هادفين....لا تافهين

Eng lola hamdy · منذ /07-16-2009, 01:59 AM

بصوا على شباب اليومين دول حالهم عامل ازاى هتعرفوا ايه اللى خلانى كتبت الموضوع ده؟
تلاقى الواحد من دول كل حياته خروجات وسهر ونووووووووووووووووم و.....الخ .
تحس ان حياته ملهاش اى قيمه ولا معنى من الاخر تافه وعلشان كده انا فكرت فى فكره اتمنى انكوا تساعدونى فيها علشان نحاول نفعلها وانا ببدأها هنا من المنتدى بتاعنا ده وهى عباره عن....

هادفين لا تافهين
انا مش هقول حمله خليها فكره او دعوه من خلالها بقدر الامكان هنوعى شبابنا وبناتنا مدى اهميه حياتهم ووقتهم وازاى يستثمروه فى حاجه هادفه تنميهم وتفيدهم وكمان تفيد اللى حواليهم بجد يا جماعه احنا دلوقتى بنمر بفتره صعبه اوى فيها شبابنا وبناتنا وكل واحد يقولك اصل مفيش شغل ويقضى وقته على القهوه...قصدى بيضيع وقته على القهوه.
وكمان بناتنا بقى حالهم غريب جدا دا حتى مساعدتها لامها فى البيت تكاد تكون بتحصلش.
مش حاسين ان الحياه دى تافه اوى اوى ومفيهاش اى حاجه مفيده خاااااااالص .
يا جماعه حياتنا مش رخيصه اوى كده علشان نضيع فيها زى ما احنا عايزين ووقتنا دا غالى قوى ومهم جدا مينفعش اضيعه كده بكل بساطه وسذاجه تحت عنوان مش لاقى شغل او..اعمل ايه؟؟؟
لازم يا جماعه نسعى ونعمل اى حاجه تفدنا وتنفعنا بجد احنا لو فكرنا هنلاقى حاجات كتير اوى محتاجه لينا او محتاجه ان احنا نتحرك عشانها .
شوف انتا مميز فى ايه وحاول تنميه شوف انتا نفسك فى ايه واسعى انك تحقق لازم ندور ومنسكتش وبجد لازم هتلاقى بس انتا دور على المفيد وهتلاقى.
انا مش ضد الخروج والفسح ...لا طبعا اخرج واتفسح واتنطط ..بس اعمل حاجه مفيده تنفعك .
ومتنسوش ان احنا فى اجازه لازم نستغلها صح علشان تطلع بحاجه مفيد منها .

وخلى هدفك وانتا ماشى.. الا حياتى .. بجد لو حطيت الهدف ده قدامك وسعيت تنفذه بجد حالك هيتحسن كتير وهتحس انك ليك قيمه .
واخيرا....دعوه لكل الاعضاء ان احنا بجد محتاجين لحاجه زى دى وارجوا انكوا تساعدونى وتنضموا ليا علشان بجد نحاول نفّعل الدعوه دى بين شبابنا وبناتنا .
وان شاء الله شويه شويه هنعرفكوا ازاى تكونوا هادفين .
ومتنسوش الا حياتى ...... ..... انتظرونا ؟