ياعم فكها بلاهم (مسابقه الحلامنتيشي)

[حازم34]

تحيه طيبه للجميع ياعم فكها بلاهم اضحك بقي ولا تشيل هم داخل خارج البوز مترين علي ايه فرفش كدا بلاش غم دنيا وبنقضيها ساعات وايام وهنخليها يبقي ليه شايل الهم راجل ومراته بتحكي عنه وبتقول كلام زي العسل حلو ومعقول شوف يا راجل خلتك محبات علي طول ضحك وابتسامات وعندها كتير من الهم ولا عمك بسطاويسي عمره ما ورا مراته حزن وغم طالع خارج زي الغراب اسود ودايما يقول كاق كاق وساعتها نقول يارب ابعد الغم من يومين دخل علي وبوزه شبرين ايه ياراجل فيك ايه قولي عاوز ايه قالي عاوزك تبقي زي هايفه ولا رولا يموت شلت الشبشب وضربته ابن سنيه بقي يا راجل يا محرات انت بتشوف رولا يموت في انا رولا يخربيتك طيب ايه رايك انا بقي عاوزاك تكون شبه هاني شاكر ولا عمرو دياب ياراجل اختشي علي دمك ولا تعمل كدا ويايا دا انا عارفاك وعارفه امك شلبايه ورضيت بيك والكل كان رميك اضحك كدا يا عب عال وروق يروق لينا الحال بلاش وحياه امك تبص هنا وهناك والله ارميك من الشباك دا انت كلك متجيش وزن دكرين بط وفرختين اه ياني يا مه قولتي ليه كلام اوعي يابت تاخديه دا راجل عينه علي الستات وانا دايما شايفاه عينه بتفضحه وبان سره وانا شايفاه قلت انا خلاص يامه انا حبيته دا حظي ونصيبي طلع نصيبي هباب بس انا راضيه وابن شلبايه عامل وطالع فيها وحياه امه لخلي عشته هباب ويجي يبوس رجلي ويقولي خلاص حرمت دا انتي ست الستات حلمتشايه كدا بقي علشان الابتسامه والله حلوه كتيرياما ونلتقي في المسرات وراجل وست ستات ال يعني ما فيش منه دا كلام يا بهوات

[Eng Esraa]

هههههههه
جميلة اوي دي
تسلم
بالتوفيق بقا

[حازم34]

اقتباس المشاركة الأصلية كتبت بواسطة eng esraa هههههههه جميلة اوي دي تسلم بالتوفيق بقا

اهلين اهلين اهلين اهلين


وغلا وغلا ومرحبتين

ونبتسم ونقول علي طول

والله نورتي وانرتي الموضوع


يدوووووووووووم الابتسامه يارب

يا مهندسه اسراء يارب


ربي يسعد قلبك ولا يحرمنا تواجدك الراقي


الاجمل هو مرورك والله


لكي مني خالص التحيه والتقدير

مرور جميل اعتز به

[همس الكناريا]

ههههههههه

وايه يعني لماتبقي هيفا ولا رولا
ما تسمع كلام الرجولة ههههههه
تسلم ايدك أستاذنا
ع الخفة الحلامنتيشية
احترامي

همس الكناريا

[Doaa Hammam]

هههههههههههههههههههه والله برافو عليها

أخدت حقها منه تالت ومتلت

عجبتني اوي وبتعبر عن حال رجاله كتير هههه

بالتوفيق يا حازم

[راجعة لحبيبى]

يسلام ع كذا حلمنتيشى
تسلم يا بدع حازم
بالتوفيق فى المسابقه
لروحك السعاده

[فداااااااااااء]

ههههه جميلة اخى حازم
اضحك الله سنك اخى
بالتوفيق لك ان شاء الله

[ويبقى الأثر]

هههههههههه
طب عندها حق عاوزها هيفا تبقى انت هانى شاكر

هههه جميله كتير اخى
ربنا يفرح قلبك
بالتوفيق يارب

[مارد الغضب]

يعني يا دك انت مفيش معاك فكة و عايز غيرك يفكها
و بعدين انت بتجيب في سيرة الناس ليه
و انا اللي كنت بقول عليك ملتزم
و ابن شلباية ..من زمان...مبصش ف مراية
و مراته شعرها منكوش ..زي المشاريع الفنكوش
بس سؤال يا دك
هي هايفه دي جايه من الهيافة؟
و يا تري هي اللي هايفة و لا احنا اللي .ه.اي.فين؟
انا عارف انك حتاخد السؤال ده لقسم النقاش
جحا اولي بلحم طوره
تحياتي ايها الامير

[طبيب الهوى]

حالة بنعيشها كتير في هذا الزمن

إن أردت تغيير زوجتك عليك تغير نفسك أولاً

وتأكد أن زوجتك ستتغير دون أن تطلب منها

جميلة يا د / حازم

بالتوفيق إن شاء الله

تحياتي لفكرك وقلمك وشخصك الكريم

أبو عصام