انا مجرد عابر سبيل فى الدنيا

[طارق طروق]

بحب اوى اشوف فيلم سر طاقيه الاخفاء
بطوله الراحل عبد المنعم ابراهيم
شكلى كدا هلبس طاقيه الاخفاء دى مره
وهختفى من المنتدى

[طارق طروق]

عفوا
المدونه مغلقه لحين اشعار اخر

[طارق طروق]

وبناءا على طلب الجماهير
قررنا نحن طارق ابن ام طارق فتح المدونه مره اخرى
كنت عايز تقول ايه يا واد يا طارق كنت عايز تقول ايه
نسيت بقى كنت عايز اقول ايه
قطيعه محدش بياكلها بالساهل

[طارق طروق]

قالولها الحقى الحقى حبيبك بيخونك
ردت عليهم والدموع نازله من عينيها وقالت
اى حبيب فيهم؟
يا سلام على الاخلاص

[طارق طروق]

يا اصحاب المنتدى
يا اصحاب المنتدى
الاقيش عندكم بطاطين
عشان لو زعلت منهم فى البيت اجى
انام فى المنتدى لحسن المنتدى
فى الشتاء بيكون برد جدا جدا
وياريت كمان تجهزوا ليا بعض المشروبات الساخنه
بعدين بقى هبقى اكتبلكم ليسته بالمشروبات دى

[طارق طروق]

الجو امبارح كان تلج
منور يا واد حبيب

[طارق طروق]

فى الشتاء بقى بحب العدس الاصفر
اللى هو بيتغمس وبيكون فيه مكرونه شعريه او لسان العصفور
السنه اللى فاتت اتحدتهم فى البيت وعملته وطلع احسن من اللى بيعملوه
وانا بموت فى حاجه اسمها التحدى
عشان اول مره طلبت منهم اعمله طلع حاجه تانيه غير العدس
تقريبا كدا طلع مهلبيه طبعا اعدوا يضحكوا عليا وعشان كدا اتحدتهم
اعمله تانى بس قبلها سألت على طريقته من ام واحد صاحبى

[طارق طروق]

على فكره انا بحب الشطه جداااااااااااا
وتقريبا كدا كل اكلى بيكون فيه شطه
ولما باكل الكشرى المصرى
بيبقى شطه عليها كشرى مصرى
مش كشرى مصرى عليه شطه

[طارق طروق]

وناس كتير فى حياتنا
عايزه حمله نضافه

[طارق طروق]

الاستاذه اميره محمود
شكرا لثنائك على المدونه
وشكرا لمرورك منوره
وبشكر كل من يمر على مدونتى مرور الكرام
وبشكر كل متابعينى من المحيط الهادى والمحيط الشقى
وبشكر ام سيد بتاعت الخضار عشان ساعات كدا
بتمر على مدونتى عشان تسترزق وتبيعلها كدا
كام كيلو طماطم على كام كيلو كوسه