انا مجرد عابر سبيل فى الدنيا

[طارق طروق]

انا من النوع اللى لو حد قالى متنساش
لازم انسى
ولو حد قالى انسى الموضوع استحاله انسى
مش عارف بقى الحكايه دى عايزه دكتور
ولا انتم عادى زى انا كدا؟

[طارق طروق]

كنت مره ماشى مع اصحابى
وقامت فى دماغى فكره شريره
قولتلهم انا هقول كلمه بصوت عالى
وكأنى بنادى على حد وشوفوا
كام واحد وواحده هيبصوا وراهم
روحت قايل بصوت عالى
يا حماااااااااااااااااااااااااار
لقيت نص الشعب المصرى بيبص وراه
ناس واثقه من نفسها

[طارق طروق]

بقولك ايه يا امى
لو سمحتى قومى اعمليلى
كوبايه شاى بنعناع وبعدها فنجان قهوه
وبعدها شاى بالنعناع وبعدها فنجان قهوه
يعنى ربنا يديكى الصحه يا امى ورا بعض كدا
عشان عندى مهمه مستحيله
مهمه ايه؟
لا ابدا هروح اعمل شويه لايكات لبعض المدونات
وربنا معايا بقى
وابقى يا امى ادعى لجبل عالى
عشان هى صاحبه الفكره
لا لا يا امى متدعيش عليها

[طارق طروق]

انا من طبيعتى انى حساس جداااااااااااااااااااا
يعنى ممكن كلمه صغيره جدا تفرحنى اوى اوى
وبرضوا كلمه صغيره جدا تخلينى طول اليوم متعكنن
ومزاجى مش رايق وعلى رأى اللى قال
طارق قماص او طارق قمصه
ايوه انا بتقمص من اى شىء
بس مش كل شىء

[طارق طروق]

نفسى فى مره احلم حلم يكون مرتب
تلاقينى كدا بحلم بحاجات زى الافلام الهندى
من كل فيلم اغنيه

[طارق طروق]

سؤال محيرتى بجد
ليه لما بنعض لسانا غصب عننا بيوجعنا
ولما بنعضه بمزاجنا مش بيوجعنا
واللى محيرنى اكتر
ليه انتم بتعضوا لسانكم دلوقتى؟
هتقولوا عرفت ازاى صح؟
طبيعى لما تقروا اللى انا كاتبه دلوقتى اكيد بتجربوا

[طارق طروق]

دايما فى السهره كدا تلاقوا حد بيدور على حاجه ياكلها
وخصوصا لما يكون جاى من الشغل ومكنش ليه نفس يتغدى
تلاقيه فى السهره جاع بقى ويبقى محتار ياكل ايه
وفى الاخر ترسى على طبق فاكهه خالى من الجوافه
ملحوظه: الشخص ده هو انا

[طارق طروق]

ورجعتلكم تانى ولا تعيطوا
ال امى ال اول ما جيت من الشغل
بتقولى ادخل يا واد يا طارق يا منيل على عينك
منتديات بنات مصر بسرعه بسرعه
قولتيلها ليه يا امى؟
قالت عشان بيعيطوا وعاملين مظاهره
وبيقولوا عايزين طارق
مش عارفين نعيش من غير طارق
نموت نموت ويحيا طارق
قولتلها سيبك منهم يا امى واتقلى شويه
هو انا هقطع نفسى يعنى؟

[طارق طروق]

اللهم اكفنى شر اصدقائى

اما اعدائى فأنا كفيل بهم

[طارق طروق]

عمى شكسبير قالى
يا طارق يا ابنى
متخافش من اللى عامل نفسه فاهم
لكن خاف من اللى عامل نفسه عبيط وساذج