سجل أفضل معلم في حياتك الدراسية

[عاشق الجمال]

سجل أفضل معلم في حياتك الدراسية
السلام عليكم ورحمة الله وبركاته

بصفتى مدرس أعرض عليكم هذا النقاش :
كلنا مر علينا مدرسين ، فيه مدرسين أحببناهم لحسن تعاملهم أو لموقف حاصل أثر فيك وإلى الآن نتذكرهم ،

وفيه مدرسين

أبغضناهم وودنا نقابلهم هالحين علشان نبرد الحرة ، وفيه مدرسين وسط يعني لامحبوبين ولا مكروهين .

طلبي هو أن كل واحد يكتب اسم أفضل المعلمين اللي مروا عليه ..

[حروف مبعثره]

تحيااااتى لكى موضوعك رائع
استاذى الذى لن انساه هو مدرس ماده الجغرافيا والتاريخ لما كان يمتاز بالعلم والدين والاهلاق والصب

[Smart blood]

والله لسه قدامى كذا سنه لسه بس بالنسبه للمراحل اللى عدت عليا

مستر ايمن كان بيدينى علوم عرفته السنه دى وانا فى تالته اعدادى وقبل ما يكون مدرسى

كان اب كان بجد بيفهمنى من عينى وكنت بجد بحب اقوله على كل حاجه مضيقانى وبجد فيه حاجات كتير

بتعجبنى اولها اسلوب الحوار وكلامه ده كان بيجذبنى ليه هههههه ديما يقولى انى متشأمه

بس بجد عمرى طبعا ما هنسااااااااه

هنشوف بقى فى ثانوى هنلاقى حد ولا ايه النظام

[دبدوبة الحبوبة]

استاذة وفاء وهي مدرسة رياضيات لتالتة ثانوي
الانسانة دي لو شلتها فوق راسي العمر كله مش هوفيها حقها

غير اخلاقها العالية وتربيتها واسلوبها الجمييييييييييييييييييل اوي مع الطالبات ومعايا تحديدا

غير انها انسانة مبدعة في مادتها فعلا كنت حاسة اني بشرب المادة دي بسلاسة مع ان المنهج رخم بس حبيته وبقيت اشرحه لصحباتي من اسلوبها هي

لدرجة ان والدي جابلي في السنة دي مدرس خصوصي عشان يضمن اني اكون متفوقه
المدرس ده بعد حصتين بالظبط قال لبابا بنتك دي انا مش عايزها دي هي اللي تعلمني من اول وجديد مش انا اللي هعلمها !!!!!!!!!!

بجد انسانة راااااااااااااااائعة بكل المقاييس فعلا
وجميلها عليا طوق على رقبتي طووووووووووووووووول العمر
بس للاسف ان معرفتي بيها كانت في اخر سنة ليا في المدرسة الثانوي ومنها للجامعة يعني مافضلتش تحد ايديها كتير للا سف

اما اساتذة الجامعة فدول كتير اوي بجد تعبو معايا لحد ما اتخرجت الحمد لله

بس اكتر واحد بذل معايا مجهود عالي اوي على ماوصلني للمرحلة اللي انا فيها دي
هو أ .د احمد خليل عسكر هو بيدرس في السعودية وفي مصر كمان رحالة يعني هههههههههههههههههههههههههههههههههههههههههههههههههه ه

يسلمو على الموضوع ياقمر ويارب طلابك يكونو بيحبوك اوي كده

[شاعر الاقصى]

انا بئه حبيت استاذ الرياضيات والجبر لانه علمني كيف احبهما


وشكر ا لك

وهو استاذ سامي مساه الله ومساكم بالخير

[دلوعة EGYPT]

مرسي على الموضوع الجميل
اما بالنسبالي بموووت بمدرستي العلوم مس فاتن كانت بدرسني وانا في تانيه اعدادي
يا رب يوفقها

[ginger.star.]

للاسف مكنس بيدرسني
مستر احمد بيدرس ماس
مرسي

[محمد الشريف]

عاشق الجمال


الطرح لمسة وفاء وذكرى طيبة لمعلمينا السابقين ... فلك الشكر على إتاحة تلك المناسبة الطيبة




قم للمعلم وفه التبجيلا

كادالمعلم أن يكون رسولا


المعلم له عظيم الأثر على الأجيال التى تنهل من علمه فالتعليم رسالة خالدة سامية

وأنا اجل واحترم كل معلمينى فى كافة مراحل التعليم فهم المصابيح التى أضاءت لنا

عقولنا ومهدت لنا طرق المعرفة فى مختلف مناحى العلوم .

ومن المعلمين المحفورين فى ذاكرتى .... كان مدرس اللغة العربية فى مرحلة الابتدائى


(( الأستاذ / ابرا هيم ))

فكم علمنا وكم بذل الجهد والعرق والدم فى سبيل توصيل النهوض بنا حيث كان صبور

لايترك أحد من التلاميذ إلا ويحاول علاج مرحلة تحصيله فى فى حالة تدنيها ولم يكن يلجأ

للعنف أو السباب أو أى ضغوط ..... حتى وصل بنا إلى بر الأمان .... ولله الحمد .

******************

بعده كان مدرس اللغة الإنجليزية فى الثانوية العامة

(( الأستاذ / سليمان ))


حيث طلب منا آنذاك نسيان كل ما تعلمناه

من الانجليزى طوال مراحل السنوات السابقة فلما نظرنا إليه بالدهشة رد علينا ( أنا محتاج فقط

أن تكونوا ملمين بأبجدية اللغة الإنجليزية ..!!!!! وبالفعل وعلى مدار العام الدراسى صنع معنا

مايشبه المعجزات فتحسن مستوانا جميعا ومن الطريف أنه عقب خروجنا من لجان الامتحان

وجدناه يبلغ كل واحد منا بما تركه وما لمن نتركه فى ورقة الإجابة من خلال أسألة الامتحان وكان

يتوقع درجات كل منا فى مادته ... وبالفعل عند ظهور النتيجة لم تختلف توقعاته كثيرا عما

توقعه . حيث تفوق الجميع بفضل الله وحسن رعاية وإخلاص مدرس اللغة الإنجليزية آنذاك


مع الشكر

[vanessa lo0ve]

بحب الاستاه لطيفه لانها حببتني في الرياضيات
اللهـ يوفقهـا يارب ويعطيها الصحهـ

[قطر الندى..]

تحيااااتى لكى موضوعك رائع
استاذتى هى مدرسة القران
واسمها ورود