برنامج همسات رجل (الحلقه18)(واد حبيب)

[ايمان طلعت]

السلام عليكم ورحمة الله وبركاته عالم الرجل عالم كبير غامض و اسرار قلبيه قل ان تخرج من القلب نعود مرة اخرى بعد غياب ونستكمل حلقات برنامج همسات رجل معانا النهاردة عضو خلوق موجود دايما و وجوده هادي له قلم جميل ضيفنا النهاردة واد حبيب عرفنا عن نفسك سريعاً؟ محمد رمضان انسان بسيط عايش في الدنيا اهو ما هي مواصفات شريك حياتك ؟ الحمد لله راضي بكل شي معايا كان زمان ممكن اجاوب علي السؤال دي بس خلاص اخدنا نصبنا والحمد لله علي كل شي من يعشق قبل الاخر من وجهة نظرك القلب ولا العين؟ ولماذا؟ العين بتشوف والقلب بيعشق لكن الحب موجود في القلب علطول ممكن تغيب فتره مش تشوف حببتك ولكن هتفضل موجوده في القلب ولو مره سنين وستين العين بتشوف الجمال بس لكن القلب بيحس بكل شي فيها متى تشعر بالوحدة ؟ الوحدة مكتوبه علي كل واحد فينا لو حولينا كل الناس برضو هنحس بوحده مش لزم يكون كل الناس حوليك علشان مش تحس بوحده ممكن واحد بس يحسيك انك مالك الدنيا ولو غاب عنك وكل الناس حوليا تحس بوحدة فعلا متى تكره المرآة ؟ مفيش حد بيكره المرأه غير المتخلف عقليا ممكن متحبش اشياء او صفات في المرأه ولكن تكرها صعب جدااا لان المراه دي امي واختي وزوجتي وبنتي مستحيل اكره كل ده زي ما قولتلك صفات اكرها في المرأه لكن مكرهش المرأه بصفه عامه من هي المرآة المسؤله برأيك ؟ اللي تقدر تحافظ علي نفسها وبتها واهلها وتقدر تتكلم مع كل الناس باسلوب راقي وحسن الخلق دي المرأه المسئوله من وجهه نظري مش لزم تكون شديده ومسئوله في شعل او حاجه لا دي بنسبالي عاديه المسئوله من وجهه نظري زي ما قولتلك يقال أن الطريق لقلب أدم معدته هل هذه المقوله صحيحة ؟ ممكن عند بعض الناس اللي بتحب الاكل لكن بنسبالي انا لا انا ممكن افضل يومين ما اكلش عادي ولا افتكر اني جعان اصلا لكن في ناس تانيه بطبق باميه محروق تخدي عنيه ماهي الصفة التي لاتتنازل عنها في المرآة ؟ شخصيتها واخلاقها واحترامها لجميع طول ما شخصيتها قويه ومحترمه واخلاقها عاليه ومحفظه علي نفسها كده فل الفل ماهي أجمل هديه تتمناها من المرآة ولماذا ؟ انهم يبطلو رقص في الشارع شويه ويفهمو كويس ان عيب اوي اللي البنت ترقص في الشارع ولا اخلاقنا ولا اي شي يسمح للبنت انها ترقص والناس تتفرج عليها وتجي تجوز جوزها يقولها ارقصي تقوله لا بنكسف دمعة المرآة ماذا تعني لك ؟ دموع المرأه سيف بيقطع في القلوب بس اللي بيحس بيها دموع المرأه حاجه من الاتنين يا بتحبه اوي يا مقهوره اوي هل يهتز قلبك لدموع المرآة ؟ ومتى ؟ اي انسان عنده احساس ومشاعر يهتز لدموع المرأه لان المرأه مخلوق لطيف بيحس باي حاجه حوليه انابقول المرأه مش البنات اللي بشوفهم شايلين سيوف في شعرهم هل المال يحقق لك السعادة؟ اللي قال ان المال بيحقق السعاده عبيط اوي هوه جزء من السعاده لكن مش كل السعاده راحت البال والصحه اهم بكتير من المال هل من الممكن ان تبوح اسرارك لصديق ام صديقه ولماذا؟ كل انسان فينا له طاقه ومش بيتحمل اكتر منها طول ما ليك صديق واثق فيه وعارف انه هيحافظ علي سرك مش عيب انك تفضفض معاه لكن لو قولت اسرارك لوحده ست اول يوم ربع العالم هيعرف تاني يوم العالم كله هيعرف بس مش الكل بصراحه في بنات بتقدر تحافظ علي السر كويس ما هو السبب لخيانه الزوجة ؟ الخيانه كلمه صعبه اووووي مفيش اي سبب انك تخون زوجتك اي النقص او حاجه محروم منها عوز تعوضها متى تشعر بالضعف ولماذا ؟ لما يكون في مشكله ومش عارف احلها او اكون بعيد وحد تعبان مش عارف اوصلو الى أين يصل مفهوم الحرية بعالمك ؟ الحريه كويسه بس في ناس بتستعمل الحريه غلط الحريه بادب والاحترام والاخلاق مش بقلة الادب والصوت العالي وعدم احترام الكبير ماهو المفهوم الحقيقي للحب لديك ؟ مش كل واحد قال كلمه حب يبقي بيحب الحب احساس ومشاعر وخوف قبل الكلام السؤال ده عوز 4 ساعات الواحد يكتب فيه وانا زهقان اصلا ماهو اول و اهم شيء يجذب نظرك للمرآة و يجعلك تهتم بها ? الاخلاق والاحترام والجمال والكسوف هل تعترف بشيء اسمه الصداقه بين الرجل والمرأة ؟ من وجهه نظري بعترف بيها طول ما في حدود الادب والاحترام نصيحه منك لكل ادم ؟ عيش حياتك يا ياعم وسيبك من الجواز ووجع القلب واللي يقولك الجواز ده سنه الحياه قوله اعمل انت السنه دي مش فاضي انا سعدت بوجودك معايا نورت البرنامج استنونا وحلقه جديدة وهمسات رجل جديدة تحياتي ايمان طلعت

[big bốss]

اجابات جميله يا محمد عاقل يا بنى

برنامج اكثر من رائع ايمان بيتطرق لكشف تفكير الرجال

[حازم34]

. برنامج راقي لمقدمه راقيه فالبرنامج اعداد وتقديم صاحبه الفكر الراقي الجميل


باسئلتها الراقيه الأخت ايمان


َوهو برنامج يسطع في سماء المنتدى من بدايه تقديمه الي الان


فعودا جميلا

واستضافه جميله لاخ مبدع وفنان وصاحب مجهود رائع بالمنتدى

و اجابته راقيه تدي على الفكر الجميل


يسلموا على الحلقه الرائعه وتحياتي لكما ربي يحفظكم

[دمعه حائره]

استضافه جميله مع اخ خلوق ومحترم كلنا بنقدره
وبنشكره علي مجهوده ونشاطه في المنتدي
الاجابات جميله نورت يامحمد وربنا يوفقك
تسلمي ايمي

[عاشق ولهان]

استضافه جميله مبدعتنا الرقيقه / ايمان

ومحمد منور باجاباته التلقائيه

حوار ممتع بجد

تسلمي ايمان ويسلم محمد

خالص تحياتي وتقديري

[ساحر الأحزان]

حبيب حبيب الملايين

نورت حبيب

مع ايمان

يدوم المجهود

[mrmr al sayed]

شكرا جزيلا

[ساحر الأحزان]

منور البرنامج محمد

مع ايمان

ان شاء الله تعود ايمان

بجميل نشاطها

تحياتي لكم