انا مجرد عابر سبيل فى الدنيا

[طارق طروق]

ومساء الزبادى
يا معذب فؤادى
ياترى بتحبنى ولا عادى؟
الله عليك يا طارق
اتعلموا بقى الشعر منى

[طارق طروق]

دخلت النهارده على خالتى ام اسماعين
لقيتها عماله تكلم نفسها وتقول
انا ممكن اتحمل اى فشل فى حياتى
الا فشل الاتصال بالانترنت
خايف اقولكم ان خالتى ام اسماعين
كلامها عن النت بالشكل ده تبقى فعلا صايعه نت
بس احتمال لو قولت كدا هتقولوا عليا مجرم

[طارق طروق]

ورميت همومى فى النيل
جالى السمك يلطم
السمك النيلى طبعا

[طارق طروق]

وسعات بنكون فاهمين كل حاجه
بس الاستعباط متعه بصراحه

[طارق طروق]

هو انتم كلكم نايمين؟
محدش فيكم صاحى خالص خالص؟
نامت عليكم مرات دراكولا مصاصه البتنجان
يااااااااااااااارب تفضلوا كدا نايمين
لحد اول يوم فى عيد الاضحى
عشان تصحوا وتقولولى كل سنه وانت طيب يا طارق
وتدونى العيديه

[طارق طروق]

وخالتى ام اسماعين مره بتسألنى
لما بتتصدم فى حد بتعمل ايه يا طارق؟
قولتلها بروح اثق فى ناس تانيه وبتصدم تانى
عادى يعنى يا خالتى اتعودت على كدا

[طارق طروق]

سمعت مره مثل بيقول
دارى على شمعتك تقيد
وعرفت المقصود بالمثل ده
ان محدش يحسدنا لو اشترينا حاجه مثلا
يعنى نخبيها من الناس عشان الحاجه دى تعيش معانا
ومحدش يحسدها لو شافها
بصراحه فيه ناس مش لازم اصلا يعرفوا
اننا عندنا شمعه اصلا

[طارق طروق]

النهارده كان معايا ميعاد مع اصحابى
عشان نخرج نغير جو وبعد ما استحميت
ولبست ونزلت وانا راكب العربيه لقيت نفسى
عمال اهرش زى الجربان لقيت فوران فى جسمى
روحت موقف العربيه عشان اشوف فيه ايه
لقيت سبب الفوران ده النمل اتارى هدومى
اللى لبستها كلها نمل من جوه روحت راجع تانى البيت وفورا
العت كل هدومى واستحميت تانى
الله يخربيت ام النمل

[طارق طروق]

الراجل الفنى اللى صلحلى التكييف
والله اول ما فتح الغطاء بتاع التكييف عشان يشوف
العطل من فين لقى نمل داخل التكييف نمل بالهبل
قالى على فكره النمل ده حسد روحت انا ضحكت
ومحطتش فى بالى افتكرت كلامه لما حصل الموقف بتاع النمل
اللى حكيت عليه من شويه عشان بصيت على الفوطه
اللى نشفت فيها بعد ما استحميت مفيهاش نمل
بصيت فى دولابى مافيش ولا نمله
مش عارف بقى بصراحه

[طارق طروق]

وقليل اوى لما تلاقى مصيبه جايه من بنت طويله
كل المصايب جايه من البنات القصيره
ربنا يسترها ومتطلعش هنا واحده قصيره وتهاجمنى
على فكره انا بحب البنات القصيره