مش هكتبلك تاني

[حكاية حب]

أنا مش هكتبلك تاني

ولا هشكي حروف ومعاني

توصفلك شوقي إليكي

وازاي في البعد بعاني



أنا ياما كتبت ما همك

وكتير حرفي بيوصفلك

إني بحن وبشتاقلك

وكإنك مش سمعاني



البعد صحيح بيعذب

ولكنه ساعات بيعلم

إزاي عن حبي راح أكتب

والجرح في قلبي معلم

وحروفي ماهي مطوعاني




أنا ياما سمعت وياما

وكتير قدرت ظروفك

والجرح في قلبي علامه

بسبب غيرتك وظنونك

دنا ياما كتبت ملامه

أنا حبك أنا مجنونك

ولا منك رد ما جاني

أنا مش هكتبلك تاني


****

حكاية حب

[فصيح]

الله الله
ايه السلاسه دي والله نجم
مميز الحرف انت ناعم كان
الكلمات يصاحبها جيتار
نغم موسيقي عالي
تحيه تليق بك يا نجم

[شاعر الحب الحزين]

حقك طبعا.. بس خلي الجانب الإيجابي هو اللي يسيطر

على مشاعرك..البعد بيتعب وبيعلم .. وف النهاية انتا صاحب القرار

بس اكتبلنا احنا عشان بنحبو كلامك

تسلم ويسلم حرفك ونبض قلبك يا غالي

ربي يوفقك ويسعدك

[شاعرة الرومانسيه]

طيب واحنا عملنا ايه ننحرم من روعة حرفك اخى

سامح بقن عشان خاطرنا

وننتظر لك كل جديد

[راجعة لحبيبى]

خليك مسامح
خليك صبور
اصبريمكن ليهاظروف
جميله كلماتك شاعرنا
تسلم لروحك السعاده

[حازم34]

اكتب وقول كلامك سحر ---- واكيد هيوصل علي طول


وهتلاقي منها رنه او مسجات ---- تقولك حبيب القلب انت علي طول


اصبر علي حبك وخليه اكيد بجمال قلبك هتلاقيه وفيه كل جمال للحب ومعانيه


قلم جميل اتعلم منه النسج الراقي لعبير الكلمات

ما اجمل حسك ونبضك وكلماتك الراقيه في عتب الحبيب


منور دايما ولا حرمنا الله وجودك الجميل

[ويبقى الأثر]

الله على جمال الحرف والاحساس
ونغمتها الحلوه
رائع واكثر حكايه يدوم نبض قلبك وقلمك يارب

[حـيـــــآة ❤]

الاخوه الافاضل كفوا ووفوا
حرفك اكثر من رائع اخي
لاحرمنا من ابداعك
دمت ف حفظ الله

[همس الكناريا]

اصبح الحب معذب فى قلوب لا تعرف قيمتها

حرف انسيابي وسلس جميل

ربنا يكتب لك كل السعادة

همس الكناريا

[ندوشه 2011]

يا عيني الجرح في قلبك معلم قوله انت معلم واحنا منك نتعلم نسكت وانت موجود ما نرضي نتكلم ولا قوله المسامح كريم مع جورج قرداحي. ..ربنا يوفقك ويسعدك ياخويه وخير