قد غيابكم

[شاعر الحب الحزين]

قد غيابكم عمري ما هضعف وأحن

قد غيابكم وانا صبري ملوش عمر وسن

مش هوايتي إني أترجى حد

أنا قد كل عذاب وغياب وبعد

بكل احترام اسيبكم وانساكم بشياكة وفن

ما تقولوش هيرجع أنا عكس تفكيركم والظن



مع أول خطوة فراق حطيتكم في قايمة النسيان

وبعيش حياتي ما اخليهاش تقف عشان انسان

اللي يخرج من حياتي فورا يتملي بعده المكان

انتوا اللي هترجعوا انا مش هرجع

انا لا للحب بسجد ولا لحبايبه بركع

ما اضعفش قدام فراق ما تهزنيش أي أحزان

أرجع لوحدتي عادي ما انا قبلكم عشتها زمان



قولوا كلام الدنيا هرد عليكم بكلمتين

قد غيابكم ده وعدي ووعد الحر دين



شــــــــــــــــــــــ . حــــــــــــــــــــــ