لا يا هانم انا راجل البيت

[big bốss]

السلام عليكم

علاقة الزوجيه من العلاقات المقدسه و من العلاقات المعقده التى لا تحكمها قوانين عامه

الا العرف التى تعارف عليه المجتمع الذى نعيش و هعمل معاكم حلقات مستمره عن المشاكل

الزوجيه الى ممكن تحصل و هبدا باول مشكله .

الهانم الى هى الزوجه = عايزه تزور اهلها كل شويه 😀

السبع الى هو الزوج = لا يا هانم مش كل شويه رايحه جايه اتهدى يا وليه 😬

و تقوم المشكله بقا و الخناقه

الزوجه بتبقي مرتبطه باهلها و عايزه تزورهم كل شويه و الزوج في نفس الوقت

رافض الفكره دى و كل واحد فيهم عنده اسباب مقتنع بيها

طبعا الزوجه مينفعش تفضل مرتبطه باهلها نفس الارتباط لان حياتها اتغيرت

و بقي لها كيان و اسره مستقله لا ادعو الا الحرمان المطلق منهم لكن بحكمه

ايه رايكم في المشكله دى زيارة الزوجه للاهل بصوره متكرره ؟

و المده قد ايه الى تزور فيها من رايك ؟

دمتم بخير 😄

[.Lamar]

موافقة على وجهة نظرك ان الظروف اتغيرت
بس نتخيل كدة ان دول اهلها و عمرها ما فارقتهم
مش بيبقى سهل التغيير مرة واحدة
يعنى بالتدريج و ان الزوج يكون حكيم
و يقدر يفهم انها محتاجة شوية وقت
يعنى ميعترضش و يتخانق
و يحاول باسلوبه انه يفهمها وجهة نظره
عن نفسى مع الزيارات الاسبوعية
و افضل انه يكون معاها
موضوع مميز اخى
سلمت يمينك

[^^khL oUD]

انا شايفه ان لو واحد وواحده اتخانقوا عشان السبب دا يبقوا تافهين جدا يعن لاني مش شايفه انها حاجه كبيره تستاهل الخناق بس برده الواحده بطريقتها ودماغها تخلي جوزها يرضي يوديها بس متوصلش الغتاته بانها تروحلهم كل يوم مثلا هو يوم ف الاسبوع او مره كل اسبوعين بلاش غتاته بقي
والزوج حقه برده بس مش اوي يعن هههههه
هو ال قولته ع حسب فهمي للموضوع
تسلم ايدك ي بوص

[*فجر الاسلام*]

اعتقد انها مش مشكله اوى
بس هى مش لازم كل شويه تروح
ليها بيت ماينفعش تسيبه خلاص
وهو برضو مش المفروض يخنقها ويقولها لا
الفتره الاولى بتبقى لسه ما اخدتش على الوضع الحالى
التفاهم لازم يبقى موجود
وربنا يصلح حال الجميع

[big bốss]

اقتباس المشاركة الأصلية كتبت بواسطة ^^khl oud انا شايفه ان لو واحد وواحده اتخانقوا عشان السبب دا يبقوا تافهين جدا يعن لاني مش شايفه انها حاجه كبيره تستاهل الخناق بس برده الواحده بطريقتها ودماغها تخلي جوزها يرضي يوديها بس متوصلش الغتاته بانها تروحلهم كل يوم مثلا هو يوم ف الاسبوع او مره كل اسبوعين بلاش غتاته بقي والزوج حقه برده بس مش اوي يعن هههههه هو ال قولته ع حسب فهمي للموضوع تسلم ايدك ي بوص

فعلا يا خلود خير الامور الوسط لا نغتت اوى و لا نسيب السايب في السايب

شكرا لرايك خلود

[big bốss]

اقتباس المشاركة الأصلية كتبت بواسطة *حنايا الفجر* اعتقد انها مش مشكله اوى بس هى مش لازم كل شويه تروح ليها بيت ماينفعش تسيبه خلاص وهو برضو مش المفروض يخنقها ويقولها لا الفتره الاولى بتبقى لسه ما اخدتش على الوضع الحالى التفاهم لازم يبقى موجود وربنا يصلح حال الجميع

مفيش افضل من التفاهم و التقدير في الموضوع دا و زى ما قلتى هى الزوجه هتتعود

و انتى يا هانم مش هتروحى عند بيت اهلك تانى

نورتى

[big bốss]

اقتباس المشاركة الأصلية كتبت بواسطة .lamar موافقة على وجهة نظرك ان الظروف اتغيرت بس نتخيل كدة ان دول اهلها و عمرها ما فارقتهم مش بيبقى سهل التغيير مرة واحدة يعنى بالتدريج و ان الزوج يكون حكيم و يقدر يفهم انها محتاجة شوية وقت يعنى ميعترضش و يتخانق و يحاول باسلوبه انه يفهمها وجهة نظره عن نفسى مع الزيارات الاسبوعية و افضل انه يكون معاها موضوع مميز اخى سلمت يمينك

فعلا الزوج عليه دور انه يفهما واحده احده و خصوصا بداية الزواج

نورتى برايك لمار

[ايمان طلعت]

بدايه الجواز بيكون فيه خلافات كتير لانهم لسه مأخدوش على الوضع الجديد
فمع الوقت المشاكل هتتحل بالتفاهم
وانسب حاجه زياره كل اسبوع

[Fatma eissa]

شيفه مفهاش اي مشكله
لأن من واجبها
ومفروض الزوج يقدر
كدا ويشجعها
لأن ملهاش غير لاهل
وممكن تتكلم معاها وتناقشها
لغاية م متوصلو لحل مقنع
ولازم سماع لرئيها
وتفرض عليها رايك
دي للآخر حاجه ليك
وهترجعلك
لأنها هتكون فيها خير فيك
طرح قيم
ومناقشة هادفة
وحمدالله علي سلامه
وتسلم ايدك

[big bốss]

اقتباس المشاركة الأصلية كتبت بواسطة ايمان طلعت بدايه الجواز بيكون فيه خلافات كتير لانهم لسه مأخدوش على الوضع الجديد فمع الوقت المشاكل هتتحل بالتفاهم وانسب حاجه زياره كل اسبوع

لا كل اسبوع كتير

كل اسبوعين احسن و متنسيش امها هتشغل شغل الحموات و التصليت