انا مجرد عابر سبيل فى الدنيا

[طارق طروق]

بصراحه الشغل علمنى الادب غصب عنى
لما اتخرجت من الكليه كنت صايع وضايع
مع اصحاب السوء وكدا ومكنتش بقعد فى البيت
لما اشتغلت باجى من الشغل مدهول ومرهق وتعبان
بس بصراحه كدا احسنلى

[طارق طروق]

زباين كتير فى الشغل بتطلب منى رقم موبايلى
من جميع الاعمار والاشكال ومنهم عرب واجانب
ال يعنى الواد براد بيت بتقولى مين براد بيت؟
براد بيت ممثل وسيم متجوز الممثله انجلينا جولى
ما علينا ما علينا

[طارق طروق]

عندنا واحد فى المنطقه بتاعتنا مسمينوا البخيل
الراجل ده ولا عنده عيال ولا غيره هو ومراته مش بيخلفوا
وبرغم كدا عنده برجين مش عارف بناهم لمين بالظبط
ودايما تلاقيه كدا لابس ملابس مهلهله البواب بيلبس
احسن منه وعلى فكره انا اكتشفت ان اى بخيل
مش معترف بالموت يعنى بيحس انه مخلد فى الدنيا
لأنه لو عارف انه هيموت كان متع نفسه ونزهه نفسه

[طارق طروق]

دا مصيف فى الصين
يعنى لو واحده ابنها تاه منها مدورش عليه
الاحسن والاسهل ليها انها تخلف غيره

[طارق طروق]

اجارك الله من البنت لو زعلت
بيجيلها افكار شنيعه
لدرجه ان ابليس نفسه بيقولها
بصى يابنت الحلال انا بره الموضوع من دلوقتى

[طارق طروق]

على فكره انا هعيد حساباتى هنا فى المنتدى
فى بعض الاوضاع هنا مش عجبانى
والاوضاع دى هحتفظ بيها لنفسى

[طارق طروق]

ناس كتير اوى فاقده المصدقيه
برغم اننا بنكلم بعض من وراء ستار
ولا شايفين بعض ولا سامعين بعض
التواصل بينا عن طريق الكتابه
لكن للأسف بعض الناس وكتير اوى مش بيعيشوا بطبيعتهم
لازم يزيفوا كلامهم ولازم يكدبوا ولازم يحطوا نفسهم فى مستوى
اكبر من مستواهم

[طارق طروق]

وكله كوم وبعض المسابقات كوم وبقول بعض المسابفات
مش كلها طبعا
بتفكرنى بمسابقات التلفزيون اللى كلها بكش واونطا
ما علينا ما علينا

[طارق طروق]

احنا عايشين فى الحياه بمرها وبحلاوتها
لكن احنا طماعين عايزين حلاوتها وبس
استحاله الراكب هيفضل راكب
والماشى هيفضل ماشى
وعشان كدا المفروض نخلى الصبر سلاح لينا
ونرضى يالقدر خيره وشره

[طارق طروق]

على فكره النسيان ساعات بيبقى راحه لينا
وخصوصا بقى لما ننسى همومنا ومشاكلنا
انا مش قاصدى النسيان بتاع الزهايمر لا طبعا