" السياحة _ التحرش " 2 .. مسابقة النقاش

[Eng Esraa]

سلامو عليكو بقا

هنرجع لباقي موضوعنا تاني و نكمل

اللي بيدور ف مصر .. بعد اول و تاني
مشكلة اتكلمنا عنهم " التعليم _ البطالة "

http://forums.banatmasr.net/msryat558697/

هنتكلم كمان ع حاجتين تانين انهاردة ...
خلونا نبدا بقا ...



اول حاجة هنتكلم عنها " السياحة "

السياحة من ضمن الحاجات اللي ممكن تزود او تقلل الدخل للدولة
و السياحة ف مصر من اروع السياحات ... بس ف الفترة الاخيرة دي
و قل نسبة السياحة داخل مصر .. هل بسبب اهمال المسئولين
ف الفترة الاخيرة دي ؟ ولا عدم توافر امكانيات لتوفير السياحة !؟
ولا بسبب عدم توافر الامان التام ف مصر زي الاول ؟ .. و ده كان راي
احد الاشخاص بعد سؤالي ليه السؤال ده ...
ولا اخيرا بسبب نسبة التحرش العالية اللي بقت موجودة ف مصر ؟؟!!
و دي النقطة التانية اللي هنتكلم عنها بعد دي ...
خلينا نشوف باقي الاراء ف السؤال ده ...

ايه سبب مشكلة السياحة ف مصر ؟؟؟



هنيجي بقا للنقطة التانية و اللي ظهرت مؤخرا ... " التحرش "

التحرش حاجة سيئة جدا .. للاسف ظهرت بطريقة غير طبيعية ف الفترة دي
و كل شخص بيجيب اللوم ع الاخر اي ان كان الشاب او البنت !
الشاب بيجيب اللوم ع شكل البنت او طريقة لبسها اللي بتستفزه !!
و البنت بتجيب اللوم ع نظرة الشاب و عدم احترامه !

و ف الاول و الاخر اللي معروف .. ان شكل البنت او لبسها اي ان كان
محترم او مستفز ده لنفسها ... و احترام الشاب او قلة احترامه
بردوا ده لنفسه .. لاكن الفكرة ان ليه ظهرت كلمة التحرش دي اصلا !!!

خلينا نشوف اكتر من راي ل ده ...

__ غياب العقل و الاصول الدينية عند كلا من الطرفين .

__ كثرة الحرية ف كل شئ هي اللي خلت الشاب يتصرف كده او البنت .

__ عدم الاحترام و قلة الامكانيات للشاب ع مقدرته للزواج بالطريقة الصح .



ايه ده ! .. اخر راي ده لفت نظري شوية الصراحة !
هي قلة امكانية الشاب ف الفترة دي هي اللي خلت ده يظهر !
ازاي ؟؟! ...

عموما دي مجموعة الاراء اللي ظهرت ع السؤال ده ...
خلينا نشوف باقي الاراء ف النقطتين دول " السياحة _ التحرش "
و هنكمل الباقي ف وقت تاني

[شاعر الحب الحزين]

هما مشكلتين صعب جدا نربطهم مع بعض

السياحة دي حاجة الشعب مش بيستفيد منها حاجة

سواء الدولة استفادت منها أو لأ..بس قلة السياحة فيها جوانب سلبية ع الناس

نخليها على جنب ..

بالنسبة للتحرش ..السؤال..لو الشباب اللي بيتحرشوا دول

كانوا ف بلاد تانية سواء غربية او عربية ..وشافوا البنات لبسهم مستفز

يا ترى هيتحرشوا بيهم ولا لأ ؟ ولا هو من أمن العقوبة أساء الأدب..

انتا ليك انك تنصحها مش تتحرش بيها وتفضحها..

__ عدم الاحترام و قلة الامكانيات للشاب ع مقدرته للزواج بالطريقة الصح

انا مش مقتنع غير بكلمة عدم الإحترام وبس

الباقي مش مبرر لجريمة التحرش..اللي بيسعى من قلبه للجواز ربنا بيعينه وبيساعده

بس للأسف المتحرش ده معندوش استعداد لتحمل المسؤولية


بحييكي اسراء لطرحك مشكلة ف غاية الأهمية وهي التحرش

المشكلة التانية مهمة لناس تانيين بقى ملناش فيهم

بحييكي اسراء

[Eng Esraa]

اقتباس المشاركة الأصلية كتبت بواسطة شاعر الحب الحزين هما مشكلتين صعب جدا نربطهم مع بعض السياحة دي حاجة الشعب مش بيستفيد منها حاجة سواء الدولة استفادت منها أو لأ..بس قلة السياحة فيها جوانب سلبية ع الناس نخليها على جنب .. بالنسبة للتحرش ..السؤال..لو الشباب اللي بيتحرشوا دول كانوا ف بلاد تانية سواء غربية او عربية ..وشافوا البنات لبسهم مستفز يا ترى هيتحرشوا بيهم ولا لأ ؟ ولا هو من أمن العقوبة أساء الأدب.. انتا ليك انك تنصحها مش تتحرش بيها وتفضحها.. __ عدم الاحترام و قلة الامكانيات للشاب ع مقدرته للزواج بالطريقة الصح انا مش مقتنع غير بكلمة عدم الإحترام وبس الباقي مش مبرر لجريمة التحرش..اللي بيسعى من قلبه للجواز ربنا بيعينه وبيساعده بس للأسف المتحرش ده معندوش استعداد لتحمل المسؤولية بحييكي اسراء لطرحك مشكلة ف غاية الأهمية وهي التحرش المشكلة التانية مهمة لناس تانيين بقى ملناش فيهم بحييكي اسراء

احنا لو كان عندنا قانون عقوبة للتحرش .. كان اللي هيفكر يعمل كده
هيخاف من ده ..
و لا انا اقتنعت بالراي الاخير ده !

تسلم خالد
نورتني

[حازم34]

اهلين اهلين اهلين اهلين المهندسه الراقيه الفكر اسراء


حقيقي فيه فكر راقي لمناقشه موضوعين مهمين ايضا


اولا السياحه وهي مصدر دخل للدوله وللافراد


بالنسبه للدوله وهي مصدر للدولار ولاحظنا انه بقله السياحه قل الدولار


مصر بلد تملك من المقومات السياحيه الكتير ولكن للاسف هم من صنعوا الارهاب بايديهم البلد كانت زي الفل


وشعبها مضياف كل البلاد تحبه


والسياحه مصدر دخل للافراد الذين يعملون بها من مرشدين سياحيين


واصحاب المحلات والفنادق والافراد الذين يتعاملون مع السياح


ولكن للاسف الموضوع الامني هو السبب



اما موضوع التحرش


وكما ذكر اخي الكريم شاعر الحب الحزين من امن العقوبه اساء الادب


في بلاد الغرب بيكونوا عرايا علي الشاطئ ولا يجرئ احد ان يعمل اي شئ


خوفا من العقاب والوقو تحت طائله القانون الذي لايفرق ابدا


حتي العرب في الخارج من مصريين وغيرهم ورايتهم بعيني يحترمون انفسهم اشد الاحترام


وان كنت احبذ البوركيني للنساء والفتيات حتي لاياتي الشباب اللاهث خلف شهوته العمياء


قال رسول الله صلي الله عليه وسلم


يا معشر الشباب من استطاع منكم الباءه فليتزوج ومن لم يستطع فعليه بالصوم فانه له وجاء


ولكن ان ياتي الشاب بدون حياء ويقول ما يقول ويعيث فسادا فهنا يجب توقيع العقوبه


ما شاء الله علي فكرك الراقي ربي يسعدك ويحفظك منوره دايما قسم النقاش بالتوفيق يارب

[Eng Esraa]

عليه افضل الصلاة و السلام
تمام د/ حازم
ربنا يصلح الحال
منور دايما

[بنت خديجة]

مشكلة البني ادم هو استباحة اعراض الغير مسلمين او اي حد لا يخصه
السياحة لن تنشط لو فيها ابشع الجرائم وهو التحرش
ازاي اكون آمنة في مكان وفي ناس عايزة تنهش في لحم الاخرين بعنيهم او ايديهم

مشكلة من أمن العقوبة اساء الادب

وطالما مفيش عقوبة رادعة يبقى اكيد الوضع للاسوء

[Eng Esraa]

ربنا يصلح الحال
نورتي حبيبتي