حوار مع ابليس لمنتدي (( بنات مصر ))

[*mrmr*]

سالت ولاد الحرام عن ((ابليس)) قالولي ابعت له((sms))علي جهنم فون او علي الخط التاني بتاعه (( موبينار))يمكن يرد عليك بتاعه وفعلا عملت كده لاني كنت في اشد الحاجه لعمل حوار من نوع مختلف مع((ابيلس))خصوصا وانا عارف انه طالع عين امه اليومين دول

كتبت رساله قلت له فيها , انت يا زفت انا اسمي فاشل وكلي فخر وبعمل موضوع لمنتدي بنات مصروجاي علي نفسي وها اعمل معاك حوار مع سحنتك اللي مش ولا بد لان دي رغبه الزملاء في منتديبنات مصرفا خليك خفيف يا ((ابليس )) واتصل
بعد ساعة بالظبط الموبيل سخن في ايدي وحسيت انه بيهنج لانه كان بينور ويرن وشغال فايبريشن وبيتنطط علي المكتب زي الكتكوت اللي واقف علي صفيحه سخنا وظهر عندي اسم غريب بلغه غريبه كانها رسومات واشكال جنيه
المهم رديت وقلت مين معايا سمعت صوت عميق بيقول
اهلا اهلا اهلا باشطر عضو في منتدي بنات مصروصاحب اجمل عيون في الدنيا واشيك راجل في المنطقة العربية ((اللي هوا انا طبعن))
قلت له انت ها تثبتني ياض ولا ايه قلي مين معايا
.. انا خدامك ابليس وممكن نبقا اصحاب وتقلي يا شوشو
.الله يلعنك ايه الارقام الغريبه دي وبعدين ايه شوشو دي انت مش مظبوط ولا ايه؟
.. لو عاوزني مش مظبوط انا تحت امرك يا عسل ,, ايه النظام؟؟؟عاوز معصيه ولا حتي من الكبائر ولا ذنب صغنون
. لا انا مش عاوز اي حاجه غير شوية دردشة لمنتدي ((بنات مصر))
,, ده المنتدي ....... علي فكره كل اللي حوليك بيكرهوك وعينهم علي نشاطك الدائم ونفسهم تمشي بسرعه علشان يروق لهم الجو . وانا رائي انك تجيب بنتين حلوين اوي وما لهمش في النت وتعملهم المسعدين بتوعك علشان الباقي يتغاظ
,ما انا قلت لك بلاش السكه دي معايا ,, انا عاوز اعمل معاك حوار وبس يعني مش لازم تقلب عيشك عليا قلت ايه؟
,, ماشي يا استاذة مرمر انا تحت امرك
. اخبارك ايه في رمضان اللي فات ؟
,, ما تفكرنيش انا عندي اكتئاب شديد بس انا مظبط شوية كده عارف انهم بيدخلو شهر رمضان بقلب جامد لكن بعد 10 ايام ها يعيشو معايا في المود ونديها فطار وبنات واحلا اشتغلات
. باقولك يا ((ابيلس)) بتتفرج علي التلفزيون في رمضان ؟
.. هوا انا ورايا غيره يا استاذ فاشل بس يحي الفخراني ما عجبنيش في رمضان اللي فات علي عكس نادية الجندي والهام شاهين ويسرا اللي كانت هدمهم المفتوحه منوره الشاشة قدامي
.اديت صوتك لمين في انتخبات الرئاسة اللي فاتت ؟
.. شوف العيب فين يا استاذ فاشل ويبقا انا عملت الغلط
. ايه انت بتخاف ولا ايه
.. يا عم فاشل كفايه اللي انا فيه مش ناقصه قلمين وشلوتين في البلد دي
.طيب بتحب مين في الزمالك؟
.. مرتضي منصور روحي روحي روحي
. وفي الاهلي
.. الشياطين الحمر
. ايه رايك في الاغاني يا نجم
.. الواد تامر حسني بيفكرني بشبابي وجاد شويري ده مدرسة وميلودي ومزيكا مش بيتقفلو من عندي في البيت
.طيب ايه رايك في الخيانة يا ((ابليس)) ؟
.. ياااااااااااااااااااااااااااااااااه ,,,,,,,,,,,,ياما حصلت معايا ....... تخيل يا استاذ فاشل .... واحد وقفت جنبه من ساعة ما كان لابس شبشب بصباع وساعدته علشان يبقا راجل مهم في البلد ومعاه فلوس كتير وفلوس تانيه مهربها برا البلد ومركز حساس بيامر ويتهي من خلاله وبعد كل ده ادخل عليه مكتبه الفخم الاقي حاطط وراه صورة ضخمه مكتوب فيها (( هذا من فضل ربي))
.انت منفسن بأه
.. انا تعبت خلاص يا استاذ فاشل شياطين الارض غلبوني بشرهم تتخيل اني بعتبر رمضان شهر المصيف بتاعي اللي برتاح فيه من الظلم بتاع البني ادمين امتا بأه ادخل النار علشان ارتاح من امثالكو
.وانقطع الخط فجاه لاسمع رساله تقول هذا الرقم قد يكون محروقا بناء علي طلب صاحب

[محمد خطاب]

انا تعبت خلاص يا استاذ فاشل شياطين الارض غلبوني بشرهم تتخيل


عنده حق

موضوع جميل تسلم يا استاذ مرمر

تحياتى ليك

[Genius]

ههههههههههههههههههه
توبيك رائع تسلم ايدك