آخر ماتوصلنا اليـه "حادثـة مركـب رشيـد الغارق"

[Lamees]

لو كانوا لقوا حياة في بلدهم
مكنوش راحوا للموت برجليهم

[حـيـــــآة ❤]

دا مش مبرر
نورتيني حبيبتي

[دمعه حائره]

عارفه المشكله فين مش فى الفلوس اللى معاه
المشكله فى القناعه وان الكل باصص لغيره
دى بتكون حاجه زى طوفان واخد شباب البلد كلهم معاه
كل واحد بيسافر بيرجع يخلى الباقيين يكرهوا عيشتهم
ولو اكلمتى انه يعمل مشروع ولا يشتغل هايقولك مش هايكفى
ربنا يرحمهم ويعوض على اهلهم

[حـيـــــآة ❤]

بيكون عايز نفسه اكبر واكبر ويعمل تحدي والله كانها ماشيه تحدي
ربنا يهدي ويرحمهم بقي
نورتيني منون

[ŅĢM]

حسبى الله ونعم الوكيل
ف كل بنى ادم يتسبب ف موت حد

[حـيـــــآة ❤]

جزاء ربي قريب اخي
نورتني بردك
في حفظ الله

[الفيلسوف العآشق]

البقاء لله
الله يرحمهم جميعا ويرحم كل موتي المسلمين

موضوع للنقاش جميل هاجر

بصرف النظر كون الهجره شرعيه او غير شرعيه
الهجره ف حد ذاتها ! << ليه كتير عاوز يهاجر
الاسباب كتير وصعب نحط ايدنا علي سب واحد او سبب معين
لكن كلها ممكن تتلخص ف اهم اسبابها وهي الحياه
الحياه الي كل شاب نفسو يعيشها بكرامه وعزة نفس
ايه الي يجبر اي شاب انو يهاجر عن بلده وياريتها رحله مضمونه
بس كل شاب بيكون جواه فووكرة اقل الضررين
ماهو شايفها كوودا كوودا ميت
ف بلده اما ممكن بدون سبب يترمي في معتقل
او يشوف نفسو مثل غيره من مئات الشباب بيتم اختطافهم واختفائهم
واهاليهم لاتعلم عنهم شي
وردي موش سياسي عشان محدش يقولي دول اخوان او يقول ارهاب
دول مصريين زي كل مصري و بلحظه اما يقتل او يعتقل او يتم اختطافهم

حتي العيشه نفسها << تعليقك في موضووعك بيناقد نفسو

والدوله مقصرتش.. لو الشباب دي لقت فرصه تشتغل عمر ماكان حد فكر يرمي نفسه كدا

من وين بتقولي الدوله مقصرتش ومين وين بتقولي لو الشباب دا لئي فرصه
هي لو الدوله مقصرتش كان الشباب دا راح للمجهول برجليه !!
لكن زي ماقلت شافهم اقل الضررين

[حـيـــــآة ❤]

ياعم انت واخد جمله ومعلق عليها
افرض انا غلطانه
ازاي الدوله مقصرتش ولو لقوا فرصه للعمل مكنوش هيرموا نفسهم
جاري، التعديل غلطه..!
هقولك حاجه كمان ان الناس دي رغلبها معاها
وعارف مهما كانت العيشه زفت دا مش مبرر
منورني ياماجد

[ahmed 22]

علي فكرة والله يا حياة
بمناسبة اخر تعليقين
التناقض في الموضوع ده مش غلط

لسبب بسيط جدا
ان المجتمع المصري كله غلط في حق الناس اللي ماتت دي
او في اي حد عموما يأس من حاله ..
وبالتالي احنا بنتعاطف مع الشباب دول ... وصعب نرمي لوم الا علي مكان واحد
وهي الدولة .. عشان مانستفزش عواطف الناس

بس الحقيقة بتقول ان المجتمع غلط ..
لما واحد يروح يتقدم يخطب ولا يجوز ويحس انه محتاج ثروة عشان يكون نفسه
وبالتالي مبلغ 10000 جنيه ولا دولار مايعتبروش مبلغ
بالنسبة لمتطلبات جوازة حتي ..
فما بالك بالعيشة والاستمرارية فيها ..
والاهالي بيصعبوها علي الشباب بدرجة غبية

والدولة غلطت وده مش محتاجين نكلم فيه .. هرينا المنطقة دي كلام ..


والشاب غلط في حق نفسه لما رماها للتهلكة ..
صحيح طبعا احنا مش مكان حد والله اعلم بظروف البشر ..
بس ربنا بيقول ( ولا ترموا بأنفسكم الي التهلكة )

مشكلة بلدنا انه كله غلطان ..
ومابنعرفش نصلح .. عشان عاوزين نرمي اللوم علي جهة واحدة بس..
كله عليه مسؤلية... بالبلدي كدا .. كله ملطوط ..
ومش هنقدر نصلح الموضوع .. غير لما كله يعترف بكدا
وكل واحد يحس ان عليه مسؤلية ...

[حـيـــــآة ❤]

وليه نصعبها علي نفسنا
برده ومهمت كان هيكون ردي واحد
دا ولا اي حاجه هتكون مبرر لانك تموت نفسك
او انت عارف اخرتك ايه ورايح
مستضيفين واحد اول امبارح من الناجيين بيقول انا هطلعها تاني
بالذمه ايه يعني
دا شباب بيفكر؟؟
الا من رحم ربي طبعا
تسعدني مناقشتك