انا مجرد عابر سبيل فى الدنيا

[طارق طروق]

صباح الخير
صباح مشرق مملوء بالسعاده والهناء
معلش كمان شويه كدا مضطر احرمكم من وجودى
عشان رايح الشغل وعشان كدا عايزكم تتحملوا
عدم وجودى معاكم لحد ما ارجع من الشغل
محدش فيكم يعيط بقولكم انا رايح الشغل مش رايح احارب
شغل ايه؟
اه نسيت اقولكم بعد ما اتخرجت من الكليه
وقاعدت صايع فى البيت منتظر اى وظيفه تعيين
ملقتش عندى اى واسطه
بس لقيت واسطه اشتغل بيها فى كافتريا
يالا الحمدلله والمثل بيقول
اعور احسن من كفيف

[طارق طروق]

ورجعتلكم تانى بالسلامه
انا لسه جاى من الشغل من شويه
خدت شور وصليت واتغديت
لسه بقى هفكر اكتب ايه هنا
طيب هاخد جوله كدا فى المنتدى
وهشوف ايه اللى هيخطر على بالى واكتبه
انتم وحظكم بقى

[طارق طروق]

عارفين احمل شىء فى الحياه ايه؟

ان الواحد يعرف قيمه نفسه اه والله

[طارق طروق]

ناس كتير اوى ممكن يحسوا بيك بدون ما تنطق كلمه واحده

وناس ممكن لو اتكلمت معاهم العمر كله ولا يسمعوك

يكونوش ساعتها كانوا سرحانين فى حاجه لسمح الله؟

ولا يكونوش ادونا الطرشه؟

[طارق طروق]

مره امى كانت مريضه واختى اللى متجوزه
كانت فى بيتها عشان جوزها كان جاى من السفر
وابويا طبعا فى الشغل
امى قالتلى مش عارفه هتاكلوا ايه ومش قادره
اعمل حاجه قولتلها ولا يهمك وراكى رجاله يا ست الكل
قالت مش فاهمه قولتلها انا اللى هطبخ لازم نشيل بعضينا
ضحكت وقالت انت تطبخ؟ دا انت متعرفش حتى تسلق بيضه
قولتلها نفسى تدينى الثقه انا هعمل اكله خفيفه
كفته ومكرونه دى سهله اوى اوى متقلقيش
انتى عليكى تجهزى لى الكفته والمكرونه وخلى الباقى على الله ثم على
قالت ماشى لما نشوف بعد ما جهزت كل شىء قولتلها قوليلى اعمل ايه
وانا على طول هعمل قالتلى طريقه المكرونه وطريقه الكفته وقالت ها كدا فهمت؟
قولتلها سهل اوى اوى روحى انتى ارتاحى وسبينى مع نفسى
يا لهوتينى على اللى حصل امى سمعت حاجات فى المطبخ بتقع وتتكسر
والمكرونه بقت مهلبيه بعد ما سلقتها والصلصه وقعت على الارض
وعلبه الملح كلها ادلقت على الكفته والمطبخ بقى زريبه مش مطبخ
خربت الدنيا جوه المطبخ طبعا امى دخلت المطبخ تاهت لقت ان مافيش حاجه فى مكانها
وعشان لا اطول عليكم اكتر من كدا مافيش حد عرف اللى عملته فى المطبخ ابدا
غير العيله كلها والجيران والشارع كله وكمان الشوارع اللى ورانا
واى سوبر ماركت فى المنطقه او جزار او بتاع خضار وغيرهم وغيرهم بس

[طارق طروق]

على فكره اى شعر حلمنتيشى هكتبه هنا بيبقى من تأليفى واخراجى
ندخل بقى على الشعر الحلمنتيشى اتعلموا منى اتعلموا
احم احم احم
الو الو الو
هنا محلات عبده بعجر
الشاعر الكبير طارق هيقولكم شعر حلمنتيشى
يا مسهل
هيييييييييييييح


ومره ماشى فى الطريق قابلتنى بنت جميله
لا اعرفها ولا تعرفنى فجأه مسكتنى من التى شيرت
وقالتلى ازيك يا طارق ليه مش باين من فتره كدا
رديت عليها بكل حسم وقولتلها سيبى التى شيرت
انا اول مره اشوفك يا انسه فيه ايه؟
روحت على طول بأيدى على وشها طراخ طروخ طريخ
روحت سايبها وماشى

الله عليك يا طارق ايه الشعر الحلو الجميل ده

لكن سؤال هى عرفت اسمك منين؟
لا بقى بلاش احراج متحرجنيش مع اعضاء وعضوات منتديات بنات مصر بليييز
انا قولت بقول شعر حلمنتيشى ممكن يحصل فيه حاجات كدا وكدا

[طارق طروق]

بتعجبنى اوى بعض الحكم والامثال
وخصوصا السهله اللى بنفهمها فورا
زى اللى هقولها دى
اليكم الحكم حاولوا تستفيدوا منها
احم احم
هنا محلات عبده عجوره
واليكم الحكم

الكونط لى يجيك منه الريح سينيليه واستريح

بلوكانى وبكى سينيلانى واشكى

اجرى يا تاعس على بروفيل الناعس

لى اجوتاك ما بنالك قصر ولى بلوكاك ما حفر لك قبر

شافك شتيه عجبك اجوتيه

سينياليه سينياليه وايلا تبلوكا سير وحليه

اياك حد فيكم يقولى مش فاهم الحكم دى

[طارق طروق]

طبعا يمكن اللى يشوف الصور دى هيقولى ايه علاقه الصور التلاته ببعض
هقوله والله ما عارف انا لو اعرف اقول على طول

[طارق طروق]

لكل اللى بيزورنى هنا وبيقيمنى

واللى بيزورنى هنا ومش بيقيمنى هجيبله لب وسودانى وترمس

[طارق طروق]

ال يقولك جأتو لا اعلم من اين ال
واحنا مالنا دى مشاكل عائليه
ملناش دعوه بيها
طيب يا فالح ربنا سترها تقوم تفضح نفسك يعنى؟