خلصت دموعي

[شاعر الحب الحزين]

خلصت دموعي
جايين تمسحوا إيه
خلصت دموعي
جايين دلوقتي ليه



نشف الدمع فوق خدي
ما شفت حد منكم عندي
كان الفرح مالي قلوبكم
وانا ببكي ف الليالي لوحدي
كنت كاشف كل عيوبكم
كنت بسكت وبسامح وبعدي
مفيش مناديل ف جيوبكم
مفيش عندكم كلام للبال يهدي
جايين ليه ايه اللي جابكم عندي



جايين جايبين معاكوا دموع
لأ شكراً مش عايز استلف
انا ما طلبتش من حد رجوع
انا حزني له عزة نفس مختلف
متخافوش انا لو هموت موجوع
مش هقول انا ف الحزن محترف



خلصت دموعي
جايين تمسحوا إيه


ش . ح

[نجاة حسام]

ربنا يبعد عنك اى دموع ياخالد
وبعدين متقلقش انا اخده توكيل الدموع 😊😊
احسنت ربنا يحفظك
تحياتى

[فداااااااااااء]

اسوء الاشخاص اللي دايما يسيبوك تتألم لوحدك وبعدين يفكروا يواسوك بعد فوات الاوان
بتبقا خلاص مش محتاجهم جنبك
احسنت اخى شاعر
ربي يسعدك ويبعد عنك الحزن اخى ويدوم ابداعك

[^^khL oUD]

ف ناس متحبش تبقي موجوده غير ف الفرح وبس
ووقت حزنك يتبخرو
ربنا يبعدهم عنك ويبعد عنك اي حزن يارب
تسلم ايدك ي خالد الكلمات جميله والله

[fanaa]

إلا دموعك انت يابن والدي
تسلم ع الكلام الحلو دة

[شاعر الحب الحزين]

اقتباس المشاركة الأصلية كتبت بواسطة دموع الصمت ربنا يبعد عنك اى دموع ياخالد وبعدين متقلقش انا اخده توكيل الدموع 😊😊 احسنت ربنا يحفظك تحياتى

إلا دموع الصمت 😅🙂
تسلمي يا نجاة وانتي كمان يا طيبة
ربنا يبعد عنك كل دموع وكل توكيل بالدموع 😉
أحسن الله إليكي نجاة
أسعدتيني بحضورك وكلامك الطيب
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة فداااااااااااء اسوء الاشخاص اللي دايما يسيبوك تتألم لوحدك وبعدين يفكروا يواسوك بعد فوات الاوان بتبقا خلاص مش محتاجهم جنبك احسنت اخى شاعر ربي يسعدك ويبعد عنك الحزن اخى ويدوم ابداعك

الله عليكي الله يا فداااء
لخصتي كل الكلام في ردك وكلامك الصريح
الله يبعدهم عنك وعننا يارب

سلمتي وسلم قلبك النابض بالصدق
أسعدتيني حضوراً وقولا أختي الطيبة مروة
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة ^^khl oud ف ناس متحبش تبقي موجوده غير ف الفرح وبس ووقت حزنك يتبخرو ربنا يبعدهم عنك ويبعد عنك اي حزن يارب تسلم ايدك ي خالد الكلمات جميله والله

الله يبعدهم عنك يارب يا خلود
طول عمرك حنونة وقلبك طيب
الله يسعد قلبك ويحلي أيامك كلها
الله يسلمك ويحفظك ويديم وجودك يارب
أسعدتيني بحضورك وكلامك ودعواتك الطيبة
لكي بالمثل وأكثر يا خلود
شكري وتقديري وامتناني 🌺

[شاعر الحب الحزين]

اقتباس المشاركة الأصلية كتبت بواسطة fanaa إلا دموعك انت يابن والدي تسلم ع الكلام الحلو دة

خلصت خلاص يا بنت والدي
بس وجودك وكلامك غالي عندي

الأحلى وجودك وكلامك يا آية
الله يسلمك ويسعد قلبك يارب
أسعدتيني بحضورك الرقيق وكلامك
شكري وتقديري وامتناني 🌺

[ساحر الأحزان]

جعل الله

دموعك للفرح

والسعاده فقط

وابعد عنك كل ما يحزنك

احسنت

شاعرنا الجميل

تحياتي وتقديري لك