تعبت

[شاعر الحب الحزين]

من كتر ما شفته ومجربه

مبقاش يهمني الحزن

احطه ف كاس صبري واشربه

ولا أحتاج لأي حضن

إلا حضن منها نفسي أجربه

ست الجمال والحسن



سلامها كلامها رقتها

جمالها دلالها ضحكتها

أجمل من ألف حضن

من أي حد تاني غيرها



عنيا اللي بتعشقك

تعبها السهر جفاها النوم

قلبي اللي بيعشقك

مقبوض بقاله كام يوم

قولي أي حاجة هصدقك

أنا ثقتي كوم في الدنيا

وثقتي فيكي لوحدك كوم

إنتي عاملة زي البحر

بحبه واسافرله بس مليش ف العوم

سحرتي القلب بلا سحر

حبيتك وهفضل أحبك مش رح امل منك يوم



للدرجة دي بتحبيني وحاسة بيا

شفتي العنوان تعبت بعتتي سيرتك ليا

نسيتيني العنوان هتعملي إيه تاني فيا

انتي ف أي مكان بتنشري طاقة إيجابية

أنا مش قد جمالك بالراحة يا قلبي عليا

انا إيه بالنسبالك ياللي انتي بالنسبالي الدنيا ديا



ش . ح

[طبيب الهوى]

أخي الحبيب خالد
ما أجمل مشاعر الحب التي صورها قلمك النابض من قلبك
برقة متناهية مست قلبي لأنها نابعة من قلبك المحب
من أحبها يا خالد لابد أشعر أنها أنا
أدعو الله أن يهبك من تشعر أنها أنت
5 *****
تحياتي لقلمك النابض من قلبك الرقيق
أبو عصام

[Lamees]

مش واضح انك تعبان يا خالد خالص
بالعكس واضح انك مبسوط
وعندك مشاعر حلوه مستنيها
ربنا يسعدك ويوفقك

[احساسى صحيح]

كما عودتنا دايما ابو ساجد الغال
عامية راقية تضاف لباقى إبداعاتك المتوصلة
دمت ودام تالقك الراقى ♥️

[ساحر الأحزان]

وبعد التعب تاتي السعاده

وبعدها يزول التعب

احسنت شاعرنا الجميل

بجمال ما بحت

تحياتي وتقديري لك

[إيلاانا]

لا عجب من تلك المشاعر المشتعلة في قلب المحب
فلا غير المحب يرضى به القلب ولا حضن يحسسه بالأمان والدف غيره
تتسارع دقات القلب حين يُذكر حرف من اسمه فكيف لو ذكر الاسم وجاء ذكره
أحسنت الوصف وابدعت
كلمات مليئة بالمشاعر والشوق والحنين
وأسلوب شيق جذاب جميل
كتب الله لك ذلك الحب وأكثر واسعدك معه وبه
كل التحايا والشكر والدعوات لك
كن بخير دومًا وابدًا
حفظك المولى واسعدك
إيلانا

[ويبقى الأثر]

حروف جميله ومشاعر اجمل
دام نبض القلب ومداده
ودام قلمك ينثر الجمال