلى من الوش الجميل
وطهاره الضمير احلى من لبس الحرير
جدعه يابت يا خالتى

[طارق طروق]

ربى اكفينى شر اصدقائى
اما اعدائى فأنا كفيل بهم

[طارق طروق]

بالرغم ان الحياه مدرسه وبنتعلم منها
لكن حاجات كتير اوى احيانا بنفهمها متأخر اوى اوى اوى
مش عارف بقى هل ده بطىء تفكير ولا غباء مننا

[طارق طروق]

وبعد واقعه حرامى الشقق اللى ثروته 100 مليون جنيه
بقترح على الحكومه الوسخه
اما تغير القانون او تغير الكالون

[طارق طروق]

دا انا لو شارى مويايلى بمال حرام
مكنتش كل فتره اغير التاتش بتاعه
عشان بيقع منى والشاشه تتكسر
ولما الشاشه تتكسر التاتش مش بيشتغل
زى ما يكون مافيش الا انا اللى معاه موبايل
نرجع ونقول الحمدلله كويس انها بتيجى فى حاجه زى كدا

[طارق طروق]

انا بحب اشوف فيلم عوكل
بس طلعت من الفيلم بحكمه
محدش واخد باله منها مع انه فيلم
عوكل كان بيحلم انه يتجوز اوسه اخت مليجى
ومكنش يعرف ان شروق هتبقى من نصيبه
وعشان كدا لازم نعرف ان ربنا سبحانه وتعالى بيشلنا الاحسن

[طارق طروق]

وفيه نوع معين من الملل والخنقه
لو مسك فى حد فينا يبقى يقابلنى
لو خرج منه حتى لو بالطبل البلدى

[طارق طروق]

وخالتى ام اسماعين قالتلى
بقولك ايه يا واد يا طارق
قولتلها عيب عليكى يا خالتى لما تقولى واد ما علينا قولى قولى
قالت افرح مع كل الناس بس عيزاك تستنضف الناس اللى تزعل عليهم

[طارق طروق]

فى مثل بيقول خدوها حكمه من افواه المجانين
وخالتى ام اسماعين دايما تقول الحكمه
لا لا مش قاصدى ان خالتى ام اسماعين مجنونه
لحسن حد فيكم يروح يقولها وتزعل منى
قالت ايه بقى:
قالت فيه ناس عيزاك تغلط عشان تزعل منك وتنساك
وفيه ناس لما انت بتغلط بتنسى الغلط عشان هى عيزاك