الواد ابن ام حسنين

[.Lamar]

الواد ابن ام حسنين جاله جواب التعيين و ام حسنين دبحت دكر البط و عملت الريش شوربة و عزمت الجيران مين قدها ابنها البكرى اخيرا جاله التعيين بعد ٢٣سنة تانى يوم وف عز حر يناير مكدبش خبر اخد البسكلتة والهدمتين وطار الطريق طويل و الجو حر كل شوية يركن و ينزل يبل ريقة بشوية مية بعد ثلاث ايام و ساعتين وصل بالسلامة يادى المصيبة ايه النار دى بيبص كدة لقى زحمة و كله بيقول انا الاول انا ماخدتش على ما ربنا كرمه وعرف يوصل قالوا له ان الحكومة كتر خيرها استعانت بخبرات الحلاق عبد العاطى كفتة عملهم جهاز جديد لمحاربة ارتفاع الطقس هياخد اشعة الشمس من ناحية تنزل مية ساقعة من الناحية التانية اخدوا منه البسكلتة اللى حيلته و الهدمتين و ادوه الجهاز و مشى فرحان بنفسه هى ساعة بالضبط و الجهاز باظ قعد جنبه يعيط و يدعى على عبد العاطى و الحكومة ملقاش فايدة طلع على المصلحة عشان يسلموه الشغل جه الريس بتاعه سلمه بدلة خضرة وحصيرة و قاله ان الدولة قدرت مؤهلاته وانه معاه دكتوراة فى الهندسة و هتشغله ضفدع فى شرم الشيخ عشان ينشط السياحة اللى اتضربت و هنا سجد ركعتين شكر واتاكد ان تعبه مضاعش على الارض و ان اللى يصبر بينول و كتر خيرك يا حكومة .................................................. ............. قلبت معاية على سياسة و انا فعلا ماليش فى الخزعبلات نهائى بس مقدرش اخلف وعدى لايمان فى حفظ الله