الفشخره

[big bốss]

مساء الخير

هو ليه البنات بتحب الفشخره و مش عندها مبدا القناعه

يعنى لما تشترى هدوم تلاقيها عايزه تاخد دى و دى و عنيها طالعه على كل حاجه

لو هتتجوز او هتتخطب تلاقيها عايزه تعمل فرح فى احلى و اغلي مكان

لو تشترلها هديه 🎁 تلاقيها عايزه اجمد هديه

طيب ليه البنت مفتقده القناعه

[ايمان طلعت]

طبعا كل واحدة بتحلم تعمل فرحها في احلي واحسن مكان
بس في الاخر بيتعمل في المكان اللي بتسمح بيه الظروف الماديه
لكن بتبقي احلام مش حاجه اجباريه يا هنا يا بلاش
ومش كل البنات معندهاش قناعه بالطريقه اللي طرحتها دي
وفي الاخر مل واحده او واحد حسب طبعه و تربيته

جيت متحامل عالبنات كالعاده
نورت

[^^khL oUD]

امممم ف بنات كتير بتحب تتفشخر انا عملت فرح ف المكان الفلاني انا جبت تي شيرت ماركه م المكان الفلاني
انا مش عارفه جبت اي وبتاع والجو دا
دي بتبقي بنات ناقصه وعندهم نقص وغيره زياده ع اللزوم بس مش كل البنات كدا
ف بنات قنوعه بطريقه غبيه ومبتحبش الفشخره خالص
تسلم ايدك ي بوص

[fanaa]

مش كل البنات كدا
فيه بنات مبيفرقش معاها اى حاجه من دى

[رعد السـماء]

الكلام ده مش ينطبق على البنات بس
يمكن البنات زيادة شوية
لكن شباب كتير برضو بيحب المنظرة

في تقديري ده بيكون خلل في الشخصية
الإنسان الواثق من نفسه بيشوف الحاجات دي توافه ومش هي مصدر السعادة

من سنتين كنت بحضر ندوة في مكتبة اسكندرية
في الكرسي قدامي قاعدة أستاذة دكتورة في الجامعة أعرفها شكلاً لكن معرفش إسمها
هي ست كبيرة قربت من سن المعاش
لكن سبحان الخالق العظيم
آية في الجمال والشياكة
التليفون رن في شنطتها .. بسرعة طلعته عشان تقفله
مش حتصدقوا .. تليفونها 3300 نوكيا
واحدة هانم زي دي سهل أوي تشيل تليفون بعشرين ألف
لكن شايلة 3300 طلعته وقفلته بمنتهى الثقة وهي مش مكسوفة من موديله القديم

فكروا في كلامي كويس
والمعنى بين السطور

يسلمووو ..

[big bốss]

اقتباس المشاركة الأصلية كتبت بواسطة ايمان طلعت طبعا كل واحدة بتحلم تعمل فرحها في احلي واحسن مكان بس في الاخر بيتعمل في المكان اللي بتسمح بيه الظروف الماديه لكن بتبقي احلام مش حاجه اجباريه يا هنا يا بلاش ومش كل البنات معندهاش قناعه بالطريقه اللي طرحتها دي وفي الاخر مل واحده او واحد حسب طبعه و تربيته جيت متحامل عالبنات كالعاده نورت

البنت لو الراجل مش نفذ رغبتها بتقوى بوزها و أهله في عشته

نورت يا ايمان

[الوحدانى شعلان]

عشان مش غرمانه حاجه

[اذار .]

الله الله !!
اشمعنى يعني الصفه دي بتختصرها على البنات !
ماهي بنشوفها في الاولاد كمان و يمكن اكتر من البنات
ثم انه البنت من حقها تشتري الي عايزاه من ناحية التسوق
تقدر تقول التسوق ، متنفس للبنت
مش فشخره ، مالهاش علاقه بكلمة فشخره
و كمان الهديه ، طبعا نادرا تلاقي بنت عايزه هديه كبيره ، او غاليه
لان الهديه مش بتتطلب يا حج اساسا /:
كتير هتلاقي هتفرحهم ورده

بس هو باين عندك مشاكل مع البنت الي مرتبط فيها
و قاعد تفش خلقك علينا احنا ، البنات
بطل عنصريه ضدنا ، و الا هتلاقي مني حرب مش هرحمك فيها

[نجم الحبيب]

مش كل البنات يا نور
في بنات قنوعه وبترضي باي حاجه حتي لو كانت بسيطه
لكن المشكله عند البنات ان كل بنت بتبص للتانيه دي جايله حاجه حلوه لزم اجيب احلي منها

[Aya 7ekaya]

انت تغيب تغيب وتيجى تشتم البنات ي عم

الصفه دى مش خاصه بس بالبنات وكمان مش كل البنات بالشكل ده
بس بشكل عام البنات بتحب الزينه و بطبيعتها عاطفيه جدا ممكن اهتماماتك تكون غير اهتمامات البنت ولو انت ظروفك تسمح انك توفرلها كل ده ايه المانع لو ماتسمحش يبقى لا حرج عليك ووقتها تقول دى مش قنوعه
معاك ان الحاجات دى ماينفعش تكون اولويات اصلا بس كلنا بلا استثناء بنبحث عن الافضل ديما بدليل انت لو رايح تخطب بتدور على الافضل ، ايه انت مش قنوع ؟!!