أعضاء بنات مصر في ضيافه ساحر الأحزان مع ياسر عبدالباقي

[ساحر الأحزان]

بسم الله الرحمن الرحيم

اليوم بتعتبر تالت حلقة من برنامج

ضيف فى بيتـة

ومعى مميز منتشر داخل المنتدي وكاتب صاحب قلم متعدد جميل ومميز

وهي العضو

ياسر عبدالباقي

قلم مبدع

عاوزك بقي ياسر تتكلم وتقول كل ألي في نفسك

اولا احب اشكرك اخي لانك فعلا انسان محترم ومهذب ومتعاون معي جدا رغم اني بغلس كتير عليك هنا بالمنتدى
اما عني
انسان بسيط جدا بحب كل الناس وبعشق الطبيعه فيك تقول بحب اكون في حالي بعيد عن اي مشكلات عامه او خاصه يعني زي اي حد تقريبا




أهلا بك معنا فى البرنامج

اهلا وسهلا ومرحبا بيك اخي

ونخش بقى على الأسئلة
اتفضل تحت الامر

ممكن نتعرف على بطاقتك الشخصية ؟
ياسر عبد الباقي
مسلم
مصري
اعزب

ترتيبك فى عائلتك؟
الاول

مين أقرب الأشخاص ليك فى العائلة ؟
كل اخوتي بحبهم

ياترى سرك عند والدتك ؟
ولا عند والدك ؟ولا عند مين أخواتك ولا أصدقائك؟
قبل رحيلها اه دلوقت مفيش لا حد ولا سر
بحترم اصدقائي اكيد لكن ماعندي اسرار

صداقة الطفولة بتكون حلوة هل لك أصدقاء من الطفولة لحد دلوقتى؟
اه

هل أنت

متسرع ؟
احيانا

هادي؟
بعشق الهدوء

عصبي؟
عصبي جدا للاسف

أى الصفات أقرب ليك ؟
الهدوء

ياسر


ذكرى تحب أن لا تنسا ها؟

رحيل امي الله يرحمها يستحيل انساها .

وذكرى تحب أن تنساها؟

تجربه عاطفيه مريت بها ورغم قسوتها لسه بحاول انسى والحمد لله


موقف عالق فى ذاكرتك؟
حصل من ايام وسجلته بالمجموعه هنا بمدونتي
الصبح رايح اشتري فطار بقول لواحد صباح الخير نظر لي وما رد علي
اندهت وقلت بصوت عالي يظهر راح زمن رد الصباح
لقيت حد كبير اخر طبطب علي وقال مش تزعل ده رجل مسن لا يسمع
حسيت وقتها اني حد غبي وحقير لاني تسرعت بالحكم ظلم رجعت قبلت راسه واعتذرت وغادرت




حياتك الشخصية ؟

هل أنت من النوع المغلق على نفسة ؟
غالبا اه صح تماما


ولا من محبى الصداقات؟
الصداقات امر مهم جدا بره النت
ع النت تقدر تقول في حالي مش عندي حد

أم لك رئي أخر ؟
انا وضحت لك اخي

أية رئيك فى السياسة هل بتحب الكلام فيها؟
الحياه كلها اصبحت سياسه حتى رغيف العيش دخل بالسياسه
وأية رئيك فى الوضع الحالى ؟
اوضاع كتير لا تسر عد ولا حبيب اغلبها غلط وغريب ومش مقتنع به صراحه تقدر تقول اوضاع معكوسه وللاسف متجدده




ما رئيك فى مشاركة البنات فى السياسة ؟
البنات شريكات بالحياه معنا واذا كانوا يرغبون اهلا بهم الاهم خبراتهم ومدى تحملهم غرايب السياسه



يا ترى مش حنشوف سيدة ترشح نفسها للرئاسة ؟
في مصر مستحيل والاسباب كلنا عارفينها

ولا رئيسة وزراء
لا ممكن نشوف الفتره الجايه رئيسة وزراء لاسباب بردوا كلنا عارفينها

نخش على المنتدى
تفضل اخي انا معك

ما سبب معرفتك علي منتدي بنات مصر؟
كنت عايز اعرف ازاي اعمل مدونه ظهر لي ركن المدونات
تصفحتوا واشتركت وعملت مدونه بعدها بايام


أنت منتشرة فى المنتدى بشكل جميل
منتشرة ههههههههههه لا منتشر احب يكون لي تواجد وكمان للاسف محدش بينزل مواضيع باقسام انا بحاول اتفاعل فيها

هل مقتصدة على أقسام معينة ؟
الاقسام اللي اقدر افيد فيها بتفاعل فيها

أية السبب؟وهل ممكن نشوف كتابات جديده لياسر
بامر الله اكيد في جديد

مين الكاتب المفضل عندك فى المنتدى ؟
حضرتك واخت اسمها دمعه حايره مش عارف فين راحت والغالبيه اخاف انسى حد كلهم ممتازين جدا



ومين أقرب أصدقائك ؟
للاسف مش لي صداقات هنا في حالي

ما رئيك فى بنات مصر ؟
للاسف بشوف ظاهر اعضاء اسمهم غرب تقريبا كل ما افتح وبلا تفاعل خالص شاكك انهم ارواح او عفاريت موجودين طوالي بس بلا اي تفاعل خالص المنتدى عايز مجهود لجل يرجع احسن زي قبل كده
وطبعا منتدى كتير جميل ومحترم

من حيث السلبيات ومن حيث الأيجابيات ؟
الايجابيات انه منتدى مريح وهادي بحب فيه اقسام كتير
السلبيات مفيش تفاعل واغلب الاداريين مش موجودين ولا المراقبين ولا المشرفين وطبعا الله اعلم بظروفهم بس اعتقد بما انهم مسؤلين لازم يكون اصحاب تواجد وحضور



ما أحب الأقسام عندك ؟
الاقسام دي
الاسلاميات
العام
النقاش
الخواطر
الشخصيات التاريخيه
الصحه
التنميه البشريه
بحب يكون لي تفاعل فيهم بخلاف طبعا مدونتي


من هم الكتاب فى المنتدى المتابع لمواضيعهم ؟
اي حد واي جديد احب اهتم واتفاعل

أعضاء من المنتدي تربطك بيهم صداقه رساله منك ليهم للرجوع مع ذكر الأسماء
للاسف مفيش

من العضو المنتدي أفتقد تواجده ؟
الاخت دمعه حايره

من العضو تواجده يعطي نشاط للمنتدي ؟
صراحه حصرتك وبلا مجامله

رساله منك لكل عضو غائب ماذا تقول فيها ؟
ياريت ترجعوا لاخواتكم هنا
ربنا يرجعكم بالسلامه

تحب تقول أية للأعضاء فى المنتدى
انتم شخصيات جميله كل حد بفكره واسلوبه وحضوره يارب يسعدكم

بشكرك ياسر علي الاهتمام بطلب الضيافه
انا الل اشكرك كتير اخي لاهتمامك بيا
وأنتظرونى فى اللقاء القادم

[بحر القمر]

متشكر جدا جدا اخي الغالي
للاهتمام واستضافتي
بارك الله عمرك
كل التحيه والتقدير والاحترام

[ندوشه 2011]

اهلا وسهلا منور الضيافة يا نجم سعيده يا برنس

[د/ عبد الله]

لقاء جميل مع شخصية جميلة
طبعا ياسر من الناس اللى أثروا المنتدى بكتاباته الجميلة وشخصيته المحترمة
بالتوفيق دايما ياسر
والشكر موصول لأخي أمجد اللي دايما منشط المنتدى بمواضيعه ومشاركاته الجميلة

[شاعر الحب الحزين]

أخي ياسر صاحب تواجد مميز جدا
وله بصمة واضحة في نشاط المنتدى
أتمناله مزيد من التقدم والنجاح

استضافة جميلة لشخصية أجمل
الله يعطيك العافية أخي أمجد
ويعطيك العافية أخي ياسر
وفي انتظار ضيف جديد ❤️

[بحر القمر]

اقتباس المشاركة الأصلية كتبت بواسطة ندوشه 2011 اهلا وسهلا منور الضيافة يا نجم سعيده يا برنس

تشكرات كثيرات
منوره

[بحر القمر]

اقتباس المشاركة الأصلية كتبت بواسطة د/ عبد الله لقاء جميل مع شخصية جميلة طبعا ياسر من الناس اللى أثروا المنتدى بكتاباته الجميلة وشخصيته المحترمة بالتوفيق دايما ياسر والشكر موصول لأخي أمجد اللي دايما منشط المنتدى بمواضيعه ومشاركاته الجميلة

لانك اكيد الاحسن والافضل اخي
باخلاقك وبحضورك
يارب يبارك عمرك

[بحر القمر]

اقتباس المشاركة الأصلية كتبت بواسطة شاعر الحب الحزين أخي ياسر صاحب تواجد مميز جدا وله بصمة واضحة في نشاط المنتدى أتمناله مزيد من التقدم والنجاح استضافة جميلة لشخصية أجمل الله يعطيك العافية أخي أمجد ويعطيك العافية أخي ياسر وفي انتظار ضيف جديد ❤️

يظل الاجمل انت وحضورك وفكرك اخي
متعك الله بكل الخير يارب
شكرا كثيرا اخي

[Lamees]

اهلا وسهلا بك أخي
شكرا أمجد على الاستضافة
بارك الله فيكم

[سيناا]

ياسر دينمو المنتدى

فعال نشيط ينشر البهجة باغلب الاقسام

كتابته ومدونته تعجبني جدا احلى ياسر وساحر متعتونا