انا مجرد عابر سبيل فى الدنيا

[طارق طروق]

الناس دلوقتى كلها نايمه هنا وانا اللى صاحى
وكمان شويه هروح الشغل
طيب وانا رايح الشغل بقى
هقفل عليكم باب المنتدى من بره
بالقفل والمفتاح
عشان محدش يخرج منكم يروح هنا ولا هناك لحد ما ارجع من الشغل
خلى بقى النوم ينفعكم

[طارق طروق]

اللى حصل الصبح فى المنتدى
مش عطل ولا غيره
شوفوا كدا المشاركه اللى فاتت
انا قولت فيها انى هقفل المنتدى
بالقفل والمفتاح هو انتم كنتم فاكرين
ان دا كان تهديد؟ ولا كلام عيال؟
لا بقى فوقوا واعرفوا انتم بتتعاملوا مع مين
دا انا شخصيا وبدون غرور لما بقفل حاجه بقفلها
لسه من شويه قافل بلكونه اوضتى

[طارق طروق]

الحمدلله انا ربنا هدانى كتير
انا افتكر جت عليا ايام اول ما اصحى الصبح
الاقى الشيطان قاعدلى على السرير مستنينى
ويقولى ها يا برنس هنعمل ايه النهارده

[طارق طروق]

مش عارف ليه دايما الناس بتشك فى المستشفيات
المصريه بتاعتنا ويقولوا العلاج خارج مصر افضل واحسن
من المستشفيات بتاعتنا زى مثلا مستشفى ابو الريش او الدمرداش او غيرهم
مع ان الواحد ممكن يروح المستشفيات دى يعالج مثلا الصداع
يخرج مجبس رجله عادى مفيهاش حاجه هما بيعالجونا من حاجات
ممكن تحصلنا فى المستقبل

[طارق طروق]

كالعاده فتحت التلاجه وفضلت ابص جواها دقيقه كدا وقفلتها تانى
ورجعت تانى اوضتى ولا عملت حاجه
هو انا مجنون ولا دى حاله عامه؟

[طارق طروق]

تحيه لكل بنت
عارفه ان المكياج وسيله للتجميل
مش لترويع المواطنين الابرياء
دا انا بشوف بنات تقريبا كدا
مش حاطين مكياج فى وشهم لا
دول حاطين وشهم فى المكياج

[طارق طروق]

لو كان فيه مصاصى دماء عايشين معانا
كان زمنهم دلوقتى ماتوا من العطش
من كتر الناس اللى معندهمش دم

[طارق طروق]

سؤال محيرنى جدا
ومش لاقى له اجابه عند اى حد
ومفتكرش ان حد عارف اجابته
بجد سؤال محير ويجنن
هل البرتقاله اسمها برتقاله
لأن لونها برتقالى؟
ولا اللون البرتقالى اسمه برتقالى
لان البرتقاله برتقاليه؟

شوفوا انا لازم اجننكم معايا
اكتر ما انتم مجانين

[طارق طروق]

ونصيحه لكل بنت
بلاش يابت انتى وهى وهى
تحطى مواصفات لفتى احلامك
وتقولى انا عايزه فتى احلامى يبقى زى طارق
بشكله ووسامته وحلاوته وجماله واناقته
وطيبته وادبه وغيره وغيره الخ الخ
هو مافيش فى الدنيا غير طارق
يا عالم ارحمونى بقى شويه
اللهم زدنى تواضعا

[طارق طروق]

ال ايه كل واحده تقول
انا ربيت اولادى احسن تربيه
امال البهايم اللى بنشوفهم
فى حياتنا دول يبقوا ولاد مين ؟
دى حاجه تنرفز يا جودعوووووووووووووون