لسه يا حب

[شاعر الحب الحزين]

لسه يا حب بتفكرني بيها

لسه يا شوق بتاخدني ليها

لسه ف عيونهم

يا عيوني بتشوفي ضحكة عنيها


مش كنا يا قلبي بنتخاصم ونقسى

مش قلنا خلاص هنبعد عنها وننسى

آديك مش قادر على الفراق

متقولش قادر انتا يا قلبي بتحبها لسه


ما قدرتش مرة تثبت إنك قد غيابها وبعدها

حتى لو مش معاك لسه بتاخدك الذكرى عندها

لساك محتفظ بهدايا وصورها

ودليل حبك ليها إنك رافض أي حب بعدها


تفتكر ممكن تشوفها تاني وتقابلها

تفتكر هتحس بيك لما تشتاق وتحنلها

هي عاشت في حب تاني

مبقاش فاضل ليك غير إنك تتخيلها


كانت معاك بتحبك ورايداك

لما تجرحك الدنيا كانت دواك

صورت طيبتها ضعف

من كتر حبها كنت فاكرها كارهاك

واديك عرفت قيمتها

بتدفع تمن غرورك وبتتعاقب على قساك


لسه يا حب معلقني بحب ضاع مني

الحب فعل يا قلبي مش كلام وتمني

ظلمتها وظلمت نفسك

قطر الحب فاتك وهتفضل لإيمتا مستني



شـــــــــــــــــــــــــــــــــــــ . حـــــــــــــــــــــــــــــــــــــ

[جبل عالي]

هو الحب كده ...قمة الضعف وقمة القوة ....
لو معرفناش نحافظ عليه ومعرفناش نفهمه ...
هيفضل يفكرنا ويحسسنا انه اقوى من الظروف والزمن ...


خصوصا لو زي البطل هنا ....الغرور قتل حبه وضيعه

زي عادتك بتستفز الحالة جوانا احنا كمان 😁

تسلم ايدك يافنان
كل سنة وانت بكل الخير

[حـيـــــآة ❤]

الحب يا متقدرش تملكه ومتقدرش تحافظ عليه
يامتقدرش تتخلي عنه
كلماتك جميله
ربنا يسعدك دوما خالد
في حفظ الله

[شاعر الحب الحزين]

اقتباس المشاركة الأصلية كتبت بواسطة جبل عالي هو الحب كده ...قمة الضعف وقمة القوة .... لو معرفناش نحافظ عليه ومعرفناش نفهمه ... هيفضل يفكرنا ويحسسنا انه اقوى من الظروف والزمن ... خصوصا لو زي البطل هنا ....الغرور قتل حبه وضيعه زي عادتك بتستفز الحالة جوانا احنا كمان 😁 تسلم ايدك يافنان كل سنة وانت بكل الخير

وليه قصادك بيتوه مني الكلام

بضيع قدام حضورك يا بنت السلام


هو كفاية تأنيب الضمير والتمنى والخيال

وكفاية نورك عليا يا جبل يا عالي

ربي يسلم نبض قلبك يا غالية

وكل عام وانتي بألف خير وصحة وسلامة وسعادة

ربي يديم هالطلة والحضور ويوفقك ويسعدك كبيرتنا

[شاعر الحب الحزين]

اقتباس المشاركة الأصلية كتبت بواسطة حيــــــاة ❤ الحب يا متقدرش تملكه ومتقدرش تحافظ عليه يامتقدرش تتخلي عنه كلماتك جميله ربنا يسعدك دوما خالد في حفظ الله

عندك حق ..الحب عالم غامض ومتناقض

ساعات بنحب ولا بنبين وكتير بنحب اللي مش نصيبنا

في كل الحالات مفيش قلب بيخلو من الحب مهما غاب الحب عنه


تسلمي هاجر ويسلم نبض قلبك الطيب

الأجمل تواجدك الرقيق اكيد يا غالية

كل سنة وانتي طيبة وبألف خير وصحة وسعادة وسلامة

ربي يوفقك ويسعدك

[فداااااااااااء]

القلوب إلى بتكون صادقة فى محبتها غالبا ما تضيع من الفرد منا
لتبقى كلمة النصيب هى الحاسمة للأمر.. لكن ما يمنع أن الندم يغزو
داخلنا
كلمات جميلة وتعبير راقى منك اخى شاعر سلمت
وكل عام وانت بخير
عيد سعيد عليك وعلى أسرتك اخى

[السفيره عزيزه]

الاول كل عام وحضرتك طيب
الليله عيد .وبلاش بقا نقول ونعيد
ونندم او يندم ويبقي سيد الموقف
الوضع الجديد .

ليه العند ليه .على قلوب حنونة
صانت وعاشت وافية ومصونة
يلا خلاص .وعلى فكرة .من الصعب
تتنسي مشاعر صادقة من قلب
ما تعرف على الحب الا مع واحد
بس .ممكن نعيش والدنيا تخدنا
وغير كل شيء فينا .الا لحظة
صدق ذاقة القلب .والتانى
ما قدرها .وكل ما تعدي الذكرى
عليه يتنهد ويقول فى صمت .طيب
كان ليه .وايه ال جنيته وتعاقبت
بالعقوبة الصعبة دي عليه .
عموما هو بيبقي نصيب فى الاول والاخر
واهم حاجة نظل بقلب نظيف لا يقبل
الا الطهر والعفاف ..

سلمت ودمت بخير حال اخى الكريم

[*فجر الاسلام*]

تسلم ايدك ربى يسعدك
وكل عام وحضرتك بخير

[شاعر الحب الحزين]

اقتباس المشاركة الأصلية كتبت بواسطة فداااااااااااء القلوب إلى بتكون صادقة فى محبتها غالبا ما تضيع من الفرد منا لتبقى كلمة النصيب هى الحاسمة للأمر.. لكن ما يمنع أن الندم يغزو داخلنا كلمات جميلة وتعبير راقى منك اخى شاعر سلمت وكل عام وانت بخير عيد سعيد عليك وعلى أسرتك اخى

صدقتي صاحبة الخلق النقي والقلب الجميل

وسلمتي لمنحي ضياء تواجدك الباسم هنا

أشكرك لروعة تفاعلك وروعة حضورك القيمان

أسعدتيني بالحضور الخلوق فداااااء

وكل عام وانتي بألف خير يا غالية وأسرتك المصونة

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة السفيره عزيزه الاول كل عام وحضرتك طيب الليله عيد .وبلاش بقا نقول ونعيد ونندم او يندم ويبقي سيد الموقف الوضع الجديد . ليه العند ليه .على قلوب حنونة صانت وعاشت وافية ومصونة يلا خلاص .وعلى فكرة .من الصعب تتنسي مشاعر صادقة من قلب ما تعرف على الحب الا مع واحد بس .ممكن نعيش والدنيا تخدنا وغير كل شيء فينا .الا لحظة صدق ذاقة القلب .والتانى ما قدرها .وكل ما تعدي الذكرى عليه يتنهد ويقول فى صمت .طيب كان ليه .وايه ال جنيته وتعاقبت بالعقوبة الصعبة دي عليه . عموما هو بيبقي نصيب فى الاول والاخر واهم حاجة نظل بقلب نظيف لا يقبل الا الطهر والعفاف .. سلمت ودمت بخير حال اخى الكريم

كل سنة وانتي طيبة وبألف خير سفيرتنا الطيبة

بعد كلامك وتواجدك المحترم ده العيد بقى عيدين

العيد هنا أصلا بينكم ومعاكم هو ده العيد بجد

بشكرك وبجد مش لاقي كلام قصاد كلامك وتواجدك الطيب

انتي كفيتي القول ووفيتي يا سفيرة وانا ممتن لروعة حضورك

ربي يسلم نبض قلبك ويوفقك ويسعدك يا غالية