حياتك منغير نت...

[SaMa.]

النت دلوقت من اهم الحجات ف حياتنا
وناس كتير معتمدة علية ف شغلهم ومزاكرتهم
و بيتسلو فيه او تواصل بينهم وبين صحابهم وقرايبهم
بس لو مفيش نت..
فيه عطل او سافرت مكان مكنش متاح ليك فيه نت
او انتا زهقت وقررت متفتحش نت تاني...
ي تري هتعملو ايه هتقضو يومكو ازاي؟
تقدر تبعد عن النت فترة قد ايه؟
كل واحد يقول النت بيشكل ف يومو نسبة قد ايه
يقدر يستغنا عنو ولا لأ؟
وانا اول اجابة قدرت ابعد شهر موش جربت اكتر من كدة
بس بعدها موش خليتو اهم حاجة ف يومي...

[بنت خديجة]

النت زي الموبايل بستخدمو لو احتجتو لتغير جو او بحث معين عن شيء معبن او الرغي
في الواتس وسناب شات .... الخ
بس عاملة لنفسي يومين في الاسبوع بدون نت
ويومي لا يتعدى 3 ساعات نت في 24 ساعة متقسمة على كل اليوم

النت ظريف لو عملنا له حدود استخدام لانه مرهق جدا التعلق بيه

[دمعه حائره]

النت بقى من حقوق الانسان دلوقتى
واكيد بيملى وقت الفراغ
غير كدة لو فيه اى التزامات بتكون اهم منه

[همس الحنين]

النت له فوائد كتيره سما مش بس انك تقضى وقت فراغك عليه

يمكن النت بالنسبه لى لفتره معينه كان ادمان بس مش منتدى وفيس لا كنت بحب التصفح عليه بكافة انواع المواضيع

بس اوقات كتيره بيجلى ملل وببعد من تلقاء نفسى عنه

وغير انا شخصيا وقت فراغى بسيط فاصبح استخدامى للنت قليل جدا

كل واحد وحسب استخدامه للنت

حبيبتى نورتى قسم النقاش

مودتى

[♥○ moOoOoOna ♥○]

بصراحة هو وسيلة جيدة للقضاء على الزهق ههههههههه

ومفيد بردو وفيه ناس بتستخدمه بردو فى شغلهم وفى حاجات دراسية وكده

بس بصراحة الحياة من غير نت هتبقى احلى

اصل ساعات بيبقى حاجة بيستعملوها الناس البايظة

او بيبقى كل هاممهم النت بدل مايدوروا على شغلانة ولا حاجة

بس انا عن نفسى لما ببعد عن النت فترة برتاح نفسياً ههههههه مش عارفة ليه

عن الكمبيوتر عموماً

مافيش احلى من الراديو هههههههه اكتر حاجة بتستمتعى وانتى بتسميعها

هى كل حاجة لو استخدمت صح هتبقى كويسة

وساعات الواحد من كتر ما بيستخدم الحاجة بيزهق منها

[Aya 7ekaya]

هو انا بالنسبالى النت مش تسليه وبس هو كمان بيدخل ف الدراسه يعنى ابحاث جروبات بتجمع الدفعه وبتنزل عليها معلومات او حاجات مهمه ف هو جزء اساسى طبعا اتعلمت عليه ةاستفدت منه ف مجال الرسم

هو بجزء لا يتجزء من حياتنا

[أميرة محمود]

أنا معنديش فيس ولا بفتح ميل
والمنتدى من يوم ما سجلت فيه
ممكن احضر شهر واغيب سنة
ملوش قيمة النت كــ تواصل يعنى

لكن له قيمة كبيرة كــ سيرش او دفع فواتير او استعلام واحيانا شوبنج
لو سايقة العربية وتوهتى في الطريق بيحدد المواقع والخرايط
يعتبر مكتبة لاي كتاب يعجبك داونلود بدل ما تقعدى تدوري على دار نشر
نقاش مهم سما سلمتي

[SaMa.]

ثانكس ع الردود استفدت منها

[ايمان طلعت]

قضيه هامه للطرح
مشكور للمجهود
تحياتي