حاسس بالنهاية

[شاعر الحب الحزين]

طول عمري بحس بالنهاية

بس المرة دي حاسسها بجد

من يومي بداري دموعي جوايا

لا بشتكي ولا بقول لأي حد

في حاجات جوايا بتقولي دي البداية

وأمل بسيط بيجي صد رد

إزاي وانا اكتر حد شايفني في المرايا

شفت ملامحي دبلت زي الورد

إزاي وانا اللي فاهم قصتي وكل الحكاية

البداية دي كانت مجرد رقم وراح ف العد



حاسس إني خلاص بنتهي

غير الصمت والوحدة مش بشتهي

إحساس عشته وجربته

إحساس مش كتير كتبته

انا بضيع مني ولا حد عارف إني بنتهي

سرحان في الوهم وشارد وبدأت اتنسي


اعدائي بيصاحبوني واللي كرهوني بيحبوني

ازعلهم يسامحوني أخاصمهم يصالحوني

هما حاسين باللي انا حاسه

هما شافوا النهاية ف عيوني ولا رجعوا يودعوني

قالولي نفتح صفحة جديدة

قالولي نبدأ من تاني استغربت وقلت انتوا بتكلموني!

ورجعت وحدي في سكتي وحسابات النهاية ف ظنوني


ش . ح