جدل حول حجاب البنت

[دمعه حائره]

اقتباس المشاركة الأصلية كتبت بواسطة *فجر الاسلام* محسسيني انها عالمة دين او داعيه وبتتكلم وغلطت هي انسانه اكيد خانها التعبير احنا الحجاب عندنا يعتبرعاده ف سن ال١١سنه لازم يتلبس لكن بحب حبيناه واحنا صغيربن من غير مانعرف انو فرض الناس كلها مش كامله الاوصاف المحجبه لازم تكون مابتغلطش وهكذا ربنا عندو اعمال وفروض وسنن محدش هيجيب ١٠من ١٠ ف كل حاجه الله يهدي الجميع

هو عادات اكتر من تدين واقتناع ولازم عشان يكمل يكون الداخل والخارج نفس الشئ وهي خانها التعبير وانا حبيت اوضح وجهة نظري اننا منحكمش بالنيابه عند ربنا مين احسن
نورتي فجر

[شروق محمود]

فعلا الحجاب فرض
انا شفت الحلقه وده كان سؤال من واحده قالت لها ان عاوزه تقلع الحجاب
فقالت لها ان الموت قريب مننا وفيه جنه ونار
و ان المحجبه احسن منى ومن غير المحجبه
عشان تحببها ف الحجاب ومش تقلعه

والنهارده اما لاقت هجوم عليها من البعض
اعتذرت وقالت انها افورت شويه وحقكم ع راسي

ولكن انا برده رايي ان اللى بيصلى ويصوم
والحجاب وباقى الفرائض طبعا اللى يلتزم بيهم
افضل عند ربنا

تسلمى منه ع موضوعك القيم المثير للنقاش فعلا

[دمعه حائره]

اقتباس المشاركة الأصلية كتبت بواسطة شروق محمود فعلا الحجاب فرض انا شفت الحلقه وده كان سؤال من واحده قالت لها ان عاوزه تقلع الحجاب فقالت لها ان الموت قريب مننا وفيه جنه ونار و ان المحجبه احسن منى ومن غير المحجبه عشان تحببها ف الحجاب ومش تقلعه والنهارده اما لاقت هجوم عليها من البعض اعتذرت وقالت انها افورت شويه وحقكم ع راسي ولكن انا برده رايي ان اللى بيصلى ويصوم والحجاب وباقى الفرائض طبعا اللى يلتزم بيهم افضل عند ربنا تسلمى منه ع موضوعك القيم المثير للنقاش فعلا

الالتزام بالفروض مفيش احسن منه لكن تكمله الافعال وانا بس بناقش نقطه ان مش شرط عشان لابسه حجاب تبقي الافضل الدين معامله وبنتحاسب بالنيه اللي ربنا وحده عارفها
نورتي شروق

[ahmed 22]

والله انا شايف انها لحظة تجلي كدا مش اكتر منها
مش معيار لأي حاجة .. عشان نبني عليه حالة الجدل
اللي ظهرت ومجلس المراة اللي تصدت ليه
والافلام بقا بتاع تحويلها للتحقيق
وان اقوالها بتحض علي العنف ضد المرأة افلام هابلة والشو اللي بيحصل ده

يعني ياما دقت علي الراس الطبول
ما احنا كل سنة نسمع عن ناس بتطلع عالتليفزيون
بتعمل دعوات لحلع الحجاب والعودة لزمن الانثي الجميل في الخمسينات
وحلاوتهم وهما ماشيين بهدوم فوق الركبة
وماحدش بيحول للتحقيق ولا بيكون فيه انتفاضة الاقصي دي

عشان ماطولش برضه
الفكرة بس ان احيانا الانسان لما بيكون مع نفسه في لحظة صراحة
ويشوف شئ ناقصه ومدي ان الشئ ده بيؤثر علي ضعف ارادته في الحياة
بيتستشعر ان ده كل شئ بالنسبة ليه مش قادر يحققه ..
وفي نفس الوقت هو كل خطأ مش عاوز غيره يقع فيه
فتعبيرها ظهر للبعض غير مقنع مش اكتر وتحويل سير القضية للاحسن عند ربنا والاوحش ...
لانه حالة هي بتمر بيها
يمكن في يوم او اسبوع ويمكن لحظة مش اكتر ..
مش معيار اقناع لحاجة ..

[دمعه حائره]

اقتباس المشاركة الأصلية كتبت بواسطة ahmed 22 والله انا شايف انها لحظة تجلي كدا مش اكتر منها مش معيار لأي حاجة .. عشان نبني عليه حالة الجدل اللي ظهرت ومجلس المراة اللي تصدت ليه والافلام بقا بتاع تحويلها للتحقيق وان اقوالها بتحض علي العنف ضد المرأة افلام هابلة والشو اللي بيحصل ده يعني ياما دقت علي الراس الطبول ما احنا كل سنة نسمع عن ناس بتطلع عالتليفزيون بتعمل دعوات لحلع الحجاب والعودة لزمن الانثي الجميل في الخمسينات وحلاوتهم وهما ماشيين بهدوم فوق الركبة وماحدش بيحول للتحقيق ولا بيكون فيه انتفاضة الاقصي دي عشان ماطولش برضه الفكرة بس ان احيانا الانسان لما بيكون مع نفسه في لحظة صراحة ويشوف شئ ناقصه ومدي ان الشئ ده بيؤثر علي ضعف ارادته في الحياة بيتستشعر ان ده كل شئ بالنسبة ليه مش قادر يحققه .. وفي نفس الوقت هو كل خطأ مش عاوز غيره يقع فيه فتعبيرها ظهر للبعض غير مقنع مش اكتر وتحويل سير القضية للاحسن عند ربنا والاوحش ... لانه حالة هي بتمر بيها يمكن في يوم او اسبوع ويمكن لحظة مش اكتر .. مش معيار اقناع لحاجة ..

انا كمان شايفه الموضوع افوره منها ومثاليه زياده وكنت حابه اوضح وجهة نظري لانها مشهوره وبرنامجها متشاف كويس ومؤثر في البنات ومحبتش النظره السطحيه في الموضوع والتدخل في مكانه الانسان عند ربه لاني بشوف ناس مظهرها متدين لكن من جواها خربان فبيستفزني نبره الكلام دي وبردو بعترض علي اللي بيتكلموا في خلع الحجاب ويدخلوا في رغبات غيرهم او يتنمروا بيهم واكيد هياخد وقت ويخلص
شكرا نورتني

[Aya 7ekaya]

الحجاب فرض ده مفيهوش نقاش وتركه تقصير فى حق ربنا وذنب كبير لكن مش سبب للحكم على الناس
انا ماشوفتش الحلقه لكن سمعت تعليقات الناس واللى لفتنى حتى لو كانت رضوى اتحمست بس شوية وقالت كلمتين ف الدنيا قامت عليها طيب اللى ليل ونهار بيشككو ف فرضية الحجاب و بيقولوا أنه جهل وتخلف مش بيتحاسبو ليه هم كمان الفكرة ف النهاية ان الكلام لو على مزاجهم بيعدى مش على مزاجهم بيتعمل مشكله
موضوع قيم ي منه تسلمى

[بحر القمر]

من مفهومي الحكم على الناس مش شرط يكون من خلال اللبس وبس
اه اللبس المهندم المحتشم مهم ومطلوب
بعيدا عن حكاية التحريم او التخليل خصوصا وانا مش رجل ازهر
انما الصح صح والغلط
تسلم ايدك اختي

[شاعر الإحساس]

شوفي يامنه...
التربيه هي الاساس....
وموضوع ان البنت تلبس الحجاب بالاقتناع...
دا غير مقبول بصراحه..
اصل لو الاهل ربوا ربايه سليمه...
فاكيد هتلبسه وباقتناع وكل حاجه...
لو ربوها انه فرض وكدا والصلاه لابد منه...الخ
هتطلع بتحبه ومقتنعه بيه جدا...

طبعا زي ماقلتي الاعمال بالنيات..
ومش كل المحجبات كويسين...
ومش كل اللي مش محجبات يعني يكونوا وحشين
بس لو الاتنين كويسين...فالمحجبه هتكون افضل عند ربنا اكيد
وفي الاول والاخر الهدايه من عند ربنا
وكلنا مقصرون بلا استثناء...
نسأل الله السلامه

[دمعه حائره]

اقتباس المشاركة الأصلية كتبت بواسطة aya 7ekaya الحجاب فرض ده مفيهوش نقاش وتركه تقصير فى حق ربنا وذنب كبير لكن مش سبب للحكم على الناس انا ماشوفتش الحلقه لكن سمعت تعليقات الناس واللى لفتنى حتى لو كانت رضوى اتحمست بس شوية وقالت كلمتين ف الدنيا قامت عليها طيب اللى ليل ونهار بيشككو ف فرضية الحجاب و بيقولوا أنه جهل وتخلف مش بيتحاسبو ليه هم كمان الفكرة ف النهاية ان الكلام لو على مزاجهم بيعدى مش على مزاجهم بيتعمل مشكله موضوع قيم ي منه تسلمى

هو فرض فعلا وهي افورت في الكلام لكن بردو لما حد بيشكك في فرضيه الحجاب مش بنسكت وجهات كتير بتكلم الفكره بس ان منفضلش حد علي حد ونقول ده احسن من ده لان الحساب بالنيات مش بالحجاب
نورتي ايوش

[دمعه حائره]

اقتباس المشاركة الأصلية كتبت بواسطة ياسر عبد الباقي من مفهومي الحكم على الناس مش شرط يكون من خلال اللبس وبس اه اللبس المهندم المحتشم مهم ومطلوب بعيدا عن حكاية التحريم او التخليل خصوصا وانا مش رجل ازهر انما الصح صح والغلط تسلم ايدك اختي

هو ده قصدي والمظاهر ياما بتخبي حقايق ومندخلش في علاقه الفرد بربه
شكرا نورتني