Tenet مسابقة القوى الخارقه, وبرضو مسابقة النقاش 😂

[شاعر الإحساس]

مساء الخير ياشباب....
ومساء الخير يا شبابات...يعني يابنات بس بالصيني 😂

الموضوع دا لتاني مره اعمله..لانه ضاع من يومين..
وكنت ومازلت بشارك بالتليفون...ومخدتش كوبي..
ندخل ف الموضوع !...ندخل يلا

الفكره من العنوان كدا للي متابع افلام زي Inception,
وزي برضو الفيلم الحالي بالسينما...TENET ..والاتنين لنفس المخرج
المجنون المبدع اللي مش طبيعي
الافلام دي عايزه دماغ واعيه وتركيز عالي جدا عشان تفهم..
وبرضو مش هتفهم 😂😂

المهم الفكره اني لو عندي قوى خارقه اني ارجع لمرحله معينه من عمري
قبل كم سنه(لنفسي مش لحقبة زمان)...اروح هناك واكون موجود
واشوف نفسي هناك بالهيئتين...
واحاول اتدخل وامنع نفسي اني اعمل حاجه حصلت (استغفر الله يعني)
اتبنت عليها حاجات تانيه مثلا مش حاببها ...فبصلحها...
طبعا تمنع نفسك القديمه..يعني متعملهاش انت بشخصيتك الحاليه
يعني هتروح تحاول تكلمه (نفسك) تمنعه باي طريقه ..تقنعه...
وكأنه شخص تاني مش انت...

ودا بيكون عن طريق فكرة الدخول بالاحلام ....زي فيلم Inception
او الرجوع زي فكرة TENET


سؤالي ليكم....
لو تقدر ترجع لورا وتكون موجود ف لحظه معينه قبل كم سنه
وتكون هناك بالشكلين قبل كم سنه والحالي...هيكون ايه احساسك!
هتقول لنفسك ايه وتمنع نفسك انك تعمل ايه ..!
عشان تصلح حاجه اترتبت عليها وكانت نتايجها مش اوك...!

ومع السلام عليكم 😂

[big bốss]

عارفه الفيلم دا جميل و فكرته حلوه

انا لو هرجع للزمن وراء هرجع عشر سنين هعمل حاجات

بالتوفيق ليك يا ابو على 😂

[حـيـــــآة ❤]

ههههههه بلاش اقول عشان الناس متعصبه هنا

[فداااااااااااء]

فى حاجات كتير كنت هحاول اصلحها وامنع البعض منها من الحدوث
بس اكتر حاجة ممكن هسعي اليها انى احضن بابا الله يرحمه قبل ما يمشي لانه ساعتها مشي ومارجع
ولان القدر لا مفر منه كنت قولت امنعه انه يطلع فى الليلة دى من البيت وما تعرض للحادثة وفارقنا بس دا مستحيل

تسلم اخى شاعر
توبك جميل

[ايمان طلعت]

الموضوع صعب
حقيقه مش عارفه ارجع لاي نقطه
يمكن الحياه مليانه نقط صغيرة
موضوعك محير بجد
بس ممتع لو فيه قدرة زى دى
المهم انك ضربت عصفورين بحجر واحد 😂
تحياتي

[بحر القمر]

واقعيا يستحيل رجوع اي شيئ راح
خياليا اتمنى عودة كل جماليات الزمن الجميل
تسلم استاذي ويارب يوفقك

[دمعه حائره]

انا حتي لو رجعت بالزمن لورا حاسه اني هعمل
كل اللي عملته في حياتي تاني
الحمد لله راضيه عن كل حاجه الوحش قبل الحلو
بس كان ممكن اشبع اكتر واتصور اكتر صور وفيديوهات
مع الحبايب اللي فقدتهم
تسلم ياشاعرنا

[شاعر الإحساس]

اقتباس المشاركة الأصلية كتبت بواسطة big bốss عارفه الفيلم دا جميل و فكرته حلوه انا لو هرجع للزمن وراء هرجع عشر سنين هعمل حاجات بالتوفيق ليك يا ابو على 😂

ايوه كنت هتعمل ايه يعني...
اعمل الصح...😂
يا استاذ غسان ايوه يعني اعمل ايه
اعمل الصح 😂

منور يا ماااااان
بس مين ابو علي دا 🤔

[شاعر الإحساس]

اقتباس المشاركة الأصلية كتبت بواسطة حـيـــــآة ❤ ههههههه بلاش اقول عشان الناس متعصبه هنا

هو انا منزل الموضوع معاه ناس 😂
مخدتش بالي...
انزل يابني انت وهو من ع الموضوع 😂

مين يقى الناس اللي متعصبه وكنتي هتعصبيهم اكتر 🤔
نورررتي يا حيااااااة

[شاعر الإحساس]

اقتباس المشاركة الأصلية كتبت بواسطة فداااااااااااء فى حاجات كتير كنت هحاول اصلحها وامنع البعض منها من الحدوث بس اكتر حاجة ممكن هسعي اليها انى احضن بابا الله يرحمه قبل ما يمشي لانه ساعتها مشي ومارجع ولان القدر لا مفر منه كنت قولت امنعه انه يطلع فى الليلة دى من البيت وما تعرض للحادثة وفارقنا بس دا مستحيل تسلم اخى شاعر توبك جميل

سبحان الله...لله ما اعطى وما أخذ
الدنيا كلها اسباب ...واحنا فيها ماشيين
والستار ربنا ....
الله يرحم باباكي ويغفر له ويدخله فسيح جناته
وانا اسف لو كانت حروفي قلبت معاكي الذكريات...الموجعه
لان حسيت حروفك والمتني..

ربنا يرحمه يارب
ويبارك فيكي وفي الاسره جميعا ويحفظكم من كل سوء
نورتيني سيدتي..
دمت بكل خير