احلام ضاعت

[طارق طروق]

احلام بعد ما خلصت الثانويه العامه دخلت الكليه وهناك اتعرفت على احمد
والاتنين بقوا اصدقاء اوى وبيحكوا لبعض على كل حاجه وشخصيه احمد
كونه انه مؤدب وهادى وصريح وبيخاف عليها خلى احلام تعجب بيه اكتر واكتر
وفى يوم وهما قاعدين مع بعض احلام قالت لأحمد انا عايزه اعترفلك بحاجه يا احمد
وقبل ما يرد احمد قلتله بصراحه كدا يا احمد انا معجبه بيك وبحبك
قالها ايوه بس بس قالتله بس ايه يا احمد انا الظاهر اتسرعت لما قولتلك انى بحبك
رد عليها احمد وقالها انا منكرش يا احلام انى معجب بيكى وبذوقك وبأخلاقك وبخفه دمك
بس اللى زى انا متحرم عليه انه يحب ويتجوز مش عارف بصراحه اقولك ايه واشرحلك ازاى
قالتله هو فيه ايه يا احمد قولى الصراحه فى واحده تانيه فى حياتك؟
قالها لا ابدا والله الموضوع مش كدا خالص الموضوع اكبر من كدا بس بس
قالتله بس تانى يا احمد انت كدا قلقتنى وحياتى عندك لو فعلا غاليه عندك
تقولى فيه ايه بالظبط؟ قالها احلام انا قبل ما اعرفك واعجب بيكى واحبك
ولسه مكملش كلامه احلام قالتله يعنى بتحبنى يا احمد زى ما انا بحبك
ودا كفايه عندى وميهمنيش اعرف بقى اى حاجه تانيه مهما كانت
قالها ايوه بحبك بس بلييز احلام اسمعينى انا من الأخر كدا مينفعش
انى اكون زوج المستقبل قالتله ممكن اعرف السبب قالها مقدرش اقولك السبب
وفجأه كدا احلام قامت من مكانها عشان تمشى احمد مسك ايدها وقالها
طيب اعدى وانا هقولك السبب وانتى بقى اللى تكررى اذا كنتى ممكن تستمرى معايا ولا لأ
اعدت احلام وابتدى احمد يحكى لها مشكلته وقالها انا بصراحه كدا عندى مشكله جنسيه
وبتعالج منها من مده ولو متعالجتش او العلاج مجبش نتيجه مش هقدر اكون زوج ليكى او لغيرك
قالتله حاجه يعنى خاصه بالعقم؟ قالها ياريت دى حاجه اكبر من كدا خاصه بحقوق الزوجه وكدا
احلام سرحت شويه وقالتله ايوه كدا فهمت بس ولا يهمك طالما بتتعالج ان شاء الله العلاج يجيب نتيجه
وانا هقف معاك واساعدك ومش هتخلى عنك بالعكس انا حبيتك دلوقتى اكتر عشان صراحتك
اللى هتخلينى اثق فيك وانا مغمضه عنيه انا عيزاك تكون عندك ثقه فى نفسك وهتخف وهتبقى زى الفل
ومرت الايام واحلام حاسه انها اسعد انسانه فى الدنيا لحد ما فى يوم احمد فاجىء احلام
وهما قاعدين مع بعض فى احد الكازنوهات على شاطىء النيل وقالها انا عيد ميلادى النهارده تصورى
قالتله معقول يا حبيبى ولا قولتلى عشان اجيبلك هديه ولا حاجه انا زعلانه منك
رد عليها وقالها انتى هديتى حبيبتى عارفه انا نفسى فى ايه؟ قالتله فى ايه حبيبى قالها نفسى
نحتفل بعيد ميلادى انا وانتى فى مكان هادى وبعيد عن الناس انا وانتى وبس فى بيتنا
لسه هترد عليه كمل كلامه وقالها مفتكرش انك هتخافى منى بعد ما عرفتى مشكلتى
وعارف انك واثقه فيه واساس الحب الثقه قالتله طب واسرتك قلها الاسره كلها مسافره
احلام اترددت فى الاول وبعدين وافقت وراحت معاه البيت وهناك كان الشيطان تالتهم وفقدت احلام اعز ما تملك وعرفت بعدها ان احمد خدعها بخصوص مشكلته وبعد ان فاقت احلام من ضياع شرفها
وقالت لأحمد انا سلمتك نفسى عشان بحبك مع انك خدعتنى اكيد يا احمد هتيجى تطلب ايدى من بابا
كشر احمد عن انيابه وقالها انتى بتهرجى يا احلام ولا ايه معقول اتجوز واحده سلمت نفسها ليا
ودى كانت نهايه كل بنت تسلم نفسها لواحد باسم الحب المزيف
وخلصت الحكايه
مع السلامه بقى

[دمعه حائره]

قصة فيها عبرة لكل بنت
وللاسف الغش والخداع بقى متقن لدرجة كبيرة ومؤذية
تسلم طارق

[ايمان طلعت]

كثيرات من يقعن في براثن الحب المزيف
وتلك القصص عبرة لمن يعتبر
فالكثير الان يمارسون الخداع العاطفي

قصه جميله
لا تترك قلمك واكتب مجددا
تحياتي

[αЛαstoOorα]

طروق
من آجمل ما قرأت
آدام الله موهبتك
وبوناسيرآآآ

[ناطق العبيدي]

يعطيك العااافية
دمت في رعاااية الرحمن

[Lamees]

قصة واقعية جداً
بتحصل كتير مع انتشار الذئاب البشرية
تسلم

[فصيح]

بتحصل كتير
رائع أنت
تحياتي أكيد