أنا والعذاب وهواك يا فيس أنت وجوجل

[ساحر الأحزان]

السلام عليكم ورحمه الله وبركاته

ليله أمس الفيس جاله شد عضلي أو لمسه أكتاف وتوقف محرك بحث الفيس والواتس أب وانستجرام

وماسنجر عن الحياه هي مجرد ساعات عاديه تعدي ذي ما تعدي مش حتفرق كتير مهو كل يوم ألي
نبات فيه نصبح فيه منشورات وفيديوهات وأخبار كتير من ولاد المضايقه ألي أكلو دماغنا ليل نهار

بعد ما الفيس جاله شد عضلي فرح بتوع تويتر والتقليس أشتغل علي الفيس علي أساس أن أحنا
بنقبض أخر الشهر من الفيس ولا تويتر ؟



وهل لما الفيس ولا تويتر يتلغي النت حيقف ولا حيقف ولا شيء طالما محرك بحث العم جوجل شغال

واليوتوب شغال أيه المشكله .............أنا لما أتصفح النت حوصل للمعلومات ألي أنا محتاجها من خلال

محرك البحث جوجو أنما أن ده كله يحصل ويقوم أن الفيس توقفت عنه الحياه ساعات والناس حتغلب
من الانفصال الأجتماعي ألي حصل علي أساس أن فيه تلاصق أجتماعي وبنسأل علي بعض كل شويه
أو كل يوم أو كل أسبوع أو كل شهر ؟

أيه الغرابه في توقف الفيس أو واتس او أنستجرام الأعمال اوالصفقات التجاريه حتقف يمكن أنا شايف
أن ألي حصل ده يكون فرصه أن أهل الأسره الواحده تتطمن علي بعضيها من دون فواصل داخل غرف

مغلقه وكل واحد مسجون داخل تليفونه وخايف يطلع بره يشم شويه هو من البلكونه أو فوق السطح
هو حلو كده نضيف وغير ملوث بالأخبار ألي معظمها كدب في كدب وجه الفيس وكان ليها بيئه خصبه
في نشر الأخبار المنقوشه والمغشوشه



ليه مش نستمتع بوقت الفراغ ألي حصل أو وقت الفراغ المتاح لينا بعيد عن جو النت حتي لو تلاحظ
أن الواحد لما يكون عارف أن النت مفصول عموما , ْاو مش شغال بينام كويس بياكل كويس بيحس
بهدوء مع أسرته بعيد عن جو الكر والفر داخل النت
أو عموما الفيس وغرفه ومشتقاته
والأستمتاع بالجو الروحاني المريح للقلب

تمنياتي لكم بوقت سعيد

تحياتي

[*فجر الاسلام*]

ناس فاضيه وعقولها فاضيه ما يتقفلو دول هيندمو علي الاوقات اللي بتضيع منهم ع الفاضي
بس جوجل امبارح ماكنش شغال عندي 🤔

[khL ouD]

انا م نفسي مره قفلت الفون وقعدت شهر م غير سوشيال ميديا
ايوا الواحد اتعود وبقي يملي فراغه ف السوشيال بس الحياه م غيره لطيفه وهاديه..معظم المشاكل بين اي اتنين بسبب السوشيال ميديا مشاكل كتير بتحصل بين اتنين صحاب برده بسبب السوشيال ميديا ...اشاعات كتير
مشوفتش منه حاجه مفيده غير قله قليله سلبياته اكتر م ايجابياته

[fanaa]

الناس بتتعامل مع التطبيقات على أنها اكسجين الحياة تقريبا🙄🤷

[حـيـــــآة ❤]

الانسان بقى عابد للآلات والانترنت
ربنا يرحمنا والله

[ahmed 22]

هو مافيش مشكلة اساسا في فكرة ات اي شئ يتوقف
الفكرة بس اننا عالم مدمن بطبعه ... وانا هنا بكلم عن العالم كله
اللي حصل امبارح هي ظاهرة اعراض انسحاب جماعي مش اكتر
خارج ارادة الكثيرين ..
زي بالزبط اللي بيشرب مخدرات واتمنع عنه المخدر بغير ارادته
فحس ان حياته اتوقفت في اللحظة دي
فبقا زي المجنون قاعد يدور علي المخدرات بكل الطرق
لحد ما اتوفر ليه فشعر بارتياح مضلل وعودة للحياة مرة اخري ...

[شاعر الحب الحزين]

ما بزعلش غير لما المنتدى يتقفل
بالنسبالي ما حسيت أبدا بفقدان الفيس والواتس وانستا امبارح
لأنهم مش مهمين جدا بالنسبالي
وف نفس الوقت العزلة فارضة نفسها علينا
إحنا بعدنا عن ربنا وتعلقنا في شوية أوهام

الله يعطيك العافية أخي أمجد ❤️

[بحر القمر]

رغم ان وسائل التواصل دي تسببت في مشكلات اجتماعيه كثيره
لكنها بنفس الوقت فتحت افاق اعمال وخير للبعض ممن يستخدمونها في طلب الرزق
موضوع مهم اخي
اسعدك الله

[Lamees]

قل في سري في داهية والله
اللي فرق معايا الواتس اب
عشان بتواصل فيه مع حبايبي

[ساحر الأحزان]

اقتباس المشاركة الأصلية كتبت بواسطة *فجر الاسلام* ناس فاضيه وعقولها فاضيه ما يتقفلو دول هيندمو علي الاوقات اللي بتضيع منهم ع الفاضي بس جوجل امبارح ماكنش شغال عندي 🤔

معك حق فعلا فجر

خساره الوقت الي بيضيع هباء

وجوجل باين زعل علي الفيس

صباحك سعيد