نكت تموت من الضحك

[انا بنوته كيووت]

بسم الله الرحمن الرحيم

واحد بيتقدم لواحدة فابوها طلب منه مهر بـ 50 ألف جنيه، قالوا ليه ياعم الحاج هو انت حسبت الكيلو بكام.
واحد نام على السرير بالمقلوب، صحي الصبح لاقي رجليه معمصه.
حسنى مبارك في مرة سأل ملكة إنجلترا انتوا إزاى بتختاروا رئيس وزراء ذكي قالت له بسيطة سترى الآن فنادت على تونى بلير وسألته سؤال ابن امك وابوك ومش أخوك يبقى مين؟ فقال يبقى انا فنظرت لحسنى وقالت له شفت فقد أجاب بذكاء فرجع حسنى الى مصر منبهراً فنادى على نظيف وسأله ابن امك وابوك ومش أخوك ؟ فطلب نظيف وقت للإجابه فأعطاه الفرصة ثم عمل نظيف إجتماع وزارى وسألهم نفس السؤال فلم يرد إلا حبيب العادلى وقال يبقى أنا يافندم فقال له نظيف هل أنت متأكد من الإجابة فقال له نعم متأكد فذهب إلى حسنى وقال له الاجابه يافندم يبقى حبيب العادلى فرد حسنى وقال له أنت غبى غبى غبى الإجابة هى تونى بلير ياغبي.
الحمار في فرح أسد فقال له الأسد بس انا معزمتش حمير ايه اللي جابك فرحى، قاله أنا كنت زيك أسد ولما اتجوزت بقيت حمار.
واحد إشترى فراخ علشان يربيها فى قفص صدره.
مره نمر كان بيجرى ورا عربيه عشان يعاكس النمره.
بيقولك إتنين بلديتنا بيلعبو شطرنج واحد بيقولو أنا موتلك الحصان، قام التاني راح سم له البهايم.
عسكرى زهق من البندقيه، إشترى حمصيه.
مره فيه واحده ست سايقه على الجي بي اس قالها إنحرفي قليلا فقلعت الطرحه.
مرة واحدة إتجوزت من ورا أبوها لف وشافها.
منوفي إتجوز موظفة إتفق معاه المصاريف عليه والايجار عليها، بعد ٢٠ سنه مات إكتشفت إن الشقة تمليك
بيقولك مره واحد نام ساعه، صحي لقى نفسه حظاظه.
مرة واحد بخيل قوى جاب تليفون جديد حطه في جيبه اللي ورا، ونسي وقعد على كرسي، راح سامع صوت حاجه بتكسر، قال يارب يبقي العمود الفقرى.
بلديتنا إشترى موبايل سامسونج راح بعت رسالة لخطيبته، متتصليش على النوكيا علشان بيعته.
واحد قاعد يحمد ربنا أنه مش صيني فواحد قاله ليه كده قاله أنت غبي انا معرفش ولا كلمه صيني
مره سمكه نزلت الميه غرقت
ﻣﺤﺸﺶ ﺣﺐ يعمل ﺗﺠﺮﺑـﻪ زي ﺍﻟﻌﻠﻤﺎﺀ ﺟﺎﺏ ﺣﻤﺎﻣﻪ ﻭ ﻗﺎﻟﻬﺎ “ﻫﺶ” ﻃﺎﺭﺕ، ﺍﻟﻴﻮﻡ ﺍﻟﺜﺎﻧﻲ ﺟﺎﺏ ﺣﻤﺎﻣﻪ ﻗﺺ ﺭﻳﺸﻬﺎ ﻭ ﻗﺎﻟﻬﺎ “ﻫﺶ ﻫﺶ ﻫﺶ” مطرتش! ﻛﺘﺐ ﻣﻼﺣﻈــﺔ : ﻋﻨﺪﻣﺎ ﻧﻘﺺ ﺭﻳﺶ ﺍﻟﺤﻤﺎﻣــﺔ ﻓﺄﻧﻬﺎ ﻻ ﺗﺴﻤﻊ.
مره ولد بيقول لأبوه أنا عايز اكمل دراستي بره رد ابوه وقاله خلي امك تفرشلك في الصاله
گان فيه مره سلحفه دخلت مطعم وطلبت رز، قام الجارسون شلها رماها بره، رجعتله بعد شهر وقالته طب متزقش بس.
واحد رخم نزل الشارع ملقاش حد يرخم علية قام وقف قدام العمود وقالو عدينی.
مره واحد حب ينط م الدور العاشر، نط م الخامس مرتين
مره واحد كان بيتفرج على مقطع ساخن إتلسع ههه
مرة واحد بلع فوطه ريقو نشف
مره واحد شاط كرة فى المقص إتخرمت.

//////////////////////////////
واحد صعيدي حب واحده، راح إتجوز اختها عشان يضمن يشوفها كل يوم
واحد صعيدي بيقول لصاحبه أنا بالى مشغول من امبارح، قاله اكيد فيه حد رافع السماعه
صعيدى قابل واحد أجنبية سألها إنتى منين قالتله وات، قالها أجدع ناس بتوع وات دول
صعيدى إشترى مرايه، الصبح مراته بصت في المرايه وقعدت تعيط وراحت للعمده وقالتله جوزى اتجوز عليا قالها طب تعالى نروح نتأكد وراح العمده بص فى المرايه قالها ده كمان جاب عمده تانى غيرى
صعيدية بتقول لجوزها هات بوسه فراح باسها قالتله ضحكت عليك وخدت اللبانه قالها انا اللى ضحكت عليكى ده كان بلغم
بهانه جوزها رماها من الدور الثالث طلعتله وقالتله بلاش الهزار البايخ ده
مخيمر راح يكشف على ابنه الدكتور غاب عنه نص ساعه ورجع قاله البقاء لله ابنك مات فجه ابنه وقاله لا يابا انا ماموتش قاله اتنيل على عينك هتفهم اكتر من الدكتور
مره صعيدى راكب تاكسى السواق نزل عشان يجيب سجاير لاقاه خلع الفتيس من العربيه فلما رجع السواق سأله خلعتها ليه قاله شفتك عمال تلخلخ فيها قولت لما اشلهالك عشان تعباك
صعيدى عايز يقتل مراته حطيلها مسدس فى الاكل
عشر صعايده كانو بيحششوا البوليس كبس عليهم خمسه منهم اتمسكوا وخمسه استخبو فى عربيه البوكس
واحد صعيدى واقف فى ميدان التحرير بيقلع هدومه العسكرى سأله بتعمل كدا ليه قاله اصل الكمسرى قالى عشان تروح شبرا لازم اغير فى التحرير.