افرض ضريبة

a7med -3del · منذ /08-24-2016, 08:23 AM

افرض ضريبة علي المباح
واللي حتي غير متاح
افرض ضريبة علي الهوا
افرض
افرض ياعبفتاح

افرض ضريبة علي الزبادي
خد فلوسها لاي نادي
قضاة بقي او شرطة
افرض
الشعب راضي

افرض ضريبة علي الضروري
والي حتي مش ضروري
افرض علي اي حاجة
و الشلل
اللي جبتهولي

افرض ضرايب ع الغلابة
ومتنساش دعم السد
هاتلك بيهم كام دبابة
ال يعني هتحارب حد
متاخدش كلامي هزار
ولا حتي تاخده بجد
افرض

افرض علي كل المطحونين
علي اللي حتي مش لاقيين
افرض علي الرفيع
وافرض ع التخين

افرض حتي علي اللي سابها
واللي طفشان من خرابها
هتسيبه في حاله ليه
افرض علي المغتربين

افرض كمان علي ابوك
وكل اللي جابوك
بنتك ابنك او اخوك
افرض يابن المعرفين

افرض علي الايام
وشوف هيطلع كام
افرض علي العبادات
والعيادات
افرض علي السنين

.افرض علي الناس الشقيانين
واللي انت فاكرهم عايشين
حتي افرض علي الاموات
افرض علي المقتولين

Ahmed adel
24-8-2016
ا

ويبقى الأثر · منذ /08-24-2016, 12:23 PM

هو ناقص يتعد علينا النفس اللى بناخده
كم مره شهيق وزفير عشان لو اتنفست كتير تدفع اكتر
فنكتم نفسنا ونموت فطسانين مقهورين واهو يبقا قضاء وقدر

الله كريم يااحمد
وقادر انه يصلح الحال

لقلمك كل تقدير وشكر

حـيـــــآة ❤ · منذ /08-24-2016, 12:32 PM

هو فعلا دا الحال اللي هنوصل ليه
او وصلناله خلاص
ربك المستعان
في امان الله اخي

راجعة لحبيبى · منذ /08-24-2016, 12:38 PM

الله يكون بعونكم
وبعون كل الشعوب المقهوره
حلوه كلماتك احمد
تسلم
لروحك السعاده

شاعرة الرومانسيه · منذ /08-24-2016, 01:13 PM

تسلم ايديك يا احمد راقى دائما

همس الكناريا · منذ /08-24-2016, 02:50 PM

كلامك ياقلم مايضُر
سوى اللى مايعرف يعنى إيه شعاع النور
لما يطلع من قلب ياما داق المُر
كل اﻷمل أشوفك يابلدى
فوق ف السما وشعبك حُر
الكل خايف عليكى
الكل لأجل عينيكى
سهران يغزلك عقود الفُل
عمل وكد ﻷجل السفينه تمُر
نزرع بذور الخير
واللى يزرع خير عمره مايجنى شر

..............................

الله عليك شاعرنا
أبدعت وأكثر
كلمات نابعة من قلب شاعر جليل يعشق تراب الوطن
وأمين يارب العالمين نشوفك يامصر قد الدنيا
وربنا يحفظ مصر وشعبها وأرضها
احترامي لشخصك الكريم

همس الكناريا

a7med -3del · منذ /08-24-2016, 05:58 PM

اقتباس

المشاركة الأصلية كتبت بواسطة ☆منة الله☆


	هو ناقص يتعد علينا النفس اللى بناخده كم مره شهيق وزفير عشان لو اتنفست كتير تدفع اكتر فنكتم نفسنا ونموت فطسانين مقهورين واهو يبقا قضاء وقدر الله كريم يااحمد وقادر انه يصلح الحال لقلمك كل تقدير وشكر

وردة المنتدي وقمره
نورتيني

Eng Esraa · منذ /08-24-2016, 06:01 PM

ربنا يصلح الحال
تسلم احمد لكلماتك و طرحك

a7med -3del · منذ /08-25-2016, 12:33 AM

اقتباس

المشاركة الأصلية كتبت بواسطة حيــــــاة ❤


	هو فعلا دا الحال اللي هنوصل ليه او وصلناله خلاص ربك المستعان في امان الله اخي

تسلمي ويسلم مرورك
نورتيني

فصيح · منذ /08-25-2016, 08:29 AM

والله يا احمد انت وفيت وكفيت دا الكلام كمان
هيبقي بالتسعيره وهيبقي الكيلو بكام
لا حول ولا قوة إلا بالله
رائع وربي واعتقد دا لونك في الكتابة المفضل لأنك
بتكتبها جامد جدا ولا يعلو عليك بجد
ربنا يصلح الحال يا ابو سيلا
لا حرمنا الله من ابداع قلمك الرنان
خالص ودي ومحبتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ضريبة القلم _حصري _	فتحى عيسى	بقلم أعضاء بنات مصر - حصري	19	04-28-2016 09:46 PM
ادفع ضريبة .. وانقذ عضو\ه مخطوف معانا ( Dr.nour )	morshooo	أرشيف برامج اليوميات	25	03-29-2011 01:14 AM
حلقات برنامج (ادفع ضريبة .. وانقذ عضو\ه مخطوف )	morshooo	أرشيف برامج اليوميات	102	12-19-2010 08:29 PM
افرض	ڪــــبرياء الروح	قسم الخواطر - وهمس القوافى حصرى بقلم الأعضاء	10	09-09-2010 02:03 AM
ضريبة جديدة على السجائر (عشنا و شفنا)	big bốss	منتدى الاخبار - عربيه - عالميه - اخبار مصر	2	04-16-2010 09:03 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

افرض ضريبة

ابداعات الاعضاء العامية