!! كان قمر !!

[marwoo]

كان قمر

أرض وسما .. نخل وشجر
وصوت لضحكة حنيّنة من طفلة زي القمر

وطفل باصص ليها .. هيموت عليها
شايل فعينه أجمل معاني يحملها النظر


والورد فتّح لمّا لقاها رايحاله
مسكت ايديه وهو من الكسوف اتقلب حاله


أحضان ايدين .. نظرات حنين
وابتسامة رقيقة كسرت أنين كل مجروح أو حزين


بصّلها تاني الطفل لقاها بتدمّع
سألها ليه الدموع قالتله باتوجّع
ليه الوجع ؟ . قالتله مش ينفع
أنا هستمع .. قولي وايه يمنع

قالتله خايفة تكون أمل للإنكسار
تسمع حكايتي وتبتعد زي الكبار
ساعتها يبقوا اتنين حبايب
راحوا ضحايا للدمار

سكت الولد
وكأنه من تاني اتولد
وقالها الموضوع بلد ؟؟


بصّت فعينه والدموع بدأت تسيل
قالتله أنا شايفاك بعيني زيه أجمل من جميل


نفس الملامح .. نفس الحروف الطيّبة
نفس العيون .. فعلا أنا مستغربة

بدأت بوصف عن الملايكة مش البشر
ووصفها فاق الخيال لحد أحلى من القمر


سكتت برعشة والبرد برضه مكتّفه
بس الغريب إنّه قلع لها معطفه

وقال لها ها كمّلي
عليا ليه بتتأملي ؟


ضحكت وقالت أصله كان ليّا الدفا
كان حنيّن كان رقيق كان الأمل كان الوفا

سكت ومن شدة كسوفه كأنه بيتجلد
وكأن معنى كلامها أثّر فالولد
وكأنه من تاني إتولد
سألها تاني ؟؟
قال لها الموضوع بلد ؟؟

قالتله كان واقف معايا وكان سعيد
كان قمر .. وكان وجوده بألف عيد


مقدرتش أستنّى ...جريت عليها ...سألتها
قلتلها مين .. قالت أخويا.. وكان أمام أمي وأبويا

حضنتها ... ودمعي لامس خدّها ..
وفضلت ساكت وكنت سامع نبضها

رجعت تكمّل قالت هيرجع من جديد ؟
أمي قالتلي انّه حي بس طار لمكان بعيد
رد الولد ببراءة وقال لها هو اتقتل ؟؟
قالتله لا ... دا مات شهيد

[شاعر الاقصى]

يا خبر اد ايه صعبه اوي دايما بتاخدينا في البدايه قصه حب وتنتهي بالموت يا مري

مات شهيد .................................

انه يوم فرحه ايضا وفخر طبعا لها

وشكرا لكي مري

[dmo3sara]

رووووووووووووووووعه انا اعشق الحزززززززززززززن ومفيش اكتر من هيك حزن ومات المشاهدووووون جميعااااااا ميرسىىىىى حبيبتي

[جوهرة الاحساس]

بصّلها تاني الطفل لقاها بتدمّع
سألها ليه الدموع قالتله باتوجّع
ليه الوجع ؟ . قالتله مش ينفع
أنا هستمع .. قولي وايه يمنع

قالتله خايفة تكون أمل للإنكسار
تسمع حكايتي وتبتعد زي الكبار

بجد مش لاقيه كلام اوصف بيه جما ل موضعك وتعبيراتك الرقيقه


تقبلى مرورى

[ㄨإحسآسي بقرربڪ يڪفينيےㄨ]

بحثت و بحثت عن الكلمات المناسبة لأعبر بها عن جمال ما كتبت..
لكن حتّى لو بحثت في كلّ قاموس..لن تكفي للتعبير عنه..
أبدعت بحقّ..كلماتك رائعة..حروفك زاهية..
و عباراتك مميزة..كلها تدلّ على اُسلوبك المميز..
سلمت الأنامل التي تكتب لنا هذه الخواطر الجميلة
تحيّتي العطرة لك

[أحمد نسيم]

فعلا بشكرك لأنك خلتيني أسمع آراء الأعضاء الجميله دي أخت مارو
نقلتي الكلمات فمكان مميز فعلا