انا روحت معيط

[a7med -3del]

في مكان جميل انا وهيا
كنا قاعدين
بحكيلها عن احساسي
وشوق السنين
حوالينا خضرة ونيل
والكلام طعمه جميل
والقمر عاكس ضيه
وبيلمع في العين

سرحت وانا ايدي في ايديها
مش شايفة حد انا غير عينيها
فجاءة لاقيت ورايا صوت
بيقولي انت مين

التفت لاقيت ابوها
وجمبه كان واقف اخوها
سبت ايديها بسرعة
واتخيلت حاجات
اطلع اجري انا طيب
ولا اعمل واحد مات
جمعت نفسي وقولت لنفسي
سيبك من الافلام
حاول تعمل حاجة اي حاجة
قول اي كلام
وباعلي صوت قولتلها
وعملت كاني متوتر
ازاي تخرجي كده
وانت ياحاج برضه مقصر
لاقيت اخوها بصلها
بصراحة يعني مش منظر
استئذن انا ياحاج
يلا سلامو عليكو
ومشيت من غير مابص ورايا
كنت مرتب كل حاجة
وهما يدوب خطوتين
والهدف كان قفايا
اول قلمين بس
والتالت مجاش
انا قولت مبدهاش
روحت معيط

Ahmed adel
17-8-2016
ماهو ياضحك ياكمل

[ندوشه 2011]

مغنتش كدا تحت الشجر يا وهيبه ياما كلنا البرتوقان ولا أبوها مدكش قلمين وقالك ماسك ايدها ليه ياض وانت شوفت أبوها قولت يا من بنى وقلع. .كلنا لها واييييييه دووووونيا

[Eng Esraa]

كلامك جميل جدا يا احمد
تسلم
بالتوفيق دايما

[همس الكناريا]

ههههههههههههه

والله العظيم هلكت ضحك المهم برضو لحقوك
هههههههههههه

لا بس غير كده جميلة جدا والله
وخصوصا إنك حبكتها في قالب قصصي
يسلم حرفك حقيقي
احترامي

همس الكناريا

[a7med -3del]

اقتباس المشاركة الأصلية كتبت بواسطة ندوشه 2011 مغنتش كدا تحت الشجر يا وهيبه ياما كلنا البرتوقان ولا أبوها مدكش قلمين وقالك ماسك ايدها ليه ياض وانت شوفت أبوها قولت يا من بنى وقلع. .كلنا لها واييييييه دووووونيا

وهيبة ايه بس
اوعي حد يفكر ان ده حصلي
انا بتخيب بس
اه خليكو حلوين
تحياتي

[ويبقى الأثر]

ههههههههههههههههههه
يخرب عقلك يااحمد انا داخله من العنوان قلت هعيط
طلع العكس هههههه فصلت ضحك
القلمين جامدين ياعينى وكويس ان التالت مجاش
عسل وربنا
ربنا يفرح قلبك

[ايمان طلعت]

ههههههههههههه
مكنتش ضحكت وكنت كملت الحكايه
ياتري حصلك ايه بعد القلمين
قلبها محنش عليك
ولا كملت هي عليك معاهم
عشان تحرم تتخيل تاني ههه
حلوة اوي الكلمات
تحياتي

[دمعه حائره]

هههههه
موقف لايحسد عليه وهنا الجرى نص الجدعنه بقى
تسلم احمد كلمات خفيفه وجميله

[a7med -3del]

اقتباس المشاركة الأصلية كتبت بواسطة eng esraa كلامك جميل جدا يا احمد تسلم بالتوفيق دايما

انتي الاجمل
شرفني مرورك طبعا
تحياتي

[a7med -3del]

انا مكملتهاش من الضحك والله
هاقولك سر كمان
انا بقالي فترة بكتب لما بنوي
امسك الموبايل الهاند فري في ودني ومتساليش ليه
واكتب زي مابرد عليكي كده
والحمد لله انه بيطلع كويس
يعني من غير ترتيب
دي كتبتها وانا في الباص ورايح الشغل
يعني اعذريني لو في حاجة كتبتها وطلعت اوت
والله مش برتب افكار حتي
المهم بقي انك منورة صفحاتي
وده يشرفني ياهمس
تحياتي