هل اعتذرت يوماً لنفسك

[بحر القمر]

السلام عليكم ورحمة الله وبركاته


مساء الخير يارب تكونوا جميعا بخير

هل اعتذرت يوماً لنفسك


كثير بنغلط في حق غيرنا ولما بنراجع نفسنا بنروح نعتذر لهم


بغض النظر ان كانوا هيقبلوا الاعتذار ده ولا لاء مش موضوعنا



وكثير كمان بنغلط في حق نفسنا وفي حق قلبنا وفي حق روحنا


لكن مفيش حد مننا بيفكر يقول اسف يا نفسي غلطت في حقك


او اسف يا قلبي اتسببت في وجعك او اسف يا روحي جيت عليكي


بنغلط ونغلط والحياة مستمرة وبنعيشها ونَفسنا مجروحة مننا !!


بفكر بيني وبين نفسي وبقول لما احنا نعمل كده في نفسنا وفي روحنا


هنكون سبنا ايه للغير ؟ سواء الي بيحبونا او الي بيتمنوا لينا الاذى



الموضوع ده مش كلام وبس انا قصدي بالافعال كمان


احنا ليه مش نتأسف لنفسنا ونفكر نسعدها بكل طريقة مُتاحة لينا ؟


ليه مش نتوقف عن ظلمها مش كفاية غيرنا بيظلمنا وبيجي علينا كثير ؟


ليه بنكون سلبيين مع نفسنا بدل ما نكون ايجابيين ؟


اسئلتي ليكم

هل اعتذرت يوماً لنفسك ؟؟

نَفسك اول اهتماماتك ولا آخر همّك ؟

الشخص لما يحب نفسه اكثر من اي حد هل دي تُعتبر انانية ؟

ليه بنسيب سعادتنا في ايد غيرنا بدل ما نحققها بنفسنا لنفسنا ؟