انا مجرد عابر سبيل فى الدنيا

[طارق طروق]

وعلى رأى خالتى ام اسماعين اللاتاته
لما قالت
ياطارق يابنى احنا عايشين فى دنيا
عامله زى الساقيه بتلف وتدور بينا
واللى هتعمله فى الناس بكره هيتعمل فيك
قولتلها دماغك بقى يا خالتى صدعتينى

[طارق طروق]

الواحد بقى محتاج الصبح فيتامينات عشان يفوق
ومهدىء بالليل عشان ينام
ومخدرات طول النهار عشان يتعامل مع البشر
حاجه بجد بجد تقرف

[طارق طروق]

وخالتى ام اسماعين قالتلى
لما تقطع علاقتك بحد يا طارق
متنساش تقطع لسانك عنه
فاهم يا واد؟
قولتلها طبعا فاهم يابت يا خالتى

[طارق طروق]

وفيه ناس بتضحك دايما مجامله
ليه بقى
عشان يبقى بينها وبين الناس معامله
بس ده اسمه نفاق فى نظرى بصراحه

[طارق طروق]

وفى يوم من الايام
كاااااااااااااااااااااااااان ليا قلب

[طارق طروق]

غيرت الحلاق بتاعى عشان
خلا واحد يحلق قبلى وانا جاى قبله
وحلقت عند واحد تانى النهارده
كأنه يعرفنى من ميت سنه
حكالى قصه حياته من يوم ما اتولد
طلعت من عنده راسى لسه مصدعه من ساعتها

[طارق طروق]

مع احترامى للحلاقين
متهيألى كدا ان الواحد منهم
كان بيتكلم وهو لسه فى بطن امه
يا باااااااااااااااااااااى

[طارق طروق]

الاخت العزيزه هبه
اين انتى؟
اتمنى تكونى بخير وسعاده
وابقى طمنينا عنك لما تدخلى

[طارق طروق]

الاخت العزيزه فجر الاسلام
اشكرك انك اخيرا نزلتى الحلقه بتاعتى
وكويس انك نزلتيها بدرى كدا
انا قولت احتمال فجر تنزلها بعد ما اتجوز
ويبقى عندى عيال وعيالى يتجوزوا ويخلفوا
وتنزلى الحلقه لعيال عيالى
نزلتى الحلقه بسرعه رهيبه يا فجر
لدرجه انى كنت ناسيها

[طارق طروق]

فيه بنات كدا عاملين زى خالتى ام اسماعين
لما بيزعلوا بياكلوا كتير
ولما بياكلوا كتير بيتخنوا
ولما بيتخنوا بيزعلوا
ولما بيزعلوا بيتخنوا
بيرجعوا ياكلوا كتير
ولفى بيهم يا دنيا