البرد ياستى انتشر

fanaa · منذ /10-04-2021, 10:44 PM

البرد يا ستي أنتشر
والمطرة نازلة سيول فراق
تدمي على قلبي الحنين
والضلع ياستي أنفطر
والروح تنوح وسط اشتياق
والبرد صاب روحه الأنين
جاي يرمي ذكرى جوا مني
ويبتسم بدموع ضياع
جاي يرمي تلج وسط ناري
فينطفى بجمرة وداع
وصلاة أخيرة لمحراب الدموع
حتى النجوم جوة السحاب
خبت ضياها عن عين القمر
والبرد يا ستي أنتشر..
ويمني روحه بنظرة من روحك
يحضن عيونك وهم من شوقه
ويواسي فيه اليتم وشقوقه
ويرسم ملامحك نهر من عطشه
ويشرب دفا نفسك على كفوفك
فايت على فرشك حضن توبك
ويقولى آه فى القبر محبوبك
حضنه التراب والقبر صار داره
وان الخريف هجره الشجر
والبرد ياستي انتشر....
وسكن دروبي وصارلي جار
أنا لية نصيبي من الحياة
فوق القبور أعيش صبار
يحضنى برد وأضمه نار
يابرد هجرك جوة مني مرار
وياويلي من حظي فى قدر
خد كل حاجة بحبها
وفايتني على باب انتظار
أشرب وداعهم بعيون البشر
البرد ياستي انتشر.....
🕷️💔
#ياطبيب
#aya-ibrahem

بحر القمر · منذ /10-04-2021, 10:54 PM

مهما كان
انتشار البرد
احلى كتير من ارهاقات الحر والصيف
يظل الشتاء ارق واحلى فصول العام

عودا حميدا
اسعدك الله

ahmed 22 · منذ /10-04-2021, 11:11 PM

نصيحة

معرض الكتاب 2023

شاعر الحب الحزين · منذ /10-04-2021, 11:29 PM

ماشاءالله عليكي ربي يحميكي 👏👏👏
ما أروع كتاباتك وما أجمل إحساس قلمك
الإبداع والجمال انتشر كمان مع رائعتك
رائعة رغم الحزن وبرد الفراق ولهيب الإنتظار
شهادتي بقلمك وتميزك مجروحة
شكري وتقديري وامتناني 🌺

ساحر الأحزان · منذ /10-05-2021, 10:38 AM

قلت ليكي هاتي موضوعاتك

واشعارك هنا معنا في المنتدي

عشان الناس تشوف الكلام

والاحساس الجميل ايه

يدوم جميل قلمك

تحياتي وتقديري

جنون قلب · منذ /10-05-2021, 06:16 PM

البرد يا ستي انتشر
والناس هات فس عياط ودموع
علي اللي راح منهم
واالي مش ناوي رجوع
واللي بيبكي علي عمر عدي وسنين مرت فس احزان
لكني والله برجوع الشتا فرحان
وقلبي بيرقص وبيتنطط كمان

حاولت اعبر عن الشتا بحزن
لكن لو تعرفوا غلاوته عندي ما هتقولوا كدا
الله يطيب قلبك وعمرك
وما تشوفي شر ابدا ف ايامك
وفارق الحزن سنينك
واقترن الفرح بيكي وب احبابك

fanaa · منذ /07-07-2022, 01:36 AM

نورتوا كلكم
ربنا يديم وجودكم يا طيبين ❤️

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نتائج nxt الكاملة: بطولة داستي رودز لفرق الزوجي تصل لنصف النهائي	الفيلسـوف	الالعاب الرياضية الفردية و الجماعية	2	10-06-2015 08:21 PM
لما الترحال ياصبى	اميره الشعر الشجين	منتدي ابداعات الاعضاء الادبية	12	06-11-2013 06:18 PM
ياستي حرام	tota tweety	نكت - طرائف - وناسة - فرفشة	0	11-30-2012 06:57 AM
اختاة حاسبي نفسك وحدثيها	رنا هشام	منتدى الاسلاميات والقرأن الكريم	6	04-11-2012 01:25 PM
جى بقى صور تامر حسنى ياستى نفذتلك طلبك وجديدة لارج	تويتى الكتكوتى	صور فنانين - فنانات - ممثلين - ممثلات	10	10-21-2009 02:09 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

البرد ياستى انتشر

ابداعات الاعضاء العامية