ولا مش في بالك

[شاعر الحب الحزين]

سلملي على قلبك يا طيب

قول واحكيلي عن حالك

خليك هنا جنب مني قريب

ولا احنا يعني مش ف بالك

تجرحنا ومين غيرك انتا يطيب

هو الحب ده ايه بالنسبالك



تشغلني وتفوتني دايب من الشوق إليك

تقابلني تتدارى مني وتداري عني عنيك

ليه تلاعبني معاك في الشوق

طب كلمة او نظرة ياللي فوق

بدعيلك من اللي دقته تدوق

عشان تعرف غلاوتك واشوف قد إيه غالي عليك



شايف نفسك عليا اكمنك..مليش انا غنى عنك

حاسس لهفتي واشتياقي..وبرده حارمني منك



صبرك عليا استنى شوية

إن ما شغلتك مبقاش انا

صبرت كتير وعديت للمية

ف حبك وانتا ولا انتا هنا

لسه الأيام يا روحي جاية

ولابد تحن لو حتى بعد سنة



مش شاددني جمالك

قد ما شدتني بساطتك

شفت حياتي ف عنيك

شفت البراءة ف ملامحك



واه منك يا حب لما تحكم ع القلوب

وآه من قلوب حبها بيحكمنا

بنرفض أي بديل نرضى بالقسمة والمكتوب

ما خلاص اخترناهم وسلمنا



شـــــــــــــــــــــــــــــــــــــــــ . حـــــــــــــــــــــــــــــــــــــــــــ

[دمعه حائره]

جميله جدا خالد والعتاب اللى كله حب
مافيش احلى من كده
تسلم

[شاعرة الرومانسيه]

الله الله عليك يا خالد

قرأت حروفك مرااااات

وكل مره اجد المذيد

حروف من درر

واحساس رااااقى

تسلم ايييدك

[SaMa.]

ده تقلان عليك اووي
اتقل انتا كمان بقا
كلامك حلو ثانكس...

[همس الكناريا]

شاعرنا الراقي
حرف أنيق..قلم راقي سطور مغلفه بالجمال
كلمات يفوح منه رائحة الورد
دام نزف قلمك ونبض قلبك لروحك الجوري

همس الكناريا

[مهيب الركن .]

كلماتك راقيه أخى الكريم
سلم لنا نبض قلمك
تقبل تحياتى

[*فجر الاسلام*]

تسلم ايدكيا استاذ ربى يسعدك
جميله اوى
تحياتى

[د/ عبد الله]

التقل صنعة يا خلّود
اتقل أنت بس شوية هتلاقي الحال اتغير

تحياتي ليك يا أبو قلب طيب

[ويبقى الأثر]

طيب حد يلاقى حب كده ويتقل
كلام جميل واحساس اجمل من صاحب قلم رائع وخلوق
دام قلبك بكل سعاده خالد

[a7med -3del]

جميل جدا ورائع
وبيعجبني تجديد افكارك
برافو عليك يانجم