انا مجرد عابر سبيل فى الدنيا

[طارق طروق]

فى حاجات كتير ممكن تروح مننا
ونزعل عليها ونقول يا خساره مش هتتعوض
لكن فجأه كدا نلاقى حاجات اجمل منها
وننسى الحاجات اللى قولنا عليها مش هتتعوض
معنى كدا ان خزائن ربنا مليانه خير ومش بتخلص
وخصوصا لو دايما قولنا يارب

[طارق طروق]

لما يكون اقرب الناس ليك كان مجرد كذبه
طبيعى جدا انك متصدقش معظم الناس
حتى لو كانوا صادقين فى كلامهم

[طارق طروق]

فى حياتنا بتبقى فيه حاجات كتيره جدا بتسعدنا
ولو راحت مش بترجع تانى وعشان كدا ساعات بنتمنى
تكون فيه معجزه عشان الحاجات دى متروحش مننا وتفضل معانا

[طارق طروق]

ومن عجايب البشر انهم ممكن يمحوا
كل ماضيك الجميل مقابل اى موقف سىء معاهم
مع ان ربنا من سعه رحمته بيمحوا كل ماضى سىء بمجرد توبه

[طارق طروق]

انا لما بختلف مع اى حد وبكون عارف اسراره
بجمع الاسرار دى وبخبيها فى مكان وبنساها
مش بمسكها عليه واذله اتربيت على كدا

[طارق طروق]

[طارق طروق]

دايما اسمع بعض الاهالى تقول
عايزين نجوز الواد عشان يعقل بقى
هما فاكرين ان بنات الناس مصحه عقليه
هتصلح اللى هما افسدوه فى ابنهم؟
بجد حاجه غريبه

[طارق طروق]

الحياه فى نظرى انا عباره عن سوق كبير
والسوق ده فيه قلوب بتتباع وفيها عقول بتشترى
وفيه مشاعر مرميه على الارض وبينداس عليها
ولقيت الصدق فى محلات محدش بيشترى منها
ولقيت الكدب والخداع والخيانه فى محلات
الناس واقفين طوابير قدامها بيشتروا منها
ولقيت الاخلاص موجود فى محلات بس يا خساره
الناس اعتبرت ان الاخلاص بقى خلاص من طراز قديم وانتهى
وعجبى

[طارق طروق]

كفايه كدا دلوقتى
هقوم ارتاح شويه
مع السلامه بقى

[طارق طروق]

مبدائيا كدا المنتدى مش مظبوط وفيه حاجه غلط
ايه هى مش عارف