انا مجرد عابر سبيل فى الدنيا

[طارق طروق]

[طارق طروق]

فيرس كورونا
حديث العالم كله وسبحان الله فيرس لا يرى
بالعين المجرده ومجنن العالم كله
ومافيش شك انه عقاب ربانى للعالم كله
وخصوصا احنا المسلمين اللى بعدنا عن ربنا
العلاج والتحصن من الفيرس ده مش بالقفازات
ولا الكمامات ولا غيره وغيره وغيره
العلاج هو التقرب من الله بالنسبه لنا كمسلمين
يارب ارفع عنا هذا البلاء

[طارق طروق]

فيرس كورونا بسببه فى حاجات كتيره حصلت
حاجات لا تخطر على بال احد وده معناه ان
كل اللى على دين غير دين الاسلام عارفين
كويس جدا ان دين الاسلام هو الدين الحق
ومثال على ذلك فى احدى جلسات الكونجرس
الامريكى افتتحوا الجلسه بالقرأن الكريم
وشوفوا فى الفيديو ده احدى الكنائس طلبت
ايه من امام مسجد طلبوا منه ان يأذن الاذان


يا سبحان الله

[طارق طروق]

ومازال العالم كله يعجز وسيظل عاجز
فى مكافحه وسيطرته على فيرس الكورونا
لأن مافيش قوه فى الارض تقدر تمنع شىء
ربنا سبحانه وتعالى بلاه للعالم كله
وكلنا معرضين للأصابه بهذا الفيرس
لكن انا بجد حزين بسبب اغلاق المساجد
وخصوصا رمضان خلاص على الابواب
ولا هيبقى فيه صلاه ولا تراويح فى المساجد
مع اننا المفروض نتقرب من ربنا اكتر واكتر
فى الشهر الكريم عشان ربنا يرفع عنا هذا البلاء
من الاخر كدا فيرس كورونا جند من جنود الله
ربنا سلطه على العالم كله وزى ما قولت من قبل
تقربنا من الله هيخفى خالص هذا الفيرس

[طارق طروق]

كل سنه وانتم جميعا طيبين
وربنا يرفع عنا البلاء

[طارق طروق]

بصراحه رمضان السنه دى ملهوش اى طعم
ممممممممممممممم انا مش حاسس بريحه رمضان
ممكن حد يقولى ليه يا عم طارق طب والصوم والصلاه
هقوله الصلاه دى بنصليها يوميا والصيام ده بنصومه
اتنين وخميس حد هيرد ويقولى طب ومسلسلات رمضان
وغيره وغيره من البرامج الرمضانيه فى المفسديون
عذرا اقصد التلفزيون هقوله عندك حق رمضان من غير المسلسلات وغيره وغيره بلا طعم ولا لون
لكن غلق المساجد ومنع صلاه التراويح عادى عادى
فى رمضان وغير رمضان فيه ناس غلابه كتير
بتاكل من القمامه زى الفنانين والفنانات غلابه هما كمان
تخيلوا الواحده او الواحد منهم اجره فى المسلسل فى رمضان
كام؟ اقل واحد فيهم 18 مليون جنيه واكتر واحد فيهم 40 مليون جنيه يا حرام بيتعبوا طب تصدقوا بالله
مش حقد عليهم ولا شىء اقسم بالله انا دايما
بطلب من الله الصحه والستر
وكفايه كدا وباى بقى

[طارق طروق]

اهلا بكم
بجد بجد حاجه تجنن
لأن الله سبحانه وتعالى بلانا بفيرس كورونا
عشان نتقرب اكتر من جلالته وكانت فرصه كبيره
فى شهر رمضان بالصلاه والدعاء والصوم والزكاه
وقراءه القرأن وغيره وخصوصا الصلاه فى المساجد
وصلاه التراويح مع جموع المصلين لكن للأسف
حصل العكس وشغلوا الناس بمسلسلات ومقالب
رامز جلال وغيره ومبروك علينا فيرس كورونا
يا عااااااااااااالم يا هوووووووووووو
من فضلكم افتحوا المساجد للمصلين
وخصوصا فى هذا الشهر الكريم وجربوا
لأن الله سبحانه وتعالى هيحمى ضيوفه
فى كل بيوته وهى المساجد وفى نفس الوقت
هيزيد التقرب من الله وبعد كدا ان شاء الله
سيرفع الله عنا هذا البلاء على الاقل ببركه كل المصلين
والمتقين فى جميع انحاء الدول الاسلاميه
اتمنى ذلك يااااااااااااااااااااارب

[طارق طروق]

شكرا لكل من شرفنى فى مدونتى
وكل سنه وانتم طيبين وبألف صحه وسلامه

[طارق طروق]

بمناسبه شهر رمضان خلينا ننسى الكورونا بقى
ونشوف الديتو ده لأطقال بيقلدوا فؤاد المهندس وشويكار فى اغنيه رمضانيه

[طارق طروق]