انا مجرد عابر سبيل فى الدنيا

[طارق طروق]

تس تس

انا هتكلم من القلب وهبعت رسائل من تحت الماء

هفضفض بقى وامرى لله المهم ان كل كلمه جد

هتتقال لازم ناخد بالنا منها شويه عشان الامور تتوزن
الحقونى هقع هقع

[طارق طروق]

انا اشتقت اوى للشتاء
عشان بعشق المطر
جميع الاشياء بتحب المطر وتعشقه مش انا بس
حتى الطيور والشجر والقمر وسواد الليل وبريق النجوم
بيعشقوا المطر

[طارق طروق]

بلغنى ايها الملك السعيد
بالرأى الرشيد
ان شهرزاد لما كانت مع الملك شهريار
بتحكى له حدوته قبل النوم
وفجأه شهريار نادى على السياف
وصرخت شهرزاد وقالت للملك شهريار
سيبنى لبكره الله يخليك بلاش تقطع راسى
طبطب عليها الملك شهريار وقالها:
متخافيش يا شهرزاد انا ناديت السياف
عشان يشترى لى علبه سجاير من الكشك بتاع ام زغلول

[طارق طروق]

عندنا فى اليابان
الاطفال فى الحضانه
بيجيبوا ليهم مجسم طياره او دبابه حقيقيه مصغره
وبيعلموهم ازاى يركبوها قطعه قطعه
لكن انتم عندكم فى مصر بيعلموا الاطفال
ازاى يركبوا المرجيحه ويفرجوهم على بوجى وطمطم وكرنبه وغيره
وفى الاخر يقولوا الاطفال ليه طالعين متخلفين

[طارق طروق]

ضحكت تانى نفس الضحكه وراحت ماشيه
قاعدت انادى عليها ولا عبرتنى

[طارق طروق]

مش عارف ليه حاسس كدا ان تفكيرى مشوش شويه
ومش قادر اكتب حاجه هنا فى المدونه
وعشان كدا بقى

المدونه مغلقه لحين انتهاء فتره التشويش

[طارق طروق]

انا كتير اوى ودايما بتكلم عن البنات
اتكلم بقى شويه عن الولاد
دايما نلاقى الولاد وانا منهم طبعا فى اى فرح بيبقوا جايين
عاملين فيها توم كروز وشياكه بقى واخر اسلوب
ومع اول مهرجان شعبى بقى بيشتغل
كله بيتحول لسواقين تكاتك

[طارق طروق]

النهارده فضلت ادور على الموبايل بتاعى فى الاوضه وانا بكلم بيه واحد صاحبى
المشكله مش فى كدا لا
المشكله انه كان بيقولى دور عليه كويس وانت تلاقيه

[طارق طروق]

ال ايه الشاب من دول اول ما يخطب واحده
ويلاقى بعد كدا اصحابه بيتكلموا على البنات
يقولهم يااااااااااااااه انتم لسه بتتكلموا على البنات
اكبروا بقى وعيب عليكم
ال يعنى الواد قبل الخطوبه كان بيكلمهم عن قصص الانبياء ال

[طارق طروق]

اصعب لحظه بقى
لما اسمع ابويا وهو بيتكلم فى الموبايل
وهو بيقول ايوه انا ابوه
بلاقى فى لحظه شريط ذكريات الجرايم بتاعتى
واقول اوبااااااااااااا ياترى انا عملت ايه مش فاكر
انهى مصيبه من اللى عملتها